Lévinu 26:32 - Kazambale lé Sebe Sauunu 1979

³² Maa dan tɛrɛ sɛrɛ lɛ tata, yé ka nyanézannu lé wo dan nyana lɛ ana, wo ’léé é dan ma lɛ wo ma.

Lévinu 26:32 ပူးပေါင်းရင်းမြစ်များ

1 Minwiinzannu 9:8

Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

Ézai 24:1

Ka ye, Gakelebale é dan ’wii lɛ Juda tɛrɛ la yé é a kɛlɛ bwi nya; é dan a yara bua lɛ yé é ana munu ta saan.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézai 5:9

We lé lai sunyanu lé Gakelebale a gɔɔn an lɛ, yee lé ke ’ko: weboen lé, kɔn kiɛre ’konu é dan vo lɛ é koro nya; kɔn blɛn nɔnɔminu ’ko, wo gizan ’ka dan ye lɛ lo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Ézai 64:10

Kolé kɔn sauun tɔbɔle lé ko tinu i tɔ ma gyɛ a gi, é kɛlɛ kyɛblefɛ nya; kolé fɛwezannu faa guru zana a gi.

Jérémi 12:11

Wa kɛlɛ bwi nya; É a gyɛ bona, tɛrɛla lɔrɔ nyaa a ma an yuɛ gi. Naa, wo ’wii tɛrɛ faa ta, ’Bɛ we ’ka mi do kpen yuɛ gi bɔ lɛ lo.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 25:18

Jérusalɛm koo, Juda flanu koo, a nwiinzan blɛnnu koo, alé mi segelenu koo, maa a nɔ wo lɛ léé, ’wo kɛlɛ é ’bin nya; ana ’é vo é pla yé ’wo we nana a ma yé ’wo bale pa a ma, fɛan zo lé ka a yé kyɔ, a zo.

Jérémi 25:38

É nwa é nyanana, bélé fɛan zo lé golizrané éé nwaan é yiina, a zo; naa, wolé tɛrɛ vo bwi nya, fɛsɛrɛzan wɛwɛ dɔle valé alé bliflile baba lé we ma.

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 4:12

Tɛrɛla mi blɛnnu koo, Tɛrɛlamunu koo, é ’ka dɔ lɛ wo va mi do kpen gi kɔɔn léé, Jérusalɛm mazan, a nyanézan é dan wɔra lɛ É gɔrɔ gi lo.

Jérémi Lé Wuvɔ Sɛbɛ 5:18

Yee lé ke léé, Siɔn kɛlɛ é ’bin nya, ’Té gwenu éé bɔrɔwoo ana.

Ézékiɛl 5:15

Dé maa kalé we ble bliflile valé wɛwɛ nya, yé dé an we lɛdɔ ka gi plɛplɛ, ka dan kɛlɛ lɛ serelebomazannu valé yaragyɛwebɔ?-?mazannu nya, yé bɛnnu lé wo ka zi lɛ sɔɔ, wo dan we pla lɛ wobo lɛ kalé we ma, yé di é dan kini lɛ wo gi. Maa lé an ke Gakelebale nya, maa ɛ fe.

Daniɛl 9:18

Anzé Bale, ’i an ban i tɔné nya; ’i tɔné dɔ an lɛ; ’i yuɛ fuo yé ilé fla lé é vo é ’bin nya, bé nagini. Fla lé wo i tɔ laan ana, bé nagini. É ’ka lé ko a tegele amalé ko a zanté vɔna i lɛ lo; i nyanai zénle blɛn lé we ma lé ko a kɛlɛna.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

Abaku 3:17

Naa, bɔrɔyili ’ka dan é vwi bi lɛ é dɛrɛ lo, Dɔrɔféi ’ka dan we do baa lɛ lo, Wo ’ka dan ɔliviporo ye lɛ yili nwiin lo, Yé fɛ ’ka dan dɔ lɛ féinu ta lo; ’Blanu é dan san lɛ lublena, Yé dirinu ’ka dan kɛlɛ lɛ diriyiikɔn gi é dɛrɛ lo.

WENÉNÉ LÉ LUK A GYE (Évangile selon Luc) 21:20

Dé ka Jérusalɛm zi lɛ ye é sɔɔle sunyanu nya, ka gi dɔɔ léé, a sɛrɛle bɔ é pu.

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.