Lévinu 25:10 - Kazambale lé Sebe Sauunu 1979

¹⁰ A lɛɛ yɔ fié wɔlɛ vuzan ’é kɛlɛ kalé lɛɛ nyané nya; ka dan vole éboma ’ko zana dɔɔ lɛ kalé tɛrɛ la munu faa lɛ; é a kalé lɛɛ nyané nya; ka faa do do é dan nɔla lɛ kalé fɛna; yé ka faa do do é dan nɔla lɛ kalé munu va.

Lévinu 25:10 ပူးပေါင်းရင်းမြစ်များ

Ezidras 1:3

Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go Jérusalɛm, Juda tɛrɛ la, yé ’é Izraɛlnu lé Bale, Gakelebale lé kɔn dɔ. Bale lé ke Jérusalɛm, yee lé.

Lɛrɛvɔ Sɛbɛ 146:7

Éé we tegele kɛla, munu lé wo yaan wo ta, wo lɛ; Yé munu lé lɔrɔ ke wo gyɛna, éé fɛblele no wo lɛ.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Ézai 49:9

Yé i dan a fe lɛ luugizannu lɛ léé: ’Ka bɔra, Yé munu lé wo ke gunutinu va, i dan a fe lɛ wo lɛ léé: ’Ka bɔra a gi. Wo dan fɛ ble lɛ zinu ta, Yé wo dan fɛblele ye lɛ gɔpanénu faa nwiin.

Ézai 63:4

Naa, we lɛgi payi a an bli gi, yé anlé munu tabolɛɛ bɔ.

Jérémi 34:10

Minwiinzannu valé munu faa lé wo dére pa do we ’ko gi, wa nyi si léé, wo faa do do ’wolé luugɔné valé luudané vo wobo ma, léé, té wa vo é dɛrɛ luu gi lo we gi. Wo dɔ dére ’ko ta yé wo daan wo ma.

Jérémi 34:8

Minwiinzan blɛn Sédésias dére pale Jérusalɛm munu va do zuo, Gakelebale we fe Jérémi lɛ. Dére lé wa pa do, yee lé ke léé, ’wa zana dɔɔ léé, munu faa ’é vo wobo ma.

Ézékiɛl 46:17

Naa, dé é fɛ si é zarafɛnu va yé é a nɔ é leezan do lɛ, fɛ ’ko é dan vo lɛ ’bɛzé nya fɔɔ yé wolé voéboma lɛɛ é bɔ. ’Bɛ zuo yé ’bɛ é fɛ ’ko nɔ minwiinzan lɛ é pa gi. Fɛ lé é a si é zarafɛnu va yé é a nɔ é benu lɛ, é dan vo lɛ ’benu lee.

Lévinu 25:11

A lɛɛ yɔ fié wɔlɛ vuzan é dan kɛlɛ lɛ kalé lɛɛ nyané nya; té ka féi pa lo; fɛ lé é kɛlɛ féi é boan, té ka ’bɛ gyɛ lo; kalé dɔrɔ nénu lé wo nwa wo ma yé wo poro baa, té ka wo so lo.

Lévinu 25:13

Lɛɛ nyané ’ko gi, ka faa do do é dan nɔla lɛ kalé fɛna.

Lévinu 25:41

’Bɛ yi nya lé é dan si lɛ i va, yee valé ’élé nénu nya, yé é dan go lɛ élé munu va, ’é tranu lé fɛna.

Lévinu 25:54

Dé a tabozan do kpen ’ka ye lɛ lo, é dan bɔra lɛ lɛɛ nyané gi, yee valé é nénu nya.

WENÉNÉ LÉ LUK A GYE (Évangile selon Luc) 1:74

É a se kɛlɛ ko lɛ léé, dé é ko si ko nyanémunu lee faa, ’Té ko ’é bɔa Kɛlɛle sauun valé we tegele kɛlɛle nya é ’lɛ, kolé tɛrɛ la yinu faa gi, ’té kana ’ka ko gi lo.

2 Korɛnt Munu 3:17

Mizan lé wa fe bɛ, Bale Léli lé, yé fɛana lé Mizan Léli ke, ana lé mi a éboma.

Galasi munu 4:25

Naa, Agaa ’ko, é a Sinai gɔ nya Arabi tɛrɛ la. Jérusalɛm lé é ke ana sin, é a ’bɛ tɔmase nya. Yee valé élé nénu a luunu nya ’bɛna.

Galasi munu 5:13

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

1 Piɛri 2:16

’Ka tawo minénu nya, naa, té ka we lɛrɛlɛrɛ kɛlɛ ka vole kaboma tɔ gi lo. ’Ka we kɛlɛ Kazambale wuomunu lé wekɛlɛbɛ nya.