Lévinu 26:5 - Kazambale lé Sebe Sauunu 1979

⁵ Dé ’sagyɛle ’ka tan nyaa lɛ lo, ’té kalé dɔrɔnu tin, yé ka dan vo lɛ a poro sona fɔɔ yé féipabléyi bɛ é bɔ; ka dan fɛ ble lɛ yé ka kan, yé ka dan nyana lɛ duaa kalé tɛrɛ la.

Lévinu 26:5 ပူးပေါင်းရင်းမြစ်များ

Lɛrɛvɔ Sɛbɛ 144:13

Kolé boonu a é fanle Fɛblele gɔnɔ faa nya yé é bɔra a ’léé. Kolé ’blanu éé né yaan baa wuru é wuru di nya Kolé féinu ta;

Lɛrɛvɔ Sɛbɛ 90:1

Bale lé mi Moizi lé bazorole lé. Mizan, i a ko vɔzizan nya, Ko kulu é kulunu zé nya.

Fwile 16:8

Moizi léé: Gakelebale é dan wi nɔ lɛ ka lɛ é nyanadi ’ko, yé tɛlɛ bladi ka dan kan lɛ buru nya, gun lé ka a gyɛ Gakelebale ma, é a ’ma, ’bɛzama; naa, ko a de ɛ nyaa? Ko ma‐an ka gun gyɛ lo, Gakelebale ma lé ka kɛlɛ.

Wegɔnévɔlenu 1:33

naa, mian éé tɔné dɔa an lɛ, é dan nyana lɛ é ta béli dɔle nya, é dan vo lɛ drɔɔ, ’té wenaané do kpen kana ’ka a gi lo.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 1:19

Dé ka an lɛdɔma bli drɔɔ nya, ka dan fɛ zinnu ble lɛ tɛrɛ ’ko la.

Ézai 30:23

Yé Bale é dan lɛɛ da lɛ fɛwɔlɛ lé ka vɔ, a ta, yé kalé tɛrɛ é dan fɛ dɔ lɛ, yé a néné é dan ka bua lɛ, yé a bléyi duo nya kalé trubɛnu é dan fɛ ble lɛ trubɛ blena blɛn na.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

OZÉ (Osée) 2:20

’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

Joɛl 2:19

Gakelebale a zi vɔ élé munu lɛ léé: Ka ye, maa dan ’sa koo, Dɔrɔ dɛrɛ koo, nyɔnɔ koo, wo pa lɛ ka lɛ zia, Yé ka dan kan lɛ wo nya, Yé maa ’ka dan ka gyɛ lɛ yara nya bɛnnu méléna é dɛrɛ lo.

Joɛl 2:22

Bwigiwinu, té ka kana lo, Naa, lu tolu é dan bɔ lɛ bwi gi fɛna dégélé na. Naa, yilinu é dan ’wo poronu baa lɛ, Wo dan tɔnɔ ye lɛ bɔrɔyili valé dɔrɔféi ma.

Joɛl 2:26

Ka dan fɛ ble lɛ yé ka dan kan lɛ, Yé ka dan Gakelebale, kalé Bale tɔ ma gyɛ lɛ. Yee ɛ dan we blɛnnu kɛlɛ lɛ ka lɛ, Yé yara ’ka dan anlé munu gyɛ lɛ é dɛrɛ lo.

Amɔs 9:13

Gakelebale léma: Ka ye, a yinu é dan bɔ lɛ, Yé fɛ gyɛle tɔɔn, féipazan é dan féi pa lɛ; Dɔrɔyi borole tɔɔn, wo dan fɛ vɔ lɛ. Dɔrɔ dɛrɛ é dan kɛlɛ lɛ di bélé ’yi lé éé yoroan gɔnu nwiin, ’Té éé yoroan gɔpanénu faa nwiin, a zo.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

Kelewenu 14:17

naa, duowo wezin kɛlɛle ka lɛ ma lé éé a nagɔɔn‐an ka lɛ yifaama léé, ’yee ɛ ke ana. Éé lɛɛ paan ka lɛ zia yé éé kalé féi dɔa di, yé éé fɛblele no ka lɛ kiɛre yé éé ka faan gi nanale nya.

Bélidɔwesɛbɛ Fiézan 11:15

Gakelebale léé, é dan lu tuu lɛ kalé trubɛnu zé nya; ka dan fɛ ble lɛ yé ka dan kan lɛ.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.