Lévinu 26:16 - Kazambale lé Sebe Sauunu 1979

¹⁶ we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Lévinu 26:16 ပူးပေါင်းရင်းမြစ်များ

1 Minwiinzannu 8:37

Dé é a lɔrɔ nyaoo, dé é a migyɛgyɛ nyaoo, dé é a féifɛnu gyɛgyɛ nyaoo, dé é a ’pooné nyaoo, dé é a gangan gɔnɔogɔnɔan nyaoo, dé wo da ilé munu lé tɛrɛ la, dé ilé munu nyanézannu da wolé tɛrɛ la wolé flanu mabɛn lɛ, yé wo bɔ wolé gɔrɔ ’léé, dé bawurumawe bɔ wo ma, dé gyɛogyɛan é ke munu gyɛna,

JOB (Job) 18:11

Zuru va nyɛkiniwe éé nyanaan a ma, woo dirian a zi, Wa zuo bin‐é.

JOB (Job) 20:25

Sawɔlɛ lé é so a zi, ’té a ma éé bié, É a so é kɔlɛ gi; Yé gakana é dan a kun lɛ.

JOB (Job) 31:8

É a lé maa fɛ vɔ yé mi bɛ a gyɛ ma, Yé ’wo an punlanu faa soowɔla ma.

Lɛrɛvɔ Sɛbɛ 109:6

’I mi ple pla an nyanézan nwiin, Yé mian éé we dɔa a nwiin, ’bɛ ’é dɔ a bɛyila ma.

Lɛrɛvɔ Sɛbɛ 73:19

Yé bé gini do, keletɔɔn, wozé nyaa. Wo wo si ana é kele, yé ana vo é pla.

Lɛrɛvɔ Sɛbɛ 78:33

Wo ’wolé yinu sɛrɛ boawe saa kɛlɛle nya. Wo lɛɛ nyaale bɔra wo ma fiaa.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Wegɔnévɔlenu 3:33

Gakelebale a é pale wenyanékɛlɛzan gɔnɔlamunu ma, naa, éé mi tegele nyanana drɔɔ voo;

Ézai 10:4

Mi kenu é dan vo lɛ é plinle wolé luufla ta; mi kenu é dan dia lɛ é gale. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 62:8

Gakelebale é bɛyi valé é bɛ plɛplɛ ’nyɔɔn léé: Maa ’ka dan ilé ’sa nɔ lɛ i nyanézannu lé fɛblele nya é dɛrɛ lo, Ilé dɔrɔ lé ke ilé nyanama tɔnɔ nya, Bɛnnu ’ka dan a mini lɛ é dɛrɛ lo.

Ézai 7:2

Munu da a fe lɛ David kulunu lɛ léé: Siri sunyanu ’wolé sɔkɔnnu dɔ Éfraim tɛrɛ la. Yé Akaz valé élé munu bli nano wo gi bélé fu éé pɔrɔ gi yilinu manyɔɔn‐an fɛan zo, a zo.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 15:3

Gakelebale léé: Maa dan bawurumagyɛ ziɛn pa lɛ wo lɛ zia; gwɔun lé wo gyɛle koo, blénnu lé wo ganale koo, lagi mianénu valé tɛrɛlawinu lé wo blele valé wo sɛrɛle koo, woo lé.

Jérémi 15:8

Alé gyɛzaralomu é dan kɛlɛ lɛ kiɛre é mini wɛyi gɔɔn ma nyéné ta, Gulidanzan boroné koo, é bu bozen koo, Maa dan kulugazan pa lɛ zia wo ɛ ma É yiéyi boenwo. Yé nyané blɛn blele valé di kinié mi gi we é dan bɔra lɛ wo ma fiaa.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Ézékiɛl 24:23

kalé nɔɔnnu é dan vo lɛ é vurule ka ’wuo ma, yé kalé sawalanu é dan vo lɛ ka gane ma; ka ’ka dan gyɛ wuvɔ lɛ lo yé ka ’ka dan wuvɔ lɛ lo; maa dan fuunégyɛ vɔ lɛ ka ma kalé weplenu lé we ma, yé ka dan dunnu lɛ ka ke va. Ézékiɛl é dan kɛlɛ lɛ tɔmase nya ka lɛ.

Ézékiɛl 33:10

Yé bii, blami be, bé fe Izraɛl munu lɛ léma: Ka léé, ’wolé bélidɔwe sɛrɛlenu valé ’wolé wenyanénu a ’wo nwiin; wolé we ma lé ’wo a tɔɔtɔɔ, ’wo dan vo lɛ é yuɛma kaa?

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Misé 6:15

Ka dan fɛ vɔ lɛ yé ka ’ka dan a gyɛ lɛ lo; ka dan ɔlivinyɔnɔ kɛlɛ lɛ yé ka ’ka dan nyɔnɔ gié lɛ ka ma lo. Ka dan dɔrɔ boro lɛ yé ka ’ka dan a ’yi mini lɛ lo.

Agajé 1:6

Ka ’sa kiɛre vɔa, ’té ka gya sɛ. Ka fɛ blé, ’té ka ’ka kaan lo. Ka ’yi minian, ’té ’yiminilɔrɔ ’ka sié ka ma lo. Sɔ a ka ta, ’té dunu ’ka sié ka ma lo. Nyanamapazan é ’é ban paan bala fɔnle gi yé é dia.

Zakari 14:12

Munu faa lé wo dan guli dan lɛ Jérusalɛm va, bawurumagyɛ lé Gakelebale é dan a vɔ lɛ wo ma, yee lé ke ’ko: Wo wi é dan vɔn lɛ, ’té wa tan é yuɛma, wo yuɛnu é dan vɔn lɛ é koro gi; wo nɛnɛ é dan vɔn lɛ wo ’léé.

Malasi 2:3

Ka ye, maa dan kalé vɔfɛnu sɛrɛ lɛ, yé maa dan kalé balebanwinu bo vuli lɛ ka yara yé wo dan go lɛ ka valé wonu nya ékeva.

Bélidɔwesɛbɛ Fiézan 28:51

Wo dan kalé trubɛnénu valé kalé féifɛnu ble lɛ ka lee fɔɔ yé ka kulu é ga; ’sa koo, dɔrɔ’yi vinin koo, nyɔnɔ koo, dirinu valé ’blanu valé bolinu fanle koo, wo ’ka dan a do kpen vo lɛ ka lee lo, fɔɔ yé ka zamaga wo.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Ébrunu 10:31

Vɔle Bale yuɛmale lee a we tɔntɔn kaii nya.

Weblezannu 6:11

Yé Gakelebale lé lanje da, yé é nyana Ofra térébɛnt yili wuo, ’té ’bɛ ke Abiézɛɛ gɔnɔlazan Joas lé fɛna nya. ’Té a be Jédéɔn a ’sa sunwona dɔrɔ borona, a yɔɔle Madiannu lee we ma.

1 Samuɛl 2:33

Maa dan ilé mi do vo lɛ an banna sɔnɔ, yara lé i gyɛle valé i bli kyɛ dɔle we ma; naa, ilé kɔngimunu faa é dan ga lɛ wo plɛplɛ bléyi va.