Lévinu 27:21 - Kazambale lé Sebe Sauunu 1979

²¹ Dé féilɔzan si a ta lɛɛ nyané nya, wo dan féi ’ko pa lɛ é yɛrama yé é vo bélé féi lé wa vo Gakelebale zé nya, a zo; é dan kɛlɛ lɛ Balebanzan zé nya.

Lévinu 27:21 ပူးပေါင်းရင်းမြစ်များ

Ezidras 10:8

Minwiinzannu valé mi segelenu léé, dé miomian ’ka go lɛ ana yi yaa wuo lo, wo dan alé fɛnu si lɛ a lee, yé é ’ka dan luugimunu zénle ékeva na ye lɛ é dɛrɛ lo.

Ézékiɛl 44:29

Blɛfɛnu koo, wenyané ’yibo sarakanu koo, wenyané ma sarakanu koo, wo dan kɛlɛ lɛ wozé fɛblele nya; yé fɛ faa lé Izraɛlnu a pa é yɛrama Bale zé nya, ’wa nɔ Balebanmunu lɛ.

Lévinu 25:10

A lɛɛ yɔ fié wɔlɛ vuzan ’é kɛlɛ kalé lɛɛ nyané nya; ka dan vole éboma ’ko zana dɔɔ lɛ kalé tɛrɛ la munu faa lɛ; é a kalé lɛɛ nyané nya; ka faa do do é dan nɔla lɛ kalé fɛna; yé ka faa do do é dan nɔla lɛ kalé munu va.

Lévinu 25:28

Dé é ’ka a tabofɛ ye lɛ lo, fɛ lé é a dɔ bɛ, é dan vo lɛ a dɔleezan lee, fɔɔ yé lɛɛ nyané é bɔ; lɛɛ nyané nya, alé féi é dan vo lɛ a lee, yé a dɔleezan é dan si lɛ ana.

Lévinu 25:31

Fla lé gɔrɔ ’ka é bole a zi lo, alé kɔnnu a bélé féi zé zo; ’bɛ tabole se a, yé a dɔleezan é dan si lɛ a gi lɛɛ nyané nya.

Lévinu 27:20

Dé é ’ka féi ’ko tabo lɛ lo, dé é a dan mi bɛ lee, wo ’ka bɔa a tabole lɛ é dɛrɛ lo.

Lévinu 27:22

Dé mi do féi do lɔ yé é ’ka alé fɛna nya é kyɛn lo, yé é sɔ a lɛ léé, ’é a nɔ Gakelebale lɛ,

Mi Nɔnɔle 18:14

Fɛ faa lé Izraɛlnu a nɔ bale pale a ma nya, wo dan kɛlɛ lɛ izé nya.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Jozué 6:17

Fla koo, fɛnu faa lé ke fla koo, wo dan wo nɔ lɛ Gakelebale lɛ bale pale wo ma nya, naa, bɔrɔdɛ le Raab koo, munu faa lé wo ke a va kɔn gi koo, wo dan wo vo lɛ é yuɛma, munu lé ko wo nwunvɔ, é wo yɔɔ, ’bɛzama.