Lévinu 3:1 - Kazambale lé Sebe Sauunu 1979

¹ Dé mi do a a va léé, ’é bɔvɔ saraka bo Gakelebale lɛ, a we a ’ko zo: Dé é diri nɔ, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ Gakelebale lɛ.

Lévinu 3:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 21:26

David Gakelebale banna kɛlɛ ’bɛna, yé balebanwi lé wa kyɛ blé, é ’bɛ valé bɔvɔ sarakanu bo Gakelebale lɛ. É Gakelebale tɔ laa, yé Gakelebale a zi pa kyɛ nya, é si la gi yé é zun balebanna lé woo wi kyɛ blé a ta, a ta.

Fwile 20:24

’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Fwile 24:5

É Izraɛlnu va pɛniɛnu nwunvɔ Gakelebale banle we gi, balebanwi lé wa kyɛ blé, a nya, ’bɛ valé bɔvɔ sarakanu bole dirigɔnénu nya we gi.

Fwile 29:28

Wa Arɔn valé é benu zé nya, bélidɔwe lé a glɛ ’ka lo, a yɛrama; é a lé Izraɛl lé nénu ’é tawo bélidɔwe ’ko ta, naa, nwale valé tuale blan lé; bɔvɔ sarakanu lé Izraɛl lé nénu a boo, wo va saraka lé ke a nwale valé a tuale blan nya, é a Gakelebale zé nya.

Wegɔnévɔlenu 7:14

É a lé maa bɔvɔ saraka bo, kyɔ anlé bale kunle lɛ sɔɔ.

Ézékiɛl 43:27

Dé yi ’konu lɛ sɔɔ, é sia a yi sɔraazan ma fɔɔ yé é bɔ yi pɔnénu ma, kalé balebanwinu lé wa kyɛ blé koo, kalé bɔvɔ sarakanu koo, Balebanmunu é dan wo bo lɛ balebanna ta. Yé an dan an banfɛ ble lɛ. A zo lé Mizan Gakelebale a fe.

Ézékiɛl 45:15

Mizan Gakelebale léma: ’Ka ’bla si do do ’bla wuru do do va, Izraɛlnu lé trubɛ blena zimanu na, blɛ koo, balebanwi lé wa kyɛ blé koo, bɔvɔ saraka koo, wo nya, yé ’é kɛlɛ munu lé wenyané ’yibofɛ nya.

Lévinu 1:10

Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Lévinu 17:5

Wean ma lé Gakelebale a fe, é ’ka lé Izraɛlnu éé saraka boo féinu ta lo; é a lé ’wo da ’wolé balebanwi nya Balebanzan va Gakelebale ’lɛ, zén‐ékevasɔkɔn ’léé, yé ’wo bɔvɔ saraka bo Gakelebale lɛ wo nya.

Lévinu 3:6

Dé mi do bɔvɔ saraka bo Gakelebale lɛ trubɛ nya, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ.

Lévinu 9:18

É munu lé bɔvɔ saraka lé dirigɔné valé ’blagɔné bɔrɔ bo. Arɔn benu a nyɛ nɔ Arɔn lɛ yé é a zén balebanna ta fɛfaana.

Lévinu 9:4

’Ka dirigɔné valé ’blagɔné si bɔvɔ saraka nya, yé ’ka Gakelebale ban wo nya; blɛ lé wa vɔɔ nyɔnɔ nya, ’ka ’bɛ si é ziin. Naa, Gakelebale é dan bɔra lɛ ka va kyɔ.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Malasi 1:8

Dé ka an ban trubɛ yuɛ ’wiile nya, ’bɛ ’ka é naané loo? Dé ka an ban tunbowi valé wi lé é zanai, a nya, ’bɛ ’ka é naané loo? ’Ka nɔ ka nwiinzan lɛ do, é dan we lɛ a maa? É dan a nyi si lɛɛ? A zo lé lai sunyanu lé Gakelebale a fe.

Mi Nɔnɔle 15:8

Dé i Bale ban diriné do nya, dé a kyɛblele léé, dé Bale kunle gifɛ nɔle léé, dé Gakelebale bɔvɔ saraka léé,

Mi Nɔnɔle 6:14

É a lé é Gakelebale ban; ’blagɔnéné lé a lɛɛ kɛlɛ do, ’té we do ’ka a ma lo, ’é ’bɛ nɔ balebanwi lé wa kyɛ blé, a nya; ’bladané lé a lɛɛ kɛlɛ do, ’té we do ’ka a ma lo, ’é ’bɛ nɔ wenyané ’yibofɛ nya; ’blagɔné lé we do ’ka a ma lo, ’é ’bɛ nɔ bɔvɔ saraka nya;

Mi Nɔnɔle 7:17

yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Aminadab be Nasɔn lé balebanfɛnu lé ke bɛ.

Mi Nɔnɔle 7:59

yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Pédasuu be Gamliɛl lé balebanfɛnu lé ke bɛ.

Bélidɔwesɛbɛ Fiézan 12:27

Wi lé wa kyɛ blé, ’ka ’bɛ valé é nyɛ nɔ Gakelebale lɛ, Gakelebale, kalé Bale banna ta; naa, saraka bɛnu, ’wo wo nyɛ zana Gakelebale, kalé Bale banna ta, yé ’ka a wi ble.

Kolɔs munu 1:20

É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

1 Jan 1:3

Yee lé ko a ye yé ko a ’ma, ko a yee ɛ fena ka lɛ, kaa kɛlɛle do we ma. Naa, ko a é kɛlɛle do kaa Ti valé é Be Jézu Kristnu nya.

Weblezannu 20:26

Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

Weblezannu 21:4

’Bɛ é tu kini munu nwa bladi tutu; wo balebanna do dɔ yé wo winu kyɛ ble a ta yé wo bɔvɔ sarakanu bo.