Lévinu 4:20 - Kazambale lé Sebe Sauunu 1979

²⁰ Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 4:20 ပူးပေါင်းရင်းမြစ်များ

Fwile 32:30

’Bɛ é tu kini, Moizi lé munu lɛ léé: Ka wenyané blɛn kɛlɛ. Sin, maa dan go lɛ Gakelebale va loru; dé an zanté vɔ, dé é dan a nyi si lɛɛ?

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Lévinu 1:4

É dan é bɛ pla lɛ balebanwi lé wa kyɛ blé, a ’wuo ta, yé Gakelebale é dan é ban‐ɛn ble lɛ, yé é dan kɛlɛ lɛ alé wenyané ’yibofɛ nya.

Lévinu 12:8

Dé ’blané mafɛ ’ka lezan lee lo, é dan plala fié si lɛ, ɛɛ, dé ’bɛ kaan lo, ’é plawuo sua fié si, a do ’é kɛlɛ balebanwi lé wa kyɛ blé, a nya, yé a do ’é kɛlɛ wenyané ’yibo saraka nya. Balebanzan é dan alé wenyané ’yibo lɛ, yé lezan é dan kɛlɛ lɛ tegele.

Lévinu 14:18

Nyɔnɔ pɔné lé é vo Balebanzan lee, é dan a zén lɛ gɔnézan lé é da ’é nwiin foli lɛ, a nwiin; yé Balebanzan é dan alé wenyané ’yibo lɛ Gakelebale ’lɛ.

Lévinu 15:15

Balebanzan é dan Bale ban lɛ wo nya; a do é dan kɛlɛ lɛ wenyané ’yibo saraka nya, yé a koɛzan é dan kɛlɛ lɛ balebanwi lé wa kyɛ blé, a nya; yé Balebanzan é dan gɔnézan lé wenyané ’yi bo lɛ Gakelebale ’lɛ, a ’yi bɔrale we ma.

Lévinu 19:22

Wenyané lé é a kɛlɛ bɛ, balebanzan é dan a ma wenyané ’yibo lɛ Gakelebale ’lɛ, wenyaa saraka ’blagɔné nya, yé wenyané lé é a kɛlɛ bɛ, wo dan a ma we vo lɛ.

Lévinu 4:21

É dan go lɛ dirigɔné nya sɔkɔn dɔna gini ’lɛ ma, yé é dan a kyɛ ble lɛ bélé dirigɔné vinin zo. É a munu faa lé wenyané ’yibo saraka nya.

Lévinu 4:26

É dan a nyɔnɔ faa kyɛ ble lɛ balebanna ta, woo bɔvɔ saraka lé winyɔnɔ zé kɛla fɛan zo, a zo. ’Bɛ zo lé Balebanzan é dan minwiinzan lé wenyané ’yibo saraka bo lɛ yé Bale é dan a ma we vo lɛ.

Lévinu 4:35

Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:8

É dan wenyané ’yibo dirigɔné nyɔnɔ faa si lɛ; a nyɔnɔ lé é séli vɔ a bun‐an ta valé a nyɔnɔ lé ke a bun‐annu méléna koo,

Lévinu 5:10

É dan miané koɛzan nɔ lɛ balebanwi lé wa kyɛ blé, a nya, é kɛlɛbɛ yɛrama. ’Bɛ zo lé Balebanzan é dan mi ’ko lé wenyané ’yibo lɛ yé Bale é dan a ma we vo lɛ.

Lévinu 5:13

Mi lé é we ’konu va we do kɛlɛ, ’bɛ zo lé Balebanzan é dan alé wenyané ’yibo lɛ, yé Bale é dan a ma we vo lɛ. Balebanfɛ pɔné lé é vo, ’bɛ a Balebanzan zé nya, bélé Gakelebale lé fɛblele lé we zo.

Lévinu 5:16

É fɛna sauun table fɛan zo, é dan ’bɛ yɛrama gɔɔli nɔ lɛ Balebanzan lɛ, yé é dan a fɛsoruzan pa lɛ a ma. Balebanzan é dan alé wenyané ’yibo lɛ ’blagɔné lé é wenyaa saraka bo a nya, a nya, yé Bale é dan a ma we vo lɛ.

Lévinu 5:18

É dan da lɛ wenyaa saraka bofɛ nya Balebanzan lɛ. É dan da lɛ ’blagɔné lé we do kpen ’ka a ma lo, ’té wa si trubɛ va, a lɛi lé bé gɔɔn, a nya. Yé wenyané lé é a kɛlɛ é tanyila, Balebanzan é dan a ’yibo lɛ yé Bale é dan a ma we vo lɛ.

Lévinu 5:6

’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 6:7

Baleban fɛblele lé bélidɔwe a ’ko zo: Arɔn benu é dan da lɛ a nya Gakelebale ’lɛ, balebanna ’lɛ.

Mi Nɔnɔle 15:25

Balebanzan é dan Izraɛlnu faa lé wenyané ’yibo lɛ, yé é wo ma we vo. Naa, wo wenyané kɛlɛ ’wo tanyila, yé wo balebanfɛ nɔ, saraka lé wa kyɛ blé Gakelebale lɛ, a tɔ bɔle we ma, a nya; wo wenyané ’yibofɛ nɔ maa Gakelebale lɛ, wenyané lé wa kɛlɛ ’wo tanyila, alé we ma.

Mi Nɔnɔle 15:28

Mi lé é wenyané kɛlɛ é tanyila, Balebanzan é dan alé wenyané ’yibo lɛ Gakelebale ’lɛ; dé é wenyané ’yibofɛ nɔ, ’té maa dan a ma we vo lɛ.

Rom munu 5:11

Yé ’bɛ saa kaan lo, naa, é ziin, Kozan Jézu Krist lé, Bale valé konu nana a ta, ko gi a é nanale Kazambale va alé we ma.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 2:17

Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.