Lévinu 26:6 - Kazambale lé Sebe Sauunu 1979

⁶ Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

Lévinu 26:6 ပူးပေါင်းရင်းမြစ်များ

2 Minwiinzannu 2:24

É nɔla yé é wo nagini, yé é bale pa wo ma Gakelebale tɔ nya. Yé wi blɛn lé wa laama urisi, wo si pɔrɔ gi fié yé wo pɛniɛnu ’ko va mi yɔ fié wɔlɛ fié gyɛ.

Minwiinzannu lé Wezuofe Sɛbɛ 22:9

Naa, an dan négɔné do yaa lɛ yé ’bɛ é dan kɛlɛ lɛ mi drɔɔ nya, yé ’é dan ’bɛ si lɛ a nyanézannu lé wa zi lɛ sɔɔ, wo lee, yé é vo drɔɔ; wo dan a tɔ laa lɛ Salomɔn, yé ’é dan vole drɔɔ nɔ lɛ Izraɛl lɛ alé tɛrɛ la bléyi va yé wo dan nyana lɛ woboma.

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

JOB (Job) 11:19

I dan yia lɛ yé we do kpen ’ka dan i bli kyɛ dɔ lɛ lo, Yé mi kiɛre é dan i ma kwa kuli lɛ.

JOB (Job) 5:23

Naa, i dan i gi pa lɛ do bwi gi gɔlɛnu va, Yé bwigiwinu é dan vo lɛ i va drɔɔ.

Lɛrɛvɔ Sɛbɛ 144:14

Kolé diridanu woo né yaan di; We do ’ka kɛla ko lɛ lo; wo ’ka goo ko nya luu gi lo. Wu ’ka wé kolé zinu ta lo.

Lɛrɛvɔ Sɛbɛ 147:14

Éé kalé tɛrɛ voo drɔɔ, Yé éé ka kaan fɛ zima baba nya;

Lɛrɛvɔ Sɛbɛ 29:11

Gakelebale éé plɛplɛ no élé munu lɛ; Gakelebale élé munu drɔɔ voo yé éé gi nanale no wo lɛ.

Lɛrɛvɔ Sɛbɛ 3:5

An siaan an dére nya Gakelebale lɛ, Yé éé a zi paan an lɛ élé gɔ blɛn sauun nwiin. Ka ye do.

Lɛrɛvɔ Sɛbɛ 4:8

I an gi nana yé é mini munu lé Wolé ’sa valé wolé dɔrɔ dɛrɛ kɛlɛ kiɛre, wozé ta.

Lɛrɛvɔ Sɛbɛ 85:8

Gakelebale, ilé zin nagɔɔn yé ko ye, Yé ’i ko si we gi.

Fwile 23:29

Maa ’ka dan wo bin lɛ ka ma baa lɛɛ do kpen gi lo, dé tɛrɛ é da kɛlɛ bwii nya, yé bwigiwinu ’léé gi é gyɛ ka ma.

Wegɔnévɔlenu 3:24

Dé i yia, kana ’ka dan vɔ lɛ i gi lo; dé i a yiɛna, i dan yi gyɛ lɛ drɔɔ.

Wegɔnévɔlenu 6:22

Dé i a tawona, wo dan zi gɔɔn lɛ i lɛ, dé i a yigyɛna, wo dan yuɛ pa lɛ i va, yé dé i vuo wo dan we fe lɛ i lɛ.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 35:9

Golizra ’ka dan zun lɛ yee zi ’ko ta lo; Migyɛwi do kpen ’ka dan zi ’ko sia lɛ lo; Wo ’ka dan wo ye lɛ ana lo, Voébomamunu ɛ dan tawo lɛ a ta.

Ézai 45:7

Maa ɛ tu kinié yé maa ɛ gunu dɔraan; Maa ɛ mi vɔa a ma yé maa ɛ mi gya nyané nya; Maa Gakelebale, maa ɛ we ’konu faa kɛla.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 31:26

’Bɛna tɔɔn, a vuo, yé an yuɛ fuo; anlé yigyɛle ’ko nana an lee.

