Lévinu 25:41 - Kazambale lé Sebe Sauunu 1979

⁴¹ ’Bɛ yi nya lé é dan si lɛ i va, yee valé ’élé nénu nya, yé é dan go lɛ élé munu va, ’é tranu lé fɛna.

Lévinu 25:41 ပူးပေါင်းရင်းမြစ်များ

Fwile 21:3

Dé é wɔra luu gi é do, é dan bɔra lɛ é do; dé a na a, wo dan bɔra lɛ ’bɛ nya.

Lévinu 25:10

A lɛɛ yɔ fié wɔlɛ vuzan ’é kɛlɛ kalé lɛɛ nyané nya; ka dan vole éboma ’ko zana dɔɔ lɛ kalé tɛrɛ la munu faa lɛ; é a kalé lɛɛ nyané nya; ka faa do do é dan nɔla lɛ kalé fɛna; yé ka faa do do é dan nɔla lɛ kalé munu va.

Lévinu 25:28

Dé é ’ka a tabofɛ ye lɛ lo, fɛ lé é a dɔ bɛ, é dan vo lɛ a dɔleezan lee, fɔɔ yé lɛɛ nyané é bɔ; lɛɛ nyané nya, alé féi é dan vo lɛ a lee, yé a dɔleezan é dan si lɛ ana.

Lévinu 25:40

’É vo i va bélé nyanamapazan zo, bélé mi lé é nyana i lee, a zo; é dan vo lɛ ilé nyanama pana fɔɔ yé lɛɛ nyané ’é bɔ.

Lévinu 25:42

Naa, wa an wuomunu lé maa wo si Éjipiti tɛrɛ la, wo nya. Té ’wo wo dan bélé woo lunu daan fɛan zo, a zo lo.

WENÉNÉ LE JAN A GYE (Évangile selon Jean) 8:32

yé ka dan webozen dɔɔ lɛ, yé webozen é dan ka kɛlɛ lɛ minénu nya.

Rom munu 6:14

Ka ’ka bélidɔwe la lo, ka a zin la, amalé wenyané ’ka dan pla lɛ ka nwiin monomono lo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.