Lévinu 26:42 - Kazambale lé Sebe Sauunu 1979

⁴² Gipawe lé maa a kɛlɛ Abraam va, a sele é dan dɔ lɛ an gi, yé gipawe lé maa kɛlɛ Izak va, a sele é dan dɔ lɛ an gi, yé gipawe lé maa a kɛlɛ Jakɔb va, a sele é dan dɔ lɛ an gi, yé tɛrɛ boen sele é dan dɔ lɛ an gi.

Lévinu 26:42 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 26:2

Gakelebale bɔra Izak va yé é léé: Té i zun Éjipiti tɛrɛ la lo; ’i nyana tɛrɛ lé maa dan a fe lɛ i lɛ, a ta.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:5

Abraam an dére lɛdɔma, yé é tawo an dére ta, yé é anlé bélidɔwe sɔnnénu pa, yé é anlé gɔnɔlawenu kɛlɛ, yé é tawo anlé bélidɔwenu ta, azama.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Wepélisiananu 9:15

Yé a sele é dan dɔ lɛ an gi léé, maa gi pa do ka valé fɛ yuɛmale gɔnɔ faa nya; yé lɛɛ blɛnblɛn ’ka dan da lɛ é dɛrɛ yé é fɛ faa sɛrɛ lo.

Wepélisiananu 9:16

Bɔmlɛ é dan bɔra lɛ lati wuo, yé maa dan a nagini lɛ yé a sele é dan dɔ lɛ an gi léé, maa, Kazambale, an gi pa do fɛ yuɛmale gɔnɔ faa va, yé gipale ’ko a lɛɛfaama we nya, a glɛ ’ka lo.

Esitɛɛ 4:14

Naa, dé i vo é tadɔle sin, Juifinu takuunle valé wo sile we gi éé sié fɛ bɛna yé bii valé i ti lé kɔngimunu é zamaga wo. Dé we ’ko lé we ma lé i kɛlɛ minwiin le nya bléyi ’ko vaa? De ɛ ’bɛ gi dɔɔ?

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Lɛrɛvɔ Sɛbɛ 136:23

Bale lé ko sele dɔ a gi bléyian va lé kobo kɛlɛ kiéné, Naa, a nyanai éé zén‐é yifaama.

Fwile 2:24

Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi.

Fwile 6:5

Izraɛl lé nénu lé Éjipiti munu wo kɛlɛ ’wo wuozannu nya, maa wolé dunnule ’ma, yé anlé gipawe sele dɔ an gi.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézékiɛl 16:60

Naa, gipawe lé maa a kɛlɛ i va i boronéla bléyi va, a sele é dan dɔ lɛ an gi, yé gipawe lé éé voo ana lɛɛfaama, maa dan a kɛlɛ lɛ i va.

Joɛl 2:18

Gakelebale a maawona élé tɛrɛ lé we ma, A nyanai éé zén‐é élé munu ta.

WENÉNÉ LÉ LUK A GYE (Évangile selon Luc) 1:72

’Bɛ zo lé a nyanai éé zén‐é ko tranu ta, ’té gipawe plɛplɛ sele éé dɔa a gi;

Bélidɔwesɛbɛ Fiézan 4:31

naa, Gakelebale, kalé Bale a nyanai zén mi ta Bale nya, yé é ’ka dan sɔn vɔ lɛ ka ma lo, yé é ’ka dan ka kulu ga lɛ lo; gipawe lé é a kɛlɛ ka tranu va, ’té ébo ’nyɔɔn a gi bɛ, a sele ’ka dan saan lɛ a gi lo.

Bélidɔwesɛbɛ Fiézan 9:27

I wuozannu Abraam koo, Izak koo, Jakɔb koo, wo sele ’é dɔ i gi ma. Munu ’ko lé tɔnégiplɛplɛ koo, wolé weple koo, wolé wenyané koo, té bé pa i bli gi lo;

Weblezannu 2:1

Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;