Lévinu 26:9 - Kazambale lé Sebe Sauunu 1979

⁹ An dan an yara dɔ lɛ ka vazia, yé maa dan ka kɛlɛ lɛ néyaazannu nya, yé maa dan ka fan lɛ, yé an dan dɔ lɛ anlé gipawe ta ka va.

Lévinu 26:9 ပူးပေါင်းရင်းမြစ်များ

Wepélisiananu 1:28

Kazambale wo drɔɔ vo, yé Kazambale lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la yé ’ka pla a tafɛnu nwiin; wɛyi va pɔnu koo, lagi mianénu koo, wi faa lé éé giéan tɛrɛ la koo, ’ka pla wo nwiin.

Wepélisiananu 17:20

Dé é a Ismaɛl zé nya, maa ’bɛ ’ma. Bé gini, maa dan a drɔɔ vo lɛ, yé maa dan a kɛlɛ lɛ né kiɛre yaazan nya, yé maa dan a fan lɛ fɔɔ a glɛ ’ka lo; é dan tɛrɛzannu yaa lɛ vu ta fié, yé maa dan a kɛlɛ lɛ bɛn gɔnɔ blɛn do nya.

Wepélisiananu 22:17

maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 48:4

É lé an lɛ léé, ’é dan an fan lɛ, yé ’é an kɛlɛ di. Yé ’é dan an kɛlɛ lɛ bɛn gɔnɔ kiɛre nya. ’É dan tɛrɛ ’ko nɔ lɛ an kulunu lɛ an zuo, yé é vo wozé nya lɛɛfaama.

Wepélisiananu 6:18

Naa, maa gi pa do i va. I dan wɔra lɛ ’yitagoro gi. Bii valé i benu koo, i na koo, i be nanu koo, ka faa lé.

1 Minwiinzannu 3:8

Munu lé i wo si a va, munu kiɛre lé wo ’ka bɔa wo nɔnɔle lɛ wo kiɛre we ma lo, i wuozan a wo méléna.

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

Néémi 2:20

Yé maa zi pa wo lɛ léé: Lanu gi Bale é dan we ’ko va gyɛ lɛ ko lɛ. Ko, a wuozannu, ko dan nwa lɛ yé ko dan a dɔ lɛ, naa, ’kaa, ka dɔna kaan lo, yé kazé ’ka a gi lo; yé ka tɔ ’ka Jérusalɛm va lo.

Néémi 9:23

I wo benu fan bélé lagi monénénu zo, yé tɛrɛ lé bé fe wo tranu lɛ léé, wo dan a si lɛ wozé nya, i bɔ wo va yé wo nyana a ta.

Lɛrɛvɔ Sɛbɛ 107:38

É wo drɔɔ vo yé wo faan Yé é ’ka wolé winu ’léé zana a gi lo.

Lɛrɛvɔ Sɛbɛ 89:3

Naa, maa léé: Ilé zin a é dɔle gligli lɛɛfaama zé nya; I i yarapale we ta dɔ plɛplɛ la gi.

Fwile 1:7

Izraɛl lé nénu a néyaamunu nya, yé wo kɛlɛ kiɛre, yé wo ’léé gi gyɛ yé wolé plɛplɛ taa vo zénna a va. Yé wo fan tɛrɛ ’ko la.

Fwile 2:25

Kazambale yuɛ vɔ Izraɛl lé nénu ta, yé a nyanai zén wo ta.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

Ézékiɛl 16:62

Maa dan an gi pa lɛ i va, yé i dan a gi dɔɔ lɛ léé, maa ɛ ke Gakelebale nya,

Ézékiɛl 36:9

Bé ye, an bli é dan kɛlɛ lɛ ka ma é zima. Maa dan an yara dɔ lɛ ka ta, yé wo dan féi pa lɛ ka nwiin yé wo fɛ vɔ ana.

Lévinu 26:15

dé ka lɔlu plɛn anlé bélidɔwenu ma, yé ka serele bo anlé gɔnɔlawenu ma, yé dé bɛwemalé ka ’ka an sɔnnénu faa pa lɛ lo, yé ka anlé gipawe sɛrɛ,

WENÉNÉ LÉ LUK A GYE (Évangile selon Luc) 1:72

’Bɛ zo lé a nyanai éé zén‐é ko tranu ta, ’té gipawe plɛplɛ sele éé dɔa a gi;

Bélidɔwesɛbɛ Fiézan 28:11

Kalé nénu koo, kalé trubɛnénu koo, kalé féifɛnu koo, Gakelebale é dan wo fan lɛ é zima, tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 28:4

ilé nénu koo, ilé féifɛ koo, ilé trubɛnénu koo, ilé dirinu valé ilé bolinu valé ilé ’blanu fanle koo, wo faa drɔɔ é dan vo lɛ.

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

Ébrunu 8:9

É ’ka bélé gipawe lé maa a kɛlɛ wo tranu va Yian ma lé maa zi sia wo nya Wo sile Éjipiti tɛrɛ la we gi, a zo lo. Naa, wo ’ka wo yara pa lɛ anlé gipawe kɛlɛle ta lo; Amalé maa Mizambale léé: An yara sié wo ta é ziin.