Lévinu 26:17 - Kazambale lé Sebe Sauunu 1979

¹⁷ Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:17 ပူးပေါင်းရင်းမြစ်များ

Wepélisiananu 4:12

Dé i féi paoo, é ’ka dan fɛ dɔ lɛ i lɛ lo. I dan kɛlɛ lɛ nɔɔzan valé yɔɔzan nya tɛrɛ la.

1 Minwiinzannu 8:33

Dé ilé munu Izraɛl wenyané kɛlɛ i ma yé wo nyanézannu wo kele ’bɛ we ma, dé wo nɔla i va i tɔ bɔle nya, dé wo bazoro yé wo zanté vɔ i ma kɔn ’ko gi,

2 Minwiinzannu 13:3

Gakelebale bli fli Izraɛlnu ma, yé é wo pa Siri nwiinzan Azaɛl valé Azaɛl be Bɛn‐Adad lee, minwiinzan ’konu lé tɛrɛla faa gi.

2 Minwiinzannu 13:7

Wisootazannu yɔ fié wɔlɛ vu koo, goro vu koo, gane la sunyanu baa soru koo, wo saa lé Gakelebale a vo Joakaz lee, munu faa lé wo ke a va é vinin, wo va munu nya; naa, Siri nwiinzan blɛn mi pɔnénu gyɛ, yé é wo kɛlɛ bélé vun lé mi a zɔn é gane nya, a zo.

Lɛrɛvɔ Sɛbɛ 44:10

Naa, i ko si i ma, yé i yara wɔra ko ’wuo ma, I ’ka paan kolé sunyanu va é dɛrɛ lo;

Lɛrɛvɔ Sɛbɛ 53:5

Munu lé woo weple kɛla, dé wedɔɔle saan wo gii? É sɔ wo lɛ léé, wo anlé munu ble bélé fɛblele zo; Wo ’ka Bale tɔ laan pelo.

Lɛrɛvɔ Sɛbɛ 53:6

Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

Wegɔnévɔlenu 28:1

Dé mi do kpen ’ka mi naané zuo bina looo, ’té éé vlan buruwo, naa, mi tegele éé bli ta dɔa plɛplɛ bélé golizra boroné zo.

Ézai 30:17

Dé mi do é bɛ nwa, mi wuru soru é dan fwi lɛ; dé mi soru ’wo bɛ nwa, ka faa é dan fwi lɛ fɔɔ yé ka lé ka vo, ka dan kɛlɛ lɛ bélé tɔmase do zo gɔ nwiin, bélé drapo zo gɔpané ta.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 44:11

Bɛwemalé lai sunyanu lé Gakelebale, Izraɛl lé Bale léma: Ka ye, an nwunzi dɔ ka ta wenaané kɛlɛle ka lɛ we ma, yee valé Juda munu faa kulu gale we gi.

Jérémi Lé Wuvɔ Sɛbɛ 1:5

Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Jérémi Lé Wuvɔ Sɛbɛ 2:4

É sa gana wo ma bélé wo nyanézan zo, A bɛyi éé bon‐ɛn‐an wo nya bélé mi lé éé nwaan é bɔluzan ma, a zo; Fɛnu faa lé woo mi yuɛgi bɔa, é wo sɛrɛ, A wɛwɛ dɔ yé éé zén‐é Siɔn munu lé sɔkɔn ta bélé kyɛ lé.

Ézékiɛl 15:7

Maa dan an nwunzi dɔ lɛ wo ta; wo dan bɔra lɛ kyɛ do va, yé kyɛ do é dan wo ble lɛ. Dé an nwunzi dɔ wo ta, ka dan a gi dɔɔ lɛ léé, maa ɛ ke Gakelebale nya.

Lévinu 17:10

Dé Izraɛl mi do léé, dé ka va bɛn bɛ mi do léé, dé é a fɛofɛan nyɛ nya, dé é a ble, maa dan an yara si lɛ ’bɛ nyɛblezan ta, yé maa dan a si lɛ ’élé munu va.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Jozué 7:4

Munu zén, wo mi baa do wuru soru bɔa, naa, wo kini ékema Ai munu ’lɛ.

Weblezannu 2:14

Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

Weblezannu 3:14

Yé Izraɛl lé nénu vo é plale Moab nwiinzan Églɔn wuo lɛɛ vu ta sɔraa.

Weblezannu 3:8

Bɛwemalé Gakelebale bli fli Izraɛl ma, yé é wo dan Mézopotami nwiinzan Kusan‐Riséataim lee. Yé Izraɛl lé nénu vo é plale Kusan‐Riséataim wuo lɛɛ sɔraa.

Weblezannu 6:2

Sole Madian lee lé we ma Izraɛl lé nénu go gɔmagurunu gi koo, gɔlɛkoronu gi koo, gɔlɛ plɛplɛnu koo, wo na.

1 Samuɛl 12:15

Naa, dé ka ’ka Gakelebale dére lɛdɔ lɛ a ma lo, dé ka sɔn vɔ Gakelebale dére ma, Gakelebale bɛ é dan kɛlɛ lɛ ka ma, é kɛlɛ ka tinu ma fɛan zo, a zo.

1 Samuɛl 31:1

Filisitinu da guli dan lɛ Izraɛlnu va yé Izraɛlnu vlan buru wo lee yé wo galenu vo é zanale Gilboa gɔ ma.

1 Samuɛl 4:10

Yé Filisitinu guli dan yé wo Izraɛl kele. Wo fwila yé wo go ’wolé sɔkɔnnu gi do do. Wo wo gyɛ é baba yé Izraɛl lé ganelamunu ga mi baa vu ta soru.