Lévinu 20:26 - Kazambale lé Sebe Sauunu 1979

²⁶ Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Lévinu 20:26 ပူးပေါင်းရင်းမြစ်များ

Néémi 10:29

wo zén wo bwenu lé wo ke tɔzannu nya, wo va. Wo bale ’nyɔɔn léé, wo dan dɔ lɛ bélidɔwe lé Bale wuozan Moizi a fe, a ta; yé Kozan Gakelebale lé bélidɔwe sɔnnénu faa koo, a déretawenu koo, alé bélidɔwenu koo, wo dan wo ta tawo lɛ yé wo dan wo lɛdɔ lɛ a ma.

Lɛrɛvɔ Sɛbɛ 99:5

’Ka Gakelebale, kolé Bale kɛlɛ blɛn, Yé ’ka ’wuo wɔra a gane wuo. É a sauun.

Lɛrɛvɔ Sɛbɛ 99:9

’Ka Gakelebale, kolé Bale tɔ kɛlɛ blɛn, Yé ’ka dia ka bli ta a ’lɛ, gɔblɛn ’lɛzan nwiin. Naa, Gakelebale, kolé Bale ’lɛ a.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Ézai 30:11

’Ka si zi zin ta, ’ka si tawozi ta, ’ka Izraɛl lé Mi Sauun si ko yuɛi baa.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Lévinu 11:44

Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Lévinu 20:7

Maa a Gakelebale, kalé Bale nya, amalé ’ka kabo pa é yɛrama yé ’ka kɛlɛ sauun.

Lévinu 20:8

’Ka anlé bélidɔwenu kɛlɛ yé ’ka wo ta tawo. Maa a Gakelebale lé éé ka kɛla sauun, a nya.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Jozué 24:19

Jozué lé munu lɛ léé: Gakelebale bɔplɛplɛ ’ka ka lee lo, naa, Bale sauun lé, maabo Bale lé, yé é ’ka dan ka ma we vo lɛ kalé weplenu valé kalé wenyanénu ma lo.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.