Lévinu 26:41 - Kazambale lé Sebe Sauunu 1979

⁴¹ wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Lévinu 26:41 ပူးပေါင်းရင်းမြစ်များ

1 Minwiinzannu 21:29

Akab ébo kɛlɛ kiéné an ’lɛ fɛan zo, bé yee? Ébo kɛlɛ kiéné an ’lɛ, bɛwemalé maa ’ka dan we tɔntɔn bɔ lɛ a ma a yuɛma bléyi va lo; a be lé tɛrɛla bléyi va lé maa dan we tɔntɔn bɔ lɛ alé munu ma.

2 Minwiinmunu lé Wezuofe Sɛbɛ 12:12

Roboam ’ébo kɛlɛ kiéné fɛan zo bɛ, amalé Gakelebale bliflile a ma nɔla yé é ’ka a kulu ga lɛ tata lo. Fɛ zin kenu a tan Juda tɛrɛ la.

2 Minwiinmunu lé Wezuofe Sɛbɛ 32:26

Yé Ézékia daan élé boblɛn ma, yé yee valé Jérusalɛm munu wobo kɛlɛ kiéné. Yé Gakelebale ’ka we kɛlɛ lɛ wo lɛ é bliflile nya Ézékia zé bléyi va lo.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

Ezidras 9:13

Wenu lé wo bɔ ko ma, ko kɛlɛwe naanénu valé ko saanle blɛnnu lé we ma, oo kolé Bale, i ’ka we lɛdɔ lɛ ko gi ko kɛlɛwe ple yɛrama lo, yé sin, i ko luugimunu ke vo é yuɛma.

Ezidras 9:15

Gakelebale, Izraɛl lé Bale, i a tegele; ko a kyɔ luugimunu pɔnénu nya. Ko a i ’lɛ ’ko wegyɛmunu nya; ko dan vo lɛ é yuɛma i ’lɛ kaa?

Néémi 9:33

Wenu faa lé wo bɔ ko ma, bii a wo gi tegele, naa, i ibo nagɔɔn yarapawelazan nya, yé ko ɛ wenyané kɛlɛ.

Lɛrɛvɔ Sɛbɛ 39:9

’I an si anlé bélidɔwe sɛrɛlenu faa zuo ma. Té i an kɛlɛ serelebomafɛ nya ’tugyɛzan yuɛ gi lo.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Ézékiɛl 14:23

Dé ka wolé tawobɛ valé wo kɛlɛwenu ye, ’bɛ é dan ka tɔrɔ paa lɛ; yé ka dan a gi dɔɔ lɛ léé, we faa lé maa a kɛlɛ Jérusalɛm lɛ, maa ’ka a kɛlɛ lɛ é pla lo. A zo lé Mizan Gakelebale a fe.

Ézékiɛl 20:43

Ka giébɛnu valé ka kɛlɛwenu lé ka kabo tiri dɔ wo nya bɛ, wo sele é dan dɔ lɛ ka gi ’bɛna, yé ka lɔrɔ é dan nyaa lɛ kabo ma, we vɔnlenu lé ka wo kɛlɛ, wolé we ma.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Ézékiɛl 44:9

Mizan Gakelebale léma: Bɛnnu lé wo bli ’ka é sile ’wo kɛlɛwe kyɛn lɛ lo, ’té wo gane ’ka é dɔle lo, wo vazan do kpen ’ka dan wɔra lɛ anlé fɛna tinle na lo. Bɛnnu lé wo dan nyana lɛ Izraɛlnu méléna, wo vazan do kpen ’ka dan wɔra lɛ ana lo.

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

Lévinu 26:24

maa dan dɔ lɛ ka ma plɛplɛ é ziin yé maa dan ka bla lɛ gɔnɔ sɔrafié taawo kalé wenyanénu ma.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Mi Nɔnɔle 5:7

é a lé é ’élé wenyané fe, yé fɛan é a ye kyeen nya, é a lé é a nɔ, té a do boen é vo a lee lo, yé ’é a soruzan pa a ma. É a lé é a nɔ mi lé ’bɛlé we a gyɛ bɛ, a lɛ.

Matio 23:12

Mi lé ébo nwaan blɛn, wo dan a tua lɛ, yé mi lé é ébo tuaan, wo dan a nwa lɛ blɛn.

WENÉNÉ LÉ LUK A GYE (Évangile selon Luc) 14:11

Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Bélidɔwesɛbɛ Fiézan 10:16

Amalé ’ka bli si wenyané lɛ é ziin, yé té ’ka kɛlɛ wemaplɛplɛzannu nya é dɛrɛ lo.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

Bélidɔwesɛbɛ Fiézan 31:21

naa, dé wenaané valé kleblele kiɛre bɔ wo ma, lɛrɛ ’ko lé a sele ’ka dan saan lɛ wo gi monomono lo, ’té é a wo kulunu ’léé bɛ, é dan kɛlɛ lɛ anlé wenayezan nya munu ’konu ma. Wo bli a fɛan zo, maa dɔɔ, ana a é gɔɔnle kyɔ tɛkɛ, ’té maa ’ka boenwo tan wo wɔra lɛ tɛrɛ lé maa anbo ’nyɔɔn léé, maa dan a nɔ lɛ wo lɛ bɛ, a ta lo.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Kolɔs munu 2:11

Yé Krist gi lé wo ka gane dɔ, ganedɔle lé mi ’ka a kɛlɛ lɛ mi lɛ lo, a nya, naa, Krist lé ganedɔle lé ke kalé sɔnvɔle ka dɔbɛ kyɛn ma nya.