Lévinu 22:6 - Kazambale lé Sebe Sauunu 1979

⁶ Mi lé é mane fɛ ’konu ma, é ’ka é zima lo fɔɔ nyanadi; té é fɛ plɛplɛ ’konu ble lo, naa, ’é zuru;

Lévinu 22:6 ပူးပေါင်းရင်းမြစ်များ

Lévinu 11:27

Winu faa lé woo tawoo ’wo bɛ la, ’ka wo ye fɛ tiridɔle nya; dé miomian mane wo gale ma, azan tiri dɔ fɔɔ nyanadi,

Lévinu 11:28

yé dé miomian wo gale sia, ’élé sɔnu zuru yé a tiri é dan vo lɛ é dɔle fɔɔ nyanadi. ’Ka wo ye fɛ tiridɔle nya.

Lévinu 11:31

Wi kiénénu faa va, ’ka wo ye fɛ tiridɔle nya. Dé miomian mane wo gale ma, a tiri é dan dɔ lɛ fɔɔ nyanadi.

Lévinu 11:32

Fɛ faa lé wo mane wo gale ma, wo tiri dɔ; dé yilifɛ léé, dé sɔ léé, dé wikɔlɛ léé, dé bɔlɔ léé, dé fɛofɛan woo fɛ kɛla a nya, dé ’bɛ léé, ’ka wo vɔ ’yi va, yé ’wo vo ’wo tiri nya fɔɔ nyanadi; a zuo a gi é dan bɔ lɛ.

Lévinu 11:39

Dé ka blewi do ga, mi lé é mane ’bɛ gale ma, ’bɛzan tiri é dan dɔ lɛ fɔɔ nyanadi;

Lévinu 11:40

mi lé é a gale ble, ’élé sɔnu zuru yé a tiri é dan vo lɛ é dɔle fɔɔ nyanadi, yé mi lé é a gale sia, ’élé sɔnu zuru yé a tiri é dan vo lɛ é dɔle fɔɔ nyanadi.

Lévinu 15:5

Dé mian mane alé yialafɛ ma, é dan élé sɔnu zuru lɛ, yé é dan éboen zuru lɛ, yé ’bɛzan é dan vo lɛ é naané fɔɔ yé nyanadi é pa.

Lévinu 22:7

yiri vɔle zuo é kɛlɛ tegele, ’bɛ zuo é dan fɛ plɛplɛ ’konu ble lɛ, naa, é a alé fɛblele nya.

Agajé 2:13

Yé Agajé léé: Dé mi do tiri dɔ a manele fɛ gale ma we ma, dé é mane fɛ ’konu do ma, a tiri dɔɔ? Yé Balebanzannu léé: Iin, a tiri dɔ.

Mi Nɔnɔle 19:22

Fɛ faa lé é mane mi lé é ’ka tegele lo, a ma, ’bɛnu sɛrɛ, yé mi lé ’bɛ mane a ma, ’bɛ ’ka tegele lo fɔɔ nyanadi.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.