Lévinu 4:21 - Kazambale lé Sebe Sauunu 1979

²¹ É dan go lɛ dirigɔné nya sɔkɔn dɔna gini ’lɛ ma, yé é dan a kyɛ ble lɛ bélé dirigɔné vinin zo. É a munu faa lé wenyané ’yibo saraka nya.

Lévinu 4:21 ပူးပေါင်းရင်းမြစ်များ

Ezidras 8:35

Munu lé wo si luu gi yé wo da wo pa gi bɛ, winu lé wa kyɛ blé, wa nɔ Izraɛl lé Bale lɛ; dirigɔné vu ta fié a Izraɛl faa zé nya, wo valé ’blagɔné yɔ ziɛn wɔlɛ vu ta suiɛdo koo, ’blanénu yɔ yaa wɔlɛ vu ta sɔrafié koo, boligɔné vu ta fié lé ke wenyané ’yibofɛ nya koo, wa faa nɔ Gakelebale lɛ, winu lé wa kyɛ blé, wo nya.

Fwile 29:14

Naa, dirigɔné wi koo, a kɔlɛ koo, a bo koo, i dan wo kyɛ ble lɛ sɔkɔn dɔna gini lɔ ma; wenyané ma ban lé.

Ézékiɛl 45:22

’Bɛ yi la, minwiinzan é dan wenyané ’yibo dirigɔné do gyɛ lɛ yeebozen valé tɛrɛ ’ko lamunu faa lé we ma.

Lévinu 16:15

É dan munu lé wenyané ’yibo boligɔné bɔrɔ bo lɛ yé é dan go lɛ a nyɛ nya sɔ lé ke kɔnmi nya, a zi. É dan a kɛlɛ lɛ nyɛ ’ko nya fɛan zo lé é a kɛlɛ dirigɔné nyɛ nya, a zo; é dan a nwɛɛn lɛ nyanai zén mi la nyanana ta, ’é valé a ’lɛ.

Lévinu 16:21

Arɔn é dan é bɛ fiénu pla lɛ boli yuɛmale ta, yé Izraɛl lé nénu lé weplenu koo, wolé wenyané faa lé wa kɛlɛ bélidɔwenu sɛrɛle nya koo, é dan wo faa fe lɛ boligɔné ’wuo ta; é dan wo dɔ lɛ boligɔné nwiin, ’bɛ zuo é dan so lɛ a va, yé é dan a binle bɛ pa lɛ mi do lee, yé ’bɛ goan bwi gi.

Lévinu 16:27

Wenyané ’yibo dirigɔné valé wenyané ’yibo boligɔné lé wo go wo nyɛ nya fɛna sauun na, wo dan go lɛ wo nya fla gini ma, yé wo kɔlɛ koo, wo wi koo, wo bonu koo, wo dan wo kyɛ ble lɛ ’bɛna.

Lévinu 4:13

Dé é kɛlɛ léé, Izraɛl munu faa wenyané kɛlɛ ’wo tanyila yé wo ’ka a gi dɔɔa lo, yé we lé é ’ka lé mi a kɛlɛ lo, yé wa kɛlɛ yé wo Gakelebale lé bélidɔwe do sɛrɛ yé wo we dɔ ’wobo nwiin ’bɛ nya,

Lévinu 4:20

Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 6:11

Arɔn lé négɔnénu faa é dan a ble lɛ; dé mian mane a ma, ’té azan kɛlɛ segele. Fɛblelenu lé wa kyɛ blé Gakelebale ’lɛ, alé bélidɔwe lé ke bɛ; é a ka kulunu lé bélidɔwe nya lɛɛfaama.

Lévinu 6:23

Naa, wenyané ’yibo wi lé wo go a nyɛ nya zén‐ékevasɔkɔn gi wenyané ’yibole ’bɛna we ma, té wo ’bɛ wi ble monomono lo; ’wa kyɛ ble.

Lévinu 8:17

Naa, dirigɔné kɔlɛ koo, a wi koo, a bonu koo, é wo kyɛ ble sɔkɔn dɔna gini ma, Gakelebale a fe Moizi lɛ fɛan zo, a zo.

Mi Nɔnɔle 15:24

dé mian wenyané kɛlɛ é tanyila, ’té munu ’ka a gi dɔɔa lo, dé wa ’ma, munu faa é dan maa Gakelebale ban lɛ diriboroné do lé wa kyɛ blé, ’té maa Gakelebale a gin sié néné, a nya; ’ka an ban’yi pa a va, a sɔnné lé wa fe, a yɛrama; yé ’wo maa Gakelebale ban boligɔné do nya wenyané ’yibofɛ nya é ziin.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Ébrunu 13:11

Winu lé Balebanmunu ’lɛzan éé goo wo nyɛ nya fɛna sauun na wenyané ’yibofɛ nya, woo wo kyɛ blé fla gini ma.