Lévinu 26:1 - Kazambale lé Sebe Sauunu 1979

¹ Té ka miyilinu kɛlɛ kabo lɛ lo, té ka fɛ do kpen foto kɛlɛ lo, té ka yobɔ kɛlɛ lo; gɔlɛ lé wa ma guru vɔ mi ’wuo foto nya, té ka do kpen dɔ kalé tɛrɛ la, ka diale wo ’lɛ we gi lo; maa a Gakelebale, kalé Bale nya, azama.

Lévinu 26:1 ပူးပေါင်းရင်းမြစ်များ

2 Minwiinzannu 17:10

Wo miyilinu valé yofotonu dɔ gɔ grɔgrɔ faa nwiin valé yili drɔɔdrɔɔ faa wuo.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 17:8

Bɛnnu lé Gakelebale wo bin Izraɛl munu ’lɛ, wo wolé gɔnɔlawe kɛlɛ, é valé gɔnɔlawe lé Izraɛl nwiinmunu a pélisia, wo nya.

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Lɛrɛvɔ Sɛbɛ 97:7

Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 20:23

Té ka gɔɔlifubalenu valé kyanbalenu kɛlɛ, wo pale an va we ma lo; té ka wo kɛlɛ monomono lo.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Fwile 34:17

Té i fɛ do kpen sele yé é kɛlɛ ilé bale nya pelo.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Lévinu 19:4

Té ka go miyilinu zuo lo, yé té ka bale selelenu kɛlɛ kabo lɛ lo.

Lévinu 25:55

Naa, Izraɛlnu a maa ɛ lé luu nya, ’bɛzama; wa anlé luunu lé maa wo si Éjipiti tɛrɛ la, wo nya. Maa a Gakelebale, kalé Bale nya.

Lévinu 7:33

Arɔn be lé é bɔvɔ saraka nyɛ valé a nyɔnɔ nɔ, a bɛyilabɛ é dan kɛlɛ lɛ azé nya.

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Kelewenu 17:29

Bɛwemalé, dé ko a Kazambale dɔgɔnɔ nya, té é dɔ ko gi léé, Bale a bélé kyan koo, gɔɔli fu koo, gɔlɛ lé munu a nyaa gi kini valé nyanama pale nya koo, wo zo lo.

Bélidɔwesɛbɛ Fiézan 27:15

Mi lé é miyili nyaa, ɛɛ, é miyili kɛlɛ foliɛwɔlɛ selele nya, gikinizan panyanama lé é a bélé bo zo Gakelebale yuɛ gi bɛ, dé mian a nyaa yé é a dɔ kyeen gi fɛdona, ’té bale a é pale ’bɛzan ma ma; yé munu faa é dan a zi pa lɛ léé: lin, ’é kɛlɛ a zo.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

Weblezannu 18:30

Wo miyili nyaale dɔ wozé nya, yé Manasé be Gɛɛsom, ’bɛ be Jonatan, yee valé é benu kɛlɛ balebanzannu nya Dan bɛn lɛ, fɔɔ yé é bɔ wo gole luu gi ma.