Lévinu 26:12 - Kazambale lé Sebe Sauunu 1979

¹² Maa dan tawo lɛ ka va, yé maa dan kɛlɛ lɛ kalé Bale nya, yé ka dan kɛlɛ lɛ anlé munu nya.

Lévinu 26:12 ပူးပေါင်းရင်းမြစ်များ

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 3:8

Yé wo Bale, Gakelebale dére ’ma, ’té ’bɛ éé giéan féi nyanadi bléyi va yé gɔnézan valé é na yɔɔ Bale Gakelebale lee, féiyilinu méléna.

Wepélisiananu 5:22

Métuséla yaale zuo Énɔk tawo Bale va lɛɛ wuru do yɔ soru, yé é négɔné valé nélomu yaa.

Wepélisiananu 5:24

Énɔk tawo Bale va, yé Bale a si, bɛwemalé wo ’ka a ye lɛ lo.

Wepélisiananu 6:9

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

2 Samuɛl 7:7

Ta faa lé ko wo Izraɛl munu nya, Izraɛl munu lé maa wo dɔ léé, ’wo anlé munu Izraɛl tabin, maa fe tan do wo va mi do lɛ léé, mɛmalé ka ’ka anlé sɛdrɛyili kɔn dɔ lɛ loo?

Lɛrɛvɔ Sɛbɛ 50:7

Anlé munu, ’ka tɔné dɔ yé maa dan we fe lɛ ka lɛ; Izraɛl, maa dan we lɛ kini lɛ ka lɛ. Maa a Bale nya, ilé Bale nya.

Fwile 29:45

Maa dan nyana lɛ Izraɛl lé nénu va, yé maa dan kɛlɛ lɛ wolé Bale nya.

Fwile 29:46

Wo dan a gi dɔɔ lɛ léé, maa a Gakelebale nya, wolé Bale lé é wo si Éjipiti tɛrɛ la nyanale wo va we ma, a nya. Maa a Gakelebale, wolé Bale nya.

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 36:38

Maa dan fla sɛrɛle ’konu fan lɛ wo nya bélé trubɛnu lé wa pa é yɛrama Bale zé nya, a zo, trubɛnu lé wo go wo nya fɛti blɛn kɛlɛna Jérusalɛm, woo lé. Yé wo dan a gi dɔɔ lɛ léé, maa lé ke Gakelebale nya.

Joɛl 2:27

Yé ka dan a gi dɔɔ lɛ léé, maa a Izraɛl munu va. Maa ɛ ke Gakelebale, kalé Bale nya, yé bale bɛ do kpen ’ka ana lo. Yé yara ’ka dan anlé munu gyɛ lɛ é dɛrɛ lo.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Mi Nɔnɔle 5:3

Dé é a gɔné nyaoo, dé é a le nyaoo, ’ka wo bin; ’ka wo bin sɔkɔn dɔna, sɔkɔn dɔna lé anzé nyanana ke a méléna ’ko, té a sɔnné sɛrɛ lo we gi.

Matio 22:32

É léé: Abraam koo, Izak koo, Jakɔb koo, maa a wolé Bale nya. Dé Kazambale a fe léé, ’é a mi do lé Bale nya, ’té azan a é yuɛma. Dé é gaoo, é a é yuɛma duowo.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Bélidɔwesɛbɛ Fiézan 23:14

Naa, Gakelebale kalé Bale a tawona ka va, ka takuunle valé ka nyanézannu pale ka lee we gi; bɛwemalé é a lé kalé fla ’é kɛlɛ é zima, té Gakelebale é fɛ tiridɔle do kpen ye ka va lo, dé é da si ka va.

Bélidɔwesɛbɛ Fiézan 23:15

Dé luu do vlan buru ézan lee yé é da vɔ lɛ i zi, té bé nɔ ézan lɛ lo.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Wegɔɔnle 2:1

’I sɛbɛ pa Éfɛz léglizi lé lanje lɛ zia. ’Bé fe a lɛ léé: Mi lé monéné sɔrafié ke a bɛyi lee, ’té éé tawoo kyan fintran sɔrafié méléna, a dére lé é ke ’ko:

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.