Lévinu 26:33 - Kazambale lé Sebe Sauunu 1979

³³ Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Lévinu 26:33 ပူးပေါင်းရင်းမြစ်များ

1 Minwiinzannu 8:46

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo, dé i bli fli wo ma yé i wo pa wo nyanézannu lee, yé wo go wo nya luu gi wolé tɛrɛ la, dé tɛrɛ baa léé, dé tɛrɛ pu léé,

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 7:19

Naa, dé ka yara si a kɛlɛle ta, dé ka sɔn vɔ anlé bélidɔwenu valé an sɔnnénu lé maa fe ka lɛ, wo ma, yé dé ka go bale bɛnu bɔ lɛ yé ka dia ka bli la wo ’lɛ,

Néémi 1:3

Wa zi pa an lɛ léé: Munu lé wo si luu gi yé wo vo ana, wa tɛrɛ bɛ do la; we tɔntɔn blɛn bɔ wo ma, yé wo vo serelebomazannu nya. Jérusalɛm zi gɔrɔnu faa zana, yé alé duolinu kyɛ ble.

Néémi 1:8

Dére ’ko lé i a pa i wuozan Moizi ’léé, léé, ’é a fe, a sele ’é dɔ i gi ma; i léé: Dé ka wenyané kɛlɛ bléyian va, an dan ka nwɛɛn lɛ bɛnnu méléna,

Esitɛɛ 3:8

Yé Aman lé minwiinzan blɛn Asuérus lɛ léé: Munu lɛ do a é sɔɔlale ilé tɛrɛnu faa ta, wa é yɛrama. Wozé bélidɔwenu a é sile munu faa zé ma, yé wo ’ka minwiinzan blɛn lé bélidɔwe ta tawo lo. Dé minwiinzan blɛn wo vo woboma, ’bɛ tɔnɔ ’ka minwiinzan blɛn ma lo.

Lɛrɛvɔ Sɛbɛ 106:27

É dan wo kulu ga lɛ bɛnnu méléna, É dan wo nwɛɛn lɛ tɛrɛ la.

Lɛrɛvɔ Sɛbɛ 44:11

Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.

Lɛrɛvɔ Sɛbɛ 44:12

I ko paan wo lee bélé ’blanu lé woo wo blé, wo zo. I ko sɔlaan bɛnnu méléna.

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 13:24

Maa dan wo fwila lɛ bélé fɛan zo lé nyéné saa lé fɛna fu éé lɔɔ fwilaan fɛan zo, a zo.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 8:3

Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

Jérémi 9:16

Maa dan wo nwɛɛn lɛ bɛnnu lé wo valé wo tinu ’ka wo dɔɔ lɛ lo, wo méléna, yé maa dan wo zuo bin lɛ gwɔun nya fɔɔ yé maa wo kulu ga.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:3

Judamunu kɛlɛ lulazannu nya, yé wo kɛlɛ luu nya, ’té woo yaan wo ta. Woo nyanaan bɛnnu méléna, Yé wo ’ka flinna do yena pelo; Wolé kle blɛn blele gi, nyanépawotazannu faa éé bɔraan wo ma fiaa.

Jérémi Lé Wuvɔ Sɛbɛ 4:15

Wo siaa wo ta léé: Ka lé ka tiri ke, ’ka si ana baa! ’Ka si ana baa, ’ka gyɛ ka zuo baa, té ka mane ko ma lo. Wo fwi, wo vo nɔɔna ’ko valé ’ko. Wa fé bɛnnu méléna léé: Wo nyanana ’ka é dɛrɛ lo.

Jérémi Lé Wuvɔ Sɛbɛ 4:16

Gakelebale bli fli yé é wo fwila, É ’ka nɔlaan é dɛrɛ yé é yuɛ vɔ wo la lo; Balebanzannu ’ka wo nyanézannu yuɛ gi bɔa lo, Wo nyanai ’ka zén lɛ mi kwanu ta lo.

Ézékiɛl 12:20

Flanu lé munu éé nyanaan wo ta, wo dan wo sɛrɛ lɛ yé wo dan ’wii lɛ tɛrɛ ’ko ta. Yé ka dan a gi dɔɔ lɛ léé, maa lé ke Gakelebale nya.

Ézékiɛl 20:23

Maa anbo ’nyɔɔn wo lɛ an bɛ nwale nya bwi gi léé, maa dan wo nwɛɛn lɛ bɛngɔnɔnu méléna, yé maa dan wo sɔɔla lɛ bɛntɛrɛ do donu ta.

Ézékiɛl 22:15

Maa dan i fwila lɛ bɛngɔnɔnu méléna; maa dan i nwɛɛn lɛ tɛrɛ kiɛre ta, yé maa dan i tiridɔwe si lɛ i lee.

Ézékiɛl 5:2

Yé bé lɛ do kyɛ ble fla méléna, yian nya lé fla mabɛnle lɛ sɔɔ, a yi nya. Yé i nwin lɛ fiézan sia, yé i gié a bɔile nya fla zi lamɔn nya. Yé i nwin lɛ yaazan nwɛɛn yé fu a si, yé an dan gwɔun sia lɛ wo ma wo zuo.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

Amɔs 9:4

Dé wo go luu gi ’wo nyanézannu lee, maa dan a fe lɛ léé, gwɔun ’é wo gyɛ za ma ’bɛna. Maa dan an yara dɔ lɛ wo ta, wenyané kɛlɛle wo lɛ we ma, wezin kaan lo.

Zakari 7:14

Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Bélidɔwesɛbɛ Fiézan 4:27

Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.