Lévinu 26:19 - Kazambale lé Sebe Sauunu 1979

¹⁹ Kalé plɛplɛ lé kabo kɛlɛ a nya blɛn bɛ, maa dan ’bɛ si lɛ ka lee. Maa dan la kɛlɛ lɛ ka lɛ bélé foliɛwɔlɛ zo, yé maa dan tɛrɛ kɛlɛ lɛ ka lɛ bélé zéné zo.

Lévinu 26:19 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 8:35

Dé la lɛ a é tanle yé lɛɛ ’ka dan lo, wolé wenyané lé wa kɛlɛ i ma, a we ma, dé wo bazoro fɛkona yé wo i tɔ bɔ, yé dé wo yara si ’wolé wenyané kɛlɛle ta, ilé we lɛdɔle wo gi we ma,

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 25:11

’Bɛna lé é dan é bɛ soi lɛ bélé ’yisizan éé ’yi sié fɛan zo, a zo. Naa, Gakelebale é dan alé boblɛn yi ga lɛ yé san lé é a vɔ nuu, é dan a sɛrɛ lɛ.

Ézai 26:5

Munu lé woo nyanaan loru, é wo zana a gi, Yé fla lé a tɔ ke blɛn, é a zun, É a zun fɔɔ tɛrɛ va, É a kɛlɛ vun nya.

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Jérémi 13:9

Gakelebale lé an lɛ léma: ’Ko zo lé maa dan Juda munu lé boblɛn yi ga lɛ, yee valé Jérusalɛm munu lé boblɛn baba nya.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 30:6

Gakelebale léma: Éjipiti dɔplɛplɛzannu é dan nyaa lɛ yé alé boblɛn ta é dan zana lɛ. É sia Migidɔl yé é bɔ Siɛne ma, gwɔun é dan wo gyɛ lɛ. Yee lé Mizan Gakelebale a fe.

Ézékiɛl 33:28

Maa dan tɛrɛ ’ko kɛlɛ lɛ fɛna tété valé bwi gi nya; alé plɛplɛ lé boblɛn ta é dan zana lɛ, Izraɛl gɔnu nwiin é dan vo lɛ tété; mi do kpen ’ka dan gié lɛ wona lo.

Ézékiɛl 7:24

Munu lé wo bli nyané mini tɛrɛlamunu faa zé ta, maa dan da lɛ wo nya, léé, ’wo wolé kɔnnu si gla nya; maa dan mi plɛplɛnu lé boblɛn glɛ dɔ lɛ, yé wolé fɛna tinlenu sɔnné é dan sɛrɛ lɛ.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

WENÉNÉ LÉ LUK A GYE (Évangile selon Luc) 4:25

Maa lé ka lɛ webozen nya léé, gyɛzaralomu kiɛre ana Izraɛl tɛrɛ la Éli bléyi va, ’té lɛɛ ’ka dan lo lɛɛ yaa moné suiɛdo, yé lɔrɔ blɛn dɔ ana tɛrɛ faa ta,

Bélidɔwesɛbɛ Fiézan 11:17

Gakelebale bli é dan fli lɛ ka ma; é dan la lɛ tan lɛ yé lɛɛ ’ka dan da lɛ lo; tɛrɛ ’ka dan fɛ dɔ lɛ ka lɛ lo; yé ka dan zamaga wo lɛ, tɛrɛ zin lé Gakelebale a nɔna ka lɛ bɛ, a ta.

Bélidɔwesɛbɛ Fiézan 28:23

La gi é dan ga lɛ ka nwiin bélé zéné zo, tɛrɛ é dan ga lɛ ka wuo bélé foliɛwɔlɛ zo.

1 Samuɛl 4:11

Filisitinu Bale lé kɛsu sia yé Éli benu, Ofoni valé Finé ga.

1 Samuɛl 4:3

Munu nɔla sɔkɔn dɔna yé Izraɛl lé mi segelenu léé: Mɛmalé Gakelebale a nyi si léé, Filisitinu lé guli bɛ é dia ko ta kyɔɔ? Kaa go Silo Gakelebale lé gipawe pagikɛsu si; ’é da ko méléna ma, yé ’é ko si ko nyanézannu lee ma.