Lévinu 26:25 - Kazambale lé Sebe Sauunu 1979

²⁵ Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Lévinu 26:25 ပူးပေါင်းရင်းမြစ်များ

2 Samuɛl 24:15

Gakelebale migyɛgyɛ pa zia Izraɛl, é sia bladi fɔɔ bléyi lé é a dɔ, a nya; é sia Dan fɔɔ yé é bɔ Bɛɛ‐Sééba munu ga mi baa yɔ do wɔlɛ vu ta soru.

1 Minwiinzannu 8:33

Dé ilé munu Izraɛl wenyané kɛlɛ i ma yé wo nyanézannu wo kele ’bɛ we ma, dé wo nɔla i va i tɔ bɔle nya, dé wo bazoro yé wo zanté vɔ i ma kɔn ’ko gi,

1 Minwiinzannu 8:37

Dé é a lɔrɔ nyaoo, dé é a migyɛgyɛ nyaoo, dé é a féifɛnu gyɛgyɛ nyaoo, dé é a ’pooné nyaoo, dé é a gangan gɔnɔogɔnɔan nyaoo, dé wo da ilé munu lé tɛrɛ la, dé ilé munu nyanézannu da wolé tɛrɛ la wolé flanu mabɛn lɛ, yé wo bɔ wolé gɔrɔ ’léé, dé bawurumawe bɔ wo ma, dé gyɛogyɛan é ke munu gyɛna,

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

2 Minwiinmunu lé Wezuofe Sɛbɛ 24:24

Siri sunyanu da, naa, wo ’ka di lo. Duowo, Gakelebale sunyanu palu blɛn pa wo lee. Wo sɔn vɔ Gakelebale wo tranu lé Bale ma, azama. Yé Bale Joas lé we ble Sirinu nya.

Lɛrɛvɔ Sɛbɛ 94:1

Gakelebale, welɛgipa Bale, Panu dɔrazan Bale, ’i bɔra a gi.

Fwile 5:3

Wo léé: Ébrunu lé Bale bɔra ko va. ’I zi nɔ ko lɛ léé, ko yi yaa tawo nyéné la yé ko sarakanu bo Gakelebale lɛ, té é ko gyɛ migyɛgyɛ valé gwɔun nya lo we gi.

Ézai 1:20

Naa, dé ka ’ka a nyi si lɛ lo, dé ka nwa an ma, ka dan ga lɛ gwɔun ’léé, maa Gakelebale ɛ fe, azama.

Ézai 65:12

kazé é dan kɛlɛ lɛ gwɔun nya, yé ka faa é dan powuo zun lɛ yé wo ka bɔrɔ bo. Naa, maa ka laa, yé ka ’ka we lɛ an zi lo; maa we fe, yé ka ’ka tɔné dɔ lɛ an lɛ lo; naa, ka wenaané kɛlɛ an yuɛ gi. We lé é ’ka an ginanawe nya lo, yee lé ka si a va.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 50:28

’Ka tɔné dɔ Babilɔn lé vɔfligimunu lé siaalenu lɛ, yé ’ka go Gakelebale kalé Bale lé we lɛgi pale zana dɔɔ Siɔn, yé ’ka a bangikɔn lɛgi pale zana dɔɔ ana.

Jérémi 51:11

’Kalé dinnu lɛ vɔ, ’ka kun ka botakuunfɛ ma; Gakelebale ɛ Médi munu nwiinzan blɛn bli nwa, é sɔ a lɛ léé, é Babilɔn sɛrɛ, azama. Naa, Gakelebale lé we lɛgi pale lé; a bangikɔn lé we lɛgi pale lé.

Jérémi 9:16

Maa dan wo nwɛɛn lɛ bɛnnu lé wo valé wo tinu ’ka wo dɔɔ lɛ lo, wo méléna, yé maa dan wo zuo bin lɛ gwɔun nya fɔɔ yé maa wo kulu ga.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Ézékiɛl 14:17

Eɛ, dé an da kɔɔn gwɔun nya fla ’ko la munu ma, dé maa fe kɔɔn léé, gwɔun ’é gié tɛrɛ ’ko la yé é blaminu valé winu kulu ga,

Ézékiɛl 20:37

Maa dan ka nɔnɔ lɛ bélé ’blatabinzan lé ’bla nɔnɔle zo, yé maa dan an gi pa lɛ do ka va.

