Lévinu 20:24 - Kazambale lé Sebe Sauunu 1979

²⁴ Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Lévinu 20:24 ပူးပေါင်းရင်းမြစ်များ

1 Minwiinzannu 8:53

Mizan, Gakelebale, i wo si a va tɛrɛlamunu bɛnu faa méléna, ilé wo kɛlɛle ilé tɔnɔ nya we gi, bé fe fɛan zo i wuozan Moizi lɛ bléyian va lé i ko tranu si Éjipiti tɛrɛ la, a zo.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 33:1

Gakelebale lé Moizi lɛ léé: ’I go, bii valé munu lé i si wo nya Éjipiti tɛrɛ la, ’ka si ’ko, yé tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo kulu lɛ, ’ka go ana zia.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Fwile 33:3

’I go tɛrɛnyɔnɔzan na zia. Naa, maa ’ka dan go lɛ ka va lo, dé maa da ka guru zana a gi zia, ka a wemaplɛplɛzannu nya, azama.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Lévinu 14:34

Dé ka bɔ Kanaan tɛrɛ lé maa dan a nɔ lɛ ka lɛ kazé nya, a ta, dé maa ana tɛrɛ la kɔn do gyɛ pantɛn gyɛ nya,

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Mi Nɔnɔle 23:9

Maa Izraɛlnu ye, ’té maa a é dɔle gɔlɛgɔ nwiin, Yé an yuɛ vɔ wo ta tirilii, ’té maa a gɔ nwiin loru. Migɔnɔ do lé é ke é nyanale é yɛrama, yee lé, Yé é ’ka é pale bɛnnu va lo.

WENÉNÉ LE JAN A GYE (Évangile selon Jean) 15:19

Dé é vo kɔɔn léé, ka a tɛrɛlamunu zé nya, ’té ka sɔ wo lɛ, naa, ka ’ka tɛrɛlamunu zé nya lo, yé maa ka si tɛrɛlamunu méléna, bɛwemalé ka za a tɛrɛlamunu gi.

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.