Lévinu 3:5 - Kazambale lé Sebe Sauunu 1979

⁵ Arɔn benu é dan ’bɛ kyɛ ble lɛ balebanna ta, balebanwi lé wa kyɛ blé kyɛyili lé wa zén kyɛ ta, a ta, ’bɛ ta loru. Saraka lé wa faa kyɛ blé, ’té Gakelebale a gin sié néné, yee lé.

Lévinu 3:5 ပူးပေါင်းရင်းမြစ်များ

1 Minwiinzannu 8:64

Yi ’ko nya minwiinzan Gakelebale lé kɔn ’léé gɔrɔ pa é yɛrama; naa, balebanwi lé wa kyɛ blé koo, Bale blannu koo, bɔvɔ sarakanu nyɔnɔ koo, é a nɔ Bale lɛ ’bɛna; balebanna lé wa kɛlɛ zéné nya, é a kiéné balebanwi lé wa kyɛ blé koo, Bale blannu koo, bɔvɔ sarakanu koo, wo ma, ’bɛzama.

2 Minwiinmunu lé Wezuofe Sɛbɛ 35:14

’Bɛ zuo yé wo ’wolé fɛ valé Balebanzannu lé fɛ ma’lɛrɛ. Naa, balebanwinu lé wa kyɛ blé, ’bɛ valé winyɔnɔnu, Arɔn benu Balebanzannu vo Gakelebale banna a nya fɔɔ yé béli tan. Amalé Lévinu wobo lé fɛ ma’lɛrɛ yé wo Arɔn benu Balebanzannu zé ma’lɛrɛ.

Fwile 29:13

Diri nyɔnɔ faa lé ke a bun‐an ma koo, a bli fee blɛn koo, a kolimayerewɔlɛ fié valé é ma nyɔnɔ koo, i dan wo si lɛ yé i dan wo kyɛ ble lɛ balebanna ta.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 3:11

Balebanzan é dan ’bɛ kyɛ ble lɛ balebanna ta. Fɛblele saraka lé wa kyɛ blé Gakelebale ’lɛ, yee lé.

Lévinu 3:4

a kolimayere fié koo, wo ma nyɔnɔ valé a kolimiligi nyɔnɔ koo, a bli fee blɛn lé wa si a kolimayere sɔnɔ koo, woo lé.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:35

Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 6:12

Gakelebale we fe Moizi lɛ léma:

Lévinu 7:28

Gakelebale we fe Moizi lɛ yé é léma:

Lévinu 9:17

É balebanfɛblele gɔɔn yé é a si bɛ nya do yé é a kyɛ ble balebanna ta; balebanwi lé wa kyɛ blé bladi, é a nɔ ’bɛ taa nya.

Mi Nɔnɔle 15:8

Dé i Bale ban diriné do nya, dé a kyɛblele léé, dé Bale kunle gifɛ nɔle léé, dé Gakelebale bɔvɔ saraka léé,

Mi Nɔnɔle 18:17

Naa, dé é a diriné vininzan nyaoo, dé é a ’blané vininzan nyaoo, dé é a boliné vininzan nyaoo, té ’wo wo tabo lo. ’I wo nyɛ zana balebanna ta, yé ’i wo nyɔnɔ kyɛ ble; é a saraka lé wa kyɛ blé, ’té Gakelebale a gin sié néné, a nya.

Mi Nɔnɔle 28:12

yé dirigɔné do do vafɛ ’é kɛlɛ burupun zima suo do lé wa vɔɔ nyɔnɔ nya, a nya; ’blagɔné vafɛ ’é kɛlɛ burupun zima suoné fié lé wa vɔɔ nyɔnɔ nya, a nya;

Mi Nɔnɔle 28:3

Bé fe wo lɛ léé: Fɛ lé wo dan a nɔ lɛ maa, Gakelebale lɛ sarakabofɛ lé wa kyɛ blé, a nya, yee lé ke ’ko: yi faa do do ma, ’blané fié lé wo lɛɛ ke do, ’té we do ’ka wo ma lo, ’wo ’bɛ nɔ balebanwi lé wa kyɛ blé, ’té a nɔle ’ka nyaan lo, a nya.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.