Lévinu 26:39 - Kazambale lé Sebe Sauunu 1979

³⁹ Ka va munu lé wo vo é yuɛma, wo dan vo lɛ lulalulané wolé wenyanénu ma wo nyanézannu lé tɛrɛ la; wo dan vo lɛ lulalulané é ziin wo tranu lé weplenu ma.

Lévinu 26:39 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 34:24

Gakelebale léma: Bé ye, maa dan we tɔntɔnnu bɔ lɛ fɛkona valé ana munu ma; balepalenu faa lé wa gyɛ sɛbɛ lé wa ta fe Juda nwiinzan blɛn ’lɛ, a gi bɛ, maa dan wo ta we kɛlɛ lɛ ka lɛ.

Ezidras 9:7

É sia ko tranu bléyi va, ko a weanwiinzan blɛnnu nya, fɔɔ yé é bɔ kyɔ, yé kolé weplenu lé we ma lé i ko pa minwiinzan blɛn bɛnu lee, yé wo ko gyɛ gwɔun nya, yé wo kolé fɛnu sia gla nya, yé wo go ko nya luu gi yé yara a ko ’wuo ma fɔɔ kyɔ, ko nwiinzannu valé kolé Balebanzannu koo, ko faa lé.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Ézai 14:21

’Ka ma’lɛrɛ, ’ka wo faa benu gyɛ ékeva do wo tranu lé weplenu ma. Té wo nwa é dɛrɛ tɛrɛlamunu faa kelele guli nya we ma lo; té wo flanu pa é dɛrɛ tɛrɛ ’ko la lo.

Ézai 24:16

Ko munu lé lɛrɛvɔle ’ma tɛrɛ glɛ sina yé wo léé: Mi tegele tɔ ’é nwa ma. Naa, maa léé: Maa a é sanleoo, maa a é sanle! We tɔntɔn kɛlɛ an lɛ. Fɛsiéglanyazan, éé fɛ sié gla nya, fɛsiéglanyazan é ébo no élé glawe kɛlɛle lɛ.

Jérémi 29:12

Ka dan we laa lɛ an lee yé ka dan go lɛ; ka dan bazoro lɛ an lɛ yé maa dan ka dére ’ma lɛ.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 31:29

’Bɛ yinu la, wo ’ka dan a fe lɛ é dɛrɛ léé: Né tinu dɔrɔporo tukuru ble Yé nénu suiɛ ’lɛ bo a nya, lo.

Jérémi Lé Wuvɔ Sɛbɛ 1:3

Judamunu kɛlɛ lulazannu nya, yé wo kɛlɛ luu nya, ’té woo yaan wo ta. Woo nyanaan bɛnnu méléna, Yé wo ’ka flinna do yena pelo; Wolé kle blɛn blele gi, nyanépawotazannu faa éé bɔraan wo ma fiaa.

Jérémi Lé Wuvɔ Sɛbɛ 4:9

Munu lé woo zamaga wo gwɔun lee, wozé néné mini Munu lé wo zamaga wo lɔrɔ lee, ’Té gyɛ bɛ ’na wo gi, ’Té féifɛ ’ka wo lee lo, wozé ta.

Ézékiɛl 18:19

Ka léma: Mɛmalé wo ’ka weple kɛlɛzan lé kɔné dɔa a be nwiin loo? A gi lé ke ’ko: A be we kɛlɛ we drɔle valé we tegele yɛrama é wo; é anlé bélidɔwenu faa lɛdɔama yé é wo tawe kɛlɛ; é dan vo lɛ é yuɛma.

Ézékiɛl 20:43

Ka giébɛnu valé ka kɛlɛwenu lé ka kabo tiri dɔ wo nya bɛ, wo sele é dan dɔ lɛ ka gi ’bɛna, yé ka lɔrɔ é dan nyaa lɛ kabo ma, we vɔnlenu lé ka wo kɛlɛ, wolé we ma.

Ézékiɛl 24:23

kalé nɔɔnnu é dan vo lɛ é vurule ka ’wuo ma, yé kalé sawalanu é dan vo lɛ ka gane ma; ka ’ka dan gyɛ wuvɔ lɛ lo yé ka ’ka dan wuvɔ lɛ lo; maa dan fuunégyɛ vɔ lɛ ka ma kalé weplenu lé we ma, yé ka dan dunnu lɛ ka ke va. Ézékiɛl é dan kɛlɛ lɛ tɔmase nya ka lɛ.

Ézékiɛl 33:10

Yé bii, blami be, bé fe Izraɛl munu lɛ léma: Ka léé, ’wolé bélidɔwe sɛrɛlenu valé ’wolé wenyanénu a ’wo nwiin; wolé we ma lé ’wo a tɔɔtɔɔ, ’wo dan vo lɛ é yuɛma kaa?

Ézékiɛl 36:31

Yé kalé tawobɛ nyané sele é dan dɔ lɛ ka gi, yee valé ka kɛlɛwenu lé wo ’ka zima lo, wo nya. Ka dan kabo ye lɛ mi naanénu nya kalé weplenu valé kalé bozowenu kɛlɛle we ma.

Ézékiɛl 4:17

Buru valé ’yi é dan kle lɛ wo ma. Wo faa é dan vo lɛ é dɔle dan‐uun ékeva, yé wolé weplenu lé we ma lé wo dan kwéé lɛ.

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Zakari 10:9

Maa dan wo sɔɔla lɛ munu méléna, Yé dé wa baa, an sele é dan dɔ lɛ wo gi; Wo valé wolé nénu é dan vo lɛ é yuɛma, yé wo dan da lɛ wo pa gi é ziin.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Bélidɔwesɛbɛ Fiézan 28:65

Ka ’ka dan vo lɛ drɔɔ bɛn ’konu méléna lo, yé ka ’ka dan ka gane dɔrana ye lɛ lo. Gakelebale ’ka dan ka bli vo lɛ drɔɔ lo, yé é dan ka yuɛi zun lɛ yé é dan gibɔrɔ pa lɛ ka ma.

Bélidɔwesɛbɛ Fiézan 30:1

Dé we ’konu faa bɔ ka ma, ’té ka a bɛnnu lé Gakelebale, kalé Bale ka zunwo wo méléna bɛ, wo va, dé drɔɔvodére valé balepadére lé maa wo fe ka lɛ kyɔ ’ko, dé wo sele dɔ ka bli gi,

Bélidɔwesɛbɛ Fiézan 5:9

Té i dia i bli la wo ’lɛ lo, té i nyanama pa wo lɛ lo; naa, ’yee, Gakelebale, kalé Bale, ’é a maawo Bale nya, yé éé munu lé weplenu ma ban dɔa ’wolé nénu nwiin fɔɔ yé é bɔ ’é zapamunu kulu yaazan valé wo kulu ziɛnzan nya,

Bélidɔwesɛbɛ Fiézan 8:20

Bɛnnu lé Gakelebale wo gyɛ za ma ka ’lɛ, ka dan zamaga wo lɛ bélé wo zo, ’té dé ka ’ka kɔɔn ka tɔné dɔ lɛ Gakelebale, kalé Bale dére lɛ lo.