Lévinu 24:5 - Kazambale lé Sebe Sauunu 1979

⁵ I dan burupun zima si lɛ yé i dan buru vu ta fié kɛlɛ lɛ; buru do burupun suoné nya fié.

Lévinu 24:5 ပူးပေါင်းရင်းမြစ်များ

1 Minwiinzannu 18:31

É gɔlɛ sia vu ta fié, Jakɔb lé Gakelebale a fe é kyɛn a lɛ léé, i tɔ é dan kɛlɛ lɛ Izraɛl nya, a benu bɛn ’léé yɛrama.

Minwiinzannu lé Wezuofe Sɛbɛ 23:29

Bale ’lɛburu koo, burupun zima lé wa no Bale lɛ koo, buru pɛtoropɛtoroné lé lévɛn ’ka a va lo koo, buru kurukuruné gɔnɔ fié koo, fɛdangifɛnu valé fɛ sangi danfɛnu koo, wo ’bɛ wenu faa bɛ pa wo lee;

Minwiinzannu lé Wezuofe Sɛbɛ 9:32

Wo bwenu kenu, Kéatinu, woo Bale ’lɛburu kɛla flinyi faa do do zé nya.

2 Minwiinmunu lé Wezuofe Sɛbɛ 13:11

Bladi valé nyanadi faa do do ma, winu lé wa kyɛ blé, ko a no Gakelebale lɛ; ko lasikɔrɔ ginzan kyɛ blé; ko Bale ’lɛburu plaan tablé tegele ta, yé ko kyan fintran valé alé kyɛbɔnu bié; naa, ko Gakelebale, kolé Bale lé bélidɔwenu kɛla. Yé kaa, ka sɔn vɔ a ma.

Néémi 10:33

Bale ’lɛburu koo, blɛ lé a nɔle ’ka nyaan lo koo, balebanwi lé wa kyɛ blé, ’té a nɔle ’ka nyaan lo, ’té é ke flinyinu koo, moné dɛrɛnu koo, fɛtinu koo, wozé nya bɛ, yee koo, fɛnu lé ke é pale é yɛrama koo, Izraɛl lé wenyané ’yibo sarakanu koo, we faa tere lé wa kɛla kolé Bale lé kɔn gi koo, woo siklagɔɔli no yee nyanamanu ’ko lé we ma, lɛɛ do do ma.

Néémi 10:34

Balebanmunu koo, Lévinu koo, flamunu koo, ko munu si wo va ’munnu zunle nya, kyɛ lé é a lé wo da a nya lɛɛ do do ma kolé Bale blanfɛ nya, Bale lé kɔn ’léé, alé we ma. Woo dan kyɛ ’ko nya ko tranu gɔnɔla ma gɔnɔla ma, bléyinu lé wa dɔ, a nya, léé, ’wo saraka kyɛ ble a nya, Gakelebale kolé Bale banna ta, é a é gyɛle bélidɔwe gi fɛan zo, a yɛrama.

Fwile 25:30

I dan an ’lɛburu dɔra lɛ tablé ta yifaama an ’lɛ.

Fwile 39:36

tablé valé é ma nyanamapafɛnu valé Bale ’lɛburunu koo,

Fwile 40:23

yé é burunu pla a ta ’wo bale nya, Gakelebalé ’lɛ, Gakelebale a fe Moizi lɛ fɛan zo, a zo.

Fwile 40:4

I dan da lɛ tablé nya yé bé ta fɛnu faa pa ’wo pana. I dan da lɛ kyan fintran nya yé i dan alé bɔnénu ma’lɛrɛ lɛ.

Mi Nɔnɔle 4:7

’Wo glayivayou sɔ fwila Bale ’lɛburu plala tablé ta, yé planu koo, gaannénu koo, pala ganeanénu valé béénébɔnu lé woo baleban’yi zén‐é a gi koo, ’wo wo dɔra tablé ’ko ta; té buru é kele tablé ’ko ta lo.

Matio 12:4

Fɛan zo lé é wɔra Balebangikɔn gi, yé Kazambale ’lɛburu lé, a blele se ’ka yee valé ’é vamunu lɛ lo, a blele se a Balebanmunu saa ɛ lɛ, yé wa ble, ka ’ka tan a ta fe lɛ Kazambale lé sɛbɛ gi loo?

Kelewenu 26:7

Ko bɛnnu vu ta fié lé wo ke Kazambale bɔna bléyi faa ma, tu valé é kinile ma, wo bli a ’bɛ kɛlɛle lɛsɔɔle lɛ é ziin. Minwiinzan, an bli a we ’ko bɔle lɛ, amalé Juifinu an tɔ fe.

Ébrunu 9:2

Wo sɔkɔn dɔ webozen nya. Wa gi vininzan laama fɛna sauun, yé fintran koo, tablé koo, Bale ’lɛburunu koo, wo ana ’bɛna.

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.

1 Samuɛl 21:6

Yé Balebanzan Bale lé buru nɔ a lɛ, naa, Bale ’lɛburu lé wa si Gakelebale ’lɛ, ’té wo buru kyɛzan pa a pa gi é nya do, ’bɛ saa ɛ ke ana, buru bɛ ’ka lo.

1 Samuɛl 21:7

Yi ’ko duo nya, Saul wuomunu va mi do ana bɛ, Bale ɛ a mɔn ana; Édom mi do lé, wa laama Doɛg, é a Saul lé ’blatabinmunu nwiinzan nya.