Lévinu 26:43 - Kazambale lé Sebe Sauunu 1979

⁴³ Wo dan si lɛ wolé tɛrɛ la, yé bléyian va lé wolé tɛrɛ ke é sɛrɛle, ’té wa baa, é dan élé flinyinu kɛlɛ lɛ; wo lɔlu plɛn anlé gɔnɔlawenu ma, yé wo boen serele bo anlé bélidɔwenu ma, amalé wo dan wolé weplenu banwo lɛ.

Lévinu 26:43 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 33:12

Alé kleblele gi é zanté vɔ Gakelebale alé Bale lɛ, yé é ’ébo kɛlɛ kiéné é tranu lé Bale ’lɛ.

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

JOB (Job) 5:17

Mi lé Kazambale we lɛdɔ a gi, azé a néné. Dé Plɛplɛfaazan a i drɔna, té bé ye boawe nya lo.

Lɛrɛvɔ Sɛbɛ 119:67

Bléyian va lé i ’ka tan an tua lɛ lo, maa ilé zi vo an yuɛ zuo, Naa, sin, maa i dére ta tawoo.

Lɛrɛvɔ Sɛbɛ 119:71

Ilé an tuale a é zima, I déretawenu draanle we ma.

Lɛrɛvɔ Sɛbɛ 119:75

Oo Gakelebale, maa a gi dɔɔ léé, ilé weblelenu a tegele. I yara pale we ta ma lé i an tua.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Lɛrɛvɔ Sɛbɛ 50:17

Biian anlé wepaale za ke i gi loo? Yé biian i an dére vuli i zuo loo?

Ézai 26:16

Dé kleblele bɔ munu ma, wo i nagini; Dé i we lɛdɔ wo gi, wo kun bazorole ma.

Jérémi 31:19

An yara si i ta, naa, ’bɛ zuo an bli nɔla; Dé maa an saanna ye, an vo an bin gyɛna; Yara an gyɛ yé an ’yibo, Naa, wenu lé maa wo kɛlɛ an boro‐né la bléyi va, wo tɔ a an ma.

Daniɛl 9:14

Amalé Gakelebale we tɔntɔn ’ko bɔ ko ma sɔbɛlawe nya. Naa, Gakelebale kolé Bale a tegele é kɛlɛwenu faa gi, naa, ko ’ka ko tɔné dɔ lɛ a dére lɛ lo.

Lévinu 26:11

Maa dan nyana lɛ ka va yé maa ’ka dan serele bo lɛ ka ma lo.

Lévinu 26:15

dé ka lɔlu plɛn anlé bélidɔwenu ma, yé ka serele bo anlé gɔnɔlawenu ma, yé dé bɛwemalé ka ’ka an sɔnnénu faa pa lɛ lo, yé ka anlé gipawe sɛrɛ,

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Lévinu 26:41

wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Amɔs 5:10

Mi lé é we pla wo lɛ weblena, woo ’bɛzan za paan, yé mi lé éé we fé é boen ma, woo serele boo ’bɛzan ma.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Rom munu 8:7

Naa, mi dɔbɛ kyɛn lé gibɔrɔle éé mi kɛla Kazambale nyanézan nya; mi dɔbɛ kyɛn ’ka dɔa Kazambale lé bélidɔwe la lo yé é ’ka bɔalɛ pelo, azama.

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.