Lévinu 25:14 - Kazambale lé Sebe Sauunu 1979

¹⁴ Dé ka fɛ dɔ ka bɔluzan lee, ɛɛ, dé ka fɛ dɔle si ka bɔluzan lee, té ka dabli kɛlɛ ka ke lɛ lo.

Lévinu 25:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 16:10

Aza bli fli fɛnayezan ma, yé é a vɔ bokɔn gi. A bli fli, azama. ’Bɛ bléyi duo nya, Aza yaa mi kenu ta.

Lɛrɛvɔ Sɛbɛ 10:18

We tegele kɛlɛle ti valé bugalazan lɛ we gi, é valé munu lé woo yaan ’bɛnu ta, ’bɛnu lɛ; Wo we ’ko kɛlɛ léé, blami lé wa si tɛrɛ va, té é di blɛn kini mi gi bɛwo é ziin lo.

Wegɔnévɔlenu 14:31

Mi lé éé nyané paan nyanégyɛzan ta, é a a Kɛlɛzan sɔnɔna; naa, mi lé a nyanai éé zén‐é tɔnanénu ta, é a a Kɛlɛzan tɔ bɔna.

Wegɔnévɔlenu 21:13

Mi lé éé tɔné lɛ taan nyanégyɛzan siaale ma, yeebozen é dan siaa lɛ yé wo ’ka dan we lɛ a zi lo.

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Wegɔnévɔlenu 28:16

Minwiinzan lé a ’wuo ’ka a ta lo, éé nyané pale mi ta lɛ sié, naa, mi lé éé fɛ kiɛre yele za paan, é élé tɛrɛla taa paan.

Wegɔnévɔlenu 28:3

Nyanégyɛzan lé éé nyané paan tɔnanénu ta, é a bélé lɛɛ plɛplɛ lé éé fɛnu sɛra, a zo.

Wegɔnévɔlenu 28:8

Mi lé élé fɛnu gi gya tɔnɔ yele élé gɔɔli ma valé a pale a ma we ma, éé wo tééan mi lé a nyanai éé zén‐é nyanégyɛzannu ta, azé nya.

Bale Lé We Gifezan 5:8

Dé tɛrɛ do la munu ’wo nwiinzan tɔ bɔa, ’bɛ tɛrɛ ’ko la wenu nyian é wo bɛ faa ma.

Ézai 1:17

’Ka wezin kɛlɛle draan, ’ka kwa kuli léé, kalé we ’é kɛlɛ tegele. Munu lé wa kle pana wo ta, ’ka wo takuun; ’ka we tegele kɛlɛ ti valé bu galazannu lɛ, ’ka dɔ zanagalalomu zuo.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Ézékiɛl 22:7

Bii fla ’ko méléna lé woo serele boo ’wo ti valé ’wo bu ma; woo kle paan bɛnnu ta, woo yaan ti valé bugalazannu valé gyɛzaralomu ta.

Lévinu 19:13

Té ka yaa ka bɔlunu ta lo, té ka fɛ do kpen sia gla nya lo. Té ilé nyanamapazan ban é yii i lee fɔɔ yé tu é kini a ma lo.

Lévinu 25:15

Dé i fɛ dɔle si i bɔluzan lee, lɛɛ nyané lé ’bɛ gié, ’i ’bɛ nɔnɔ, yé féipalɛɛ lé ’bɛ vo yé lɛɛ nyané é bɔ, ’i ’bɛ nɔnɔ, yé ’ka a ’léé fe ’bɛ yɛrama.

Lévinu 25:17

Té ka va mi do kpen é dabli kɛlɛ é bɔluzan lɛ lo, ’i kana ilé Bale lee; naa, maa a Gakelebale, kalé Bale nya.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

WENÉNÉ LÉ LUK A GYE (Évangile selon Luc) 3:14

Sunyanu é ziin, wo we laa a lee léé: Yé ko, é a lé ko kɛlɛ kaa? É lé wo lɛ léé: Té ka fɛ si gla nya mi do kpen lee lo, té ka dabli kɛlɛ mi do kpen lɛ lo, ka gooli ’é sɔ ka lɛ ma.

1 Korent munu 6:8

Naa, kanu ɛ ke weple kɛlɛna, kanu ɛ ke mi tablena, yé ka bwenu lɛ lé ka ke a kɛlɛna.

Weblezannu 4:3

Izraɛl lé nénu siaa Gakelebale lɛ, Jabɛn lé foliɛwɔlɛ goronu a wuru ziɛn yɔ soru, yé é nyané pa Izraɛl lé nénu ta é baba lɛɛ yɔ do gi, ’bɛzama.