Lévinu 26:31 - Kazambale lé Sebe Sauunu 1979

³¹ Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:31 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

2 Minwiinzannu 22:19

Guru zana a gi dére valé bale pa mi ma dére lé maa fe tɛrɛ ’ko valé a tamunu ma, bé ’ma aan wo, i bli kyɛ dɔ yé ibo kɛlɛ kiéné Gakelebale ’lɛ, ilé sɔnu fia yé i wuvɔ an ’lɛ, bɛwemalé maa é ziin, maa ’ma; yee lé Gakelebale a fe.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Néémi 1:3

Wa zi pa an lɛ léé: Munu lé wo si luu gi yé wo vo ana, wa tɛrɛ bɛ do la; we tɔntɔn blɛn bɔ wo ma, yé wo vo serelebomazannu nya. Jérusalɛm zi gɔrɔnu faa zana, yé alé duolinu kyɛ ble.

Néémi 2:17

Yé maa lé wo lɛ léé: Kaa lé we a naané fɛan zo bɛ, ka ye; Jérusalɛm kɛlɛ é ’bin nya, yé kyɛ flagɔrɔ ’léé duolinu ble; ’ka da, kaa Jérusalɛm zi gɔrɔ bɛ bo é ziin, té yara é kaa gyɛ é dɛrɛ lo.

Néémi 2:3

yé maa a zi pa minwiinzan blɛn lɛ léé: Minwiinzan blɛn ’é vo é yuɛma ma, té ’bɛ glɛ ’é dɔ lo ma. Fla lé an tranu vun ke a ta, wa sɛrɛ, yé kyɛ alé duolinu ble ’naan, ’té mɛmalé an yara kyɛ ’ka vɔa gian loo?

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Ézai 63:18

Tɛrɛ ’ko kɛlɛ ilé munu zé nya bléyi sɛ nya; ko nyanézannu ilé fɛna sauun zɔn wo gane nya.

Ézai 64:9

Ilé fla sauunnu vo bwi nya; Siɔn vo bwi nya, Jérusalɛm vo tétété.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 22:5

Naa, dé ka ’ka ka tɔné dɔa dére ’konu lɛ lo, maa anbozen ’nyɔɔn léé, kɔn ’ko, é dan kɛlɛ lɛ é ’bin nya.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 4:26

Maa nagini, yé Kaamɛl tɛrɛ zin kɛlɛ bwi saa nya, Yé ana fla faa ’wii Gakelebale ’lɛ. Gakelebale bli flile blɛn lé we ma lé we ’konu kɛlɛ.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:10

Yaawotazannu ’wo bɛ soi Yé wo alé fɛwezannu faa si, Yé bɛnnu lé i wo zénle ékeva yi ga ilé munu nya, Wo wo ye wɔrana ilé fɛna sauun na.

Jérémi Lé Wuvɔ Sɛbɛ 2:6

É élé sɔkɔn zana a gi bélé zianféi sɛrɛle zo, É wolé zén‐ékemana sɛrɛ; Gakelebale a kɛlɛ, yé Siɔn munu gi san ’wolé fɛti valé ’wolé flinyinu ma, Yé alé bliflile baba zi, é sɔn vɔ minwiinzan blɛn valé Balebanzan ma.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Ézékiɛl 12:20

Flanu lé munu éé nyanaan wo ta, wo dan wo sɛrɛ lɛ yé wo dan ’wii lɛ tɛrɛ ’ko ta. Yé ka dan a gi dɔɔ lɛ léé, maa lé ke Gakelebale nya.

Ézékiɛl 21:15

Mi gyɛle lé we ma lé wa ’lɛ vɔ; a ta bile nyananyana lé we ma lé wa ta so. Ko gi é dan nana lɛɛ? An be lé plaminwiinyili éé serele boo yili faa ma.

Ézékiɛl 21:7

Blami be, ’i yara dɔ Jérusalɛm la, yé ’i we fe fɛna sauunnu ma. ’I balelawe fe Izraɛl tɛrɛ ma.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 6:6

Fɛ faa lé ka nyanaan ana, ana flanu é dan kɛlɛ lɛ é ’bin nya, yé kalé gɔ nwiin yobannanu guru é dan zana lɛ a gi, yé ka dan daan lɛ kalé yobannanu ma yé ka wo vo; wo dan kalé miyilinu yéli lɛ yé wo ta é dan saan lɛ. Yé kalé miyilinu lé ka a dɔ yiri zé nya bɛ, wo dan wo sɛrɛ lɛ, yé ka bɛ panyanamanu é dan sɛrɛ lɛ tata.

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

Daniɛl 2:46

Yé minwiinzan blɛn Nébukanɛsaa dia ’é bli la Daniɛl ’lɛ, yé é léé, ’wo saraka bo Daniɛl lɛ, yé wa ban lasikɔrɔ nya.

Amɔs 7:9

Maa dan Izak lé yobannanu faa sɛrɛ lɛ; maa dan Izraɛl lé yokɔnnu zana lɛ, yé maa dan nwa lɛ Jéroboam lé munu ma, gwɔun nya an lee.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Sofoni 3:6

Maa bɛngɔnɔnu kulu ga, yé maa wolé flataginifɛnu sɛrɛ; maa wolé zinu sɛrɛ tata, giémunu ’ka é dɛrɛ lo. Wo ’wii wolé flanu ta; munu ’ka ana é dɛrɛ lo, yé a ta munu ’ka ana lo.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Kelewenu 6:14

Naa, ko a ’ma a ta léé, Nazarɛtzan Jézu ’ko, é dan fɛkona sɛrɛ lɛ, yé gɔnɔlawenu lé Moizi a nɔ ko lɛ, é dan wo nɔla lɛ.

Ébrunu 10:26

Naa, dé kaa webozen dɔɔ faa yé ’bɛ zuo kaa wenyané kɛlɛ kaabo yuɛ va, ’té kaalé wenyané ma saraka ’ka lo,