Ézékiɛl 29:8

Bɛwemalé Mizan Gakelebale léma: Maa dan da lɛ gwɔun nya i ma, yé maa dan munu valé winu kulu ga lɛ i ta.

Ézékiɛl 33:2

Blami be, bé fe ilé munu lɛ léma: Dé maa kɛlɛ léé, wo da gwɔun nya tɛrɛ do la, yé dé ’bɛ tɛrɛlamunu mi do si a va yé wa dɔ flataginizan nya,

Ézékiɛl 5:17

Maa dan ka gyɛ lɛ lɔrɔ nya yé maa dan wi nyanénu nwa lɛ ka ma, yé wo dan kalé nénu wi ble lɛ. Bawurumagyɛ é dan da lɛ ka va, yé ka nyɛ é dan yoro lɛ. Maa dan da lɛ ka va gwɔun nya. Maa Gakelebale ɛ fe.

Ézékiɛl 6:3

Bé fe léma: Izraɛl lé gɔnu, ’ka tɔné dɔ Mizan Gakelebale dére lɛ. Mizan Gakelebale we fe gɔnu koo, gɔpanénu koo, gɔ guruginu koo, pɛngurunu koo, wo lɛ, yé é léma: Maa dan da lɛ ka va gwɔun nya, yé maa dan kalé gɔ nwiin yobannanu sɛrɛ lɛ.

OZÉ (Osée) 11:6

Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

Lévinu 26:6

Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

Amɔs 4:10

Maa ka gyɛ migyɛgyɛ nya bélé Éjipiti tɛrɛ la zé zo; maa kalé pɛniɛnu gyɛ gwɔun nya, yé maa zi nɔ léé, wo kalé wisoonu si. Maa ka nyanana gin dɔ ka nyé gi; dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Abaku 3:5

Migyɛgyɛ éé tawoo a ’lɛ, Yé migyɛgyɛ éé tawoo a gane pa gi.

Mi Nɔnɔle 14:12

Maa dan wo gyɛ lɛ bawurumagyɛ nya; maa dan wo kulu ga lɛ, naa, maa dan i kɛlɛ lɛ bɛngɔnɔ blɛn plɛplɛ nya yé é mini wo ta.

Mi Nɔnɔle 16:49

Munu lé migyɛgyɛ ’ko wo gyɛ, wa mi baa sɔrafié wuru yaa yɔ soru; munu lé wo ga Koré lé we ma, ’bɛnu a é yɛrama.

Mi Nɔnɔle 31:3

Moizi lé munu lɛ léma: ’Ka munu ma’lɛrɛ gulidanle we ma, yé ’wo go guli dan Madiannu va yé we lé Gakelebale a fe Madiannu ma, wa lɛ sɔɔ.

WENÉNÉ LÉ LUK A GYE (Évangile selon Luc) 21:11

tɛrɛ ma é dan nyɔɔn lɛ blɛn, yé migyɛgyɛ é dan da lɛ yé lɔrɔ é dan dɔ lɛ fɛ kena; mi gi nyɛ kiniwe é dan kɛlɛ lɛ yé tɔmase blɛnnu é dan kɛlɛ lɛ la gi.

Bélidɔwesɛbɛ Fiézan 28:21

Gakelebale é dan ka gyɛ lɛ migyɛgyɛ nya, fɔɔ yé é ka faa gyɛ tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

Bélidɔwesɛbɛ Fiézan 32:41

Dé maa anlé gwɔun lɛ vɔ Yé dé an kun we tegele kɛlɛle ma, Maa dan anlé we lɛgi pa lɛ an mazannu ma, Yé an dan we lɛdɔ lɛ an zapamunu gi;

Weblezannu 15:11

’Bɛ dére ta, Juda munu baa do wuru soru go tɛrɛ zia Étam gɔlɛkoro va yé wo lé Samsɔn lɛ léé: I ’ka a gi dɔɔa léé, Filisitinu a é plale ko nwiin loo? Mɛ lé bé kɛlɛ ko lɛ bɛɛ? É a zi pa léé: Maa kɛlɛ wo lɛ fɛan zo lé wa kɛlɛ an lɛ, a zo.