Lévinu 25:9 - Kazambale lé Sebe Sauunu 1979

⁹ Moné sɔrafié lé yi vuzan nya, ka dan bélinu fɛn lɛ yé a zuoi éé goo wele nya; wenyané ’yibo yi nya, ka dan béli fɛn lɛ kalé tɛrɛ faa la.

Lévinu 25:9 ပူးပေါင်းရင်းမြစ်များ

Lɛrɛvɔ Sɛbɛ 89:15

We tegele valé we drɔle a ilé plale mi nwiin pun nya; Zin valé yara pale we ta a i yara.

Lɛrɛvɔ Sɛbɛ 89:16

Munu lé woo béli vun wele maan, wozé a néné; Oo Gakelebale, woo tawoo i yara bile va.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Lévinu 16:20

Fɛna sauun koo, zén‐ékevasɔkɔn koo, balebanna koo, dé é nyaa wo ma saraka bole nya, é dan bié lɛ boligɔné yuɛmale nya.

Lévinu 16:29

Kalé bélidɔwe do lé a glɛ ’ka lo, yee lé ke ’ko: Moné sɔrafié lé yi vuzan nya, ka dan kabo kɛlɛ lɛ kiéné; té ka nyanama do kpen pa lo, flazan koo, bɛn bɛ mi lé éé nyanaan ka va koo, té wo nyanama pa lo.

Lévinu 16:30

Naa, ’yi ’ko nya lé wo dan kalé wenyané ’yibo lɛ, ka kɛlɛle tata we ma. Wenyané faa lé ka kɛlɛ Gakelebale yuɛ va, ka dan kɛlɛ tata wo we ma.

Lévinu 23:24

Bé fe Izraɛl lé nénu lɛ léma: Moné sɔrafiézan lé yi vininzan nya, ka dan flinyi zana dɔɔ lɛ bélinu fɛnli nya, yé ka dan zénle ékeva plɛplɛ kɛlɛ lɛ.

Lévinu 23:27

Moné sɔrafiézan ’ko lé yi vuzan nya, é a wenyané ’yiboyi nya; ka dan zénle ékeva plɛplɛ kɛlɛ lɛ, yé ka dan kabo kɛlɛ lɛ kiéné, yé sarakanu lé wa kyɛ blé, ka dan wo bo lɛ Gakelebale lɛ.

Lévinu 25:8

’Ka flin lɛɛ sɔrafié nɔnɔ, ’é kɛlɛ lɛɛ sɔrafié sɔrafié gɔnɔ sɔrafié, yé flin lɛɛ sɔrafié ’ko, a lɛɛ é dan kɛlɛ lɛ lɛɛ yɔ fié wɔlɛ sɔraziɛn nya.

Lévinu 27:17

Dé é ’élé féi pa é yɛrama Bale zé nya lɛɛ nyané gi, wo dan dɔ lɛ a ’léé lé Balebanzan a fe, a ta;

Lévinu 27:24

Lɛɛ nyané nya, féi é dan nɔla lɛ mi lé é a lɔ a lee, ’bɛzan lee, yé é dan kɛlɛ lɛ azé nya é pai.

Mi Nɔnɔle 10:10

’Ka béli fɛn ka ginanayinu valé kalé fɛti yinu la, ’té ka balebanwi kyɛ blé Gakelebale lɛ, ’té ka Bale bɔvɔ sarakanu boo, yé wo dan ka sele dɔ lɛ maa, kalé Bale gi. Maa a Gakelebale, kalé Bale nya.

Mi Nɔnɔle 36:4

Yé dé Izraɛlnu lé lɛɛ yɔ fié wɔlɛ vuzan bɔ, bɛn lé wo ’bɛ si, wo ’bɛnu zara taa pa a nya, yé wa si ko tranu zé va.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Rom munu 15:19

gyɛzorowenu valé weblɛnblɛnnu kɛlɛle koo, Léli Sauun lé plɛplɛ koo, wo nya lé Jézu Krist bɛn bɛnu kɛlɛ ’é lɛdɔmazannu nya. ’Bɛ zo lé an Krist lé Wenéné faa nwɛɛn di, é sia Jérusalɛm valé é sɔnɔ tɛrɛnu ma fɔɔ yé é bɔ Iliri tɛrɛ la.

1 Tɛsalɔnik munu 1:8

Mizan dére si ka va yé é nwɛɛn Masédɔane valé Akai tɛrɛ la, ’bɛ saa kaan lo; munu a gi dɔɔ fɛfaana léé, ka bli a Kazambale lɛ, amalé é ’ka lé, ko ’bɛ fe lo.

Jozué 6:4

Balebanmunu sɔrafié, wo dan go lɛ Bale lé kɛsu ’lɛ, béli sɔrafié lé wo zuoi éé goo wele nya, wo nya wo lee; a yi sɔrafiézan nya, ka dan gié lɛ flagɔrɔ zi gɔnɔ sɔrafié, yé Balebanmunu wo dan béli fɛn lɛ.