Ézékiɛl 14:15

Dé maa a se kɛlɛ kɔɔn migyɛwinu lɛ léé, wo gié tɛrɛ ’ko ta a tamunu gyɛle we ma, dé tɛrɛ ’ko la kɛlɛ bwii lé, mi do ’ka bɔa giéle lɛ ana wi nyanénu ’ko lé we ma lo, ana nya,

Ézékiɛl 14:17

Eɛ, dé an da kɔɔn gwɔun nya fla ’ko la munu ma, dé maa fe kɔɔn léé, gwɔun ’é gié tɛrɛ ’ko la yé é blaminu valé winu kulu ga,

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Ézékiɛl 34:27

Féiyilinu poro é dan baa lɛ, yé tɛrɛ é dan fɛ dɔ lɛ. Wo dan nyana lɛ wobo ma duaa ’wolé tɛrɛ la, yé dé ma wo bɔrɔ ma luubalenu kini, yé maa wo si munu lé ’bɛnu ke é plale wo nwiin, ’bɛnu lee, ’té wo dan a gi dɔɔ lɛ léé, maa ɛ ke Gakelebale nya.

Ézékiɛl 5:17

Maa dan ka gyɛ lɛ lɔrɔ nya yé maa dan wi nyanénu nwa lɛ ka ma, yé wo dan kalé nénu wi ble lɛ. Bawurumagyɛ é dan da lɛ ka va, yé ka nyɛ é dan yoro lɛ. Maa dan da lɛ ka va gwɔun nya. Maa Gakelebale ɛ fe.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

OZÉ (Osée) 2:20

’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

Lévinu 25:18

’Ka tawo anlé bélidɔwenu ta, ’ka an dérenu lɛdɔma yé ’ka wo ta tawo, yé ka dan nyana lɛ ana tɛrɛ la duaa.

Lévinu 25:19

Tɛrɛ é dan baa lɛ ka lɛ, ka dan fɛ ble lɛ yé ka kan, yé ka dan nyana lɛ ana duaa.

Lévinu 26:22

Maa dan bwigiwinu nwa lɛ ka ma, yé wo dan kalé nénu si lɛ ka lee yé wo dan kalé winu kulu ga lɛ, yé wo dan ka ke si lɛ a va yé ka vo sɛné; yé kalé zinu é dan ga lɛ.

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Lévinu 26:7

Ka dan ka nyanézannu zuo bin lɛ yé ka dan wo gyɛ lɛ gwɔun nya.

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Agajé 2:9

Lai sunyanu lé Gakelebale léma: Kɔn voélazan ’ko tɔbɔle é dan mini lɛ kɔn vininzan zé ta. Fɛkona lé maa dan mi vo lɛ drɔɔ. A zo lé lai sunyanu lé Gakelebale a fe.

Zakari 9:10

Maa dan Éfraim lé gulidangoronu sɛrɛ lɛ, Yé maa dan Jérusalɛm lé wisoonu gyɛ lɛ; Maa dan gulidansanu yi ga lɛ. É dan vole drɔɔ zana dɔɔ lɛ bɛnnu lɛ, É sia wɛyi do ma yé é bɔ wɛyi koɛ ma, É sia yuu ma fɔɔ yé é bɔ tɛrɛ glɛ sina, é dan pla lɛ wo nwiin.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

Kelewenu 12:6

Yi lé Érɔd é dan alé we kɛlɛ lɛ, ’bɛ tasi nya é béli, Piɛri a yi gyɛna sunya fié méléna, ’té gɔgɔbale fié a é vɔle a ma, ’té kɔn tabin sunyanu a é dɔle bokɔn ’léé, yuɛ pana bokɔn ta.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.