Lévinu 20:2 - Kazambale lé Sebe Sauunu 1979

² Bé fe Izraɛl lé nénu lɛ léma: Dé Izraɛl lé nénu va mi do léé, dé bɛn bɛ mi lé ke é nyanale Izraɛlnu va, dé yee léé, dé é ’élé né do kɛlɛ Mɔlɔk banfɛ nya, wo dan we lɛdɔ lɛ a gi ga nya. Ana tɛrɛ la munu é dan gɔlɛ vuli lɛ a va.

Lévinu 20:2 ပူးပေါင်းရင်းမြစ်များ

1 Minwiinzannu 11:7

Moab lé bozobale Kémos valé Amɔnnu lé bozobale Mɔlɔk, Salomɔn wo banna kɛlɛ loru, gɔ lé ke Jérusalɛm yara, a nwiin.

2 Minwiinzannu 17:17

Wo ’wo benu valé ’wo lunu vɔ kyɛ va yé wobo nɔ ’moné dɔle valé yo kɛlɛle lɛ, yé we lé ke é naané Gakelebale yuɛ gi, wo ’wobo dan a kɛlɛle we ma, Gakelebale bli flile we gi.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinmunu lé Wezuofe Sɛbɛ 28:3

É lasikɔrɔ kyɛ ble Inom munu lé pɛnguru gi, yé é é benu kyɛ ble, bɛngɔnɔnu lé Gakelebale wo bin Izraɛl munu ’lɛ, wolé bozowe kɛlɛbɛ gi.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Lɛrɛvɔ Sɛbɛ 106:38

Wo weanwiinlozannu nyɛ zana, Wo benu valé wo lunu nyɛ lé. Wo Kanaan tɛrɛ la miyilinu ban ’wolé nénu nya, Yé wo ana tɛrɛ sɛrɛ migyɛle nya.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 7:31

Wo ’wolé yobannanu dɔ Tofɛt, gɔworona lé wa laama Bɛn‐Inom, ana, wo benu valé wo lunu kyɛblele ’bɛna we ma. We lé maa ’ka a vinin fe lɛ wo lɛ pelo, we lé a vinin ’ka dɔ lɛ an gi pelo, yee lé wa kɛlɛ.

Ézékiɛl 20:26

Maa wo tiri dɔ wolé blɛfɛnu nya, bléyian va lé wa ’wolé né vininnu faa vɔna kyɛ va, ’bɛ bléyi va; é sɔ an lɛ léé, maa we lɛdɔ wo gi ’bɛ zo, yé maa a nagɔɔn wo lɛ léé, maa lé ke Gakelebale nya.

Ézékiɛl 20:31

Kalé blɛfɛ nɔle koo, kalé nénu kyɛblele koo, wo nya lé ka a kabo tiri?-?dɔna é ziin kyɔ, kalé miyilinu faa nya. Izraɛl munu, maa zi no ka lɛ léé, ka we laa an lee? Mizan Gakelebale léma: Maa a é yuɛma. Maa ’ka dan zi nɔ lɛ ka lɛ léé, ka we laa an lee lo.

Ézékiɛl 23:37

Wo ’wobo nɔ le bɛ zana ginile lɛ, yé mi nyɛ a wo bɛ ma. Wo go wolé miyilinu zuo bɔrɔdɛ le gole zo gɔné zuo. Yé nénu lé wa yaa an lɛ, wo wo vɔ kyɛ va, wo kɛlɛle miyilinu blefɛ nya we ma.

Ézékiɛl 23:39

Wo ’wolé nénu bɔrɔ bo wolé miyilinu lɛ, yé wo go yee yi duo nya anlé fɛna sauun na, yé wa sɔnné sɛrɛ. We lé wa kɛlɛ anlé kɔn gi, yee lé ke bɛ.

Lévinu 17:13

Dé é a Izraɛl mi nyaoo, dé é a wo va bɛn bɛ mi nyaoo, dé é a lu pana, yé wi valé miané lé wa blé, dé wa gyɛ, é dan a nyɛ zana lɛ yé é vun zén a ta.

Lévinu 17:15

Dé flami léé, dé bɛn bɛ mi léé, mi faa lé wo wigale ble, ɛɛ, dé wi lé fɛ a kini ékema, dé mi do a ble, é dan élé sɔnu zuru lɛ yé ébozen zuru yé é dan vo lɛ duowo é naané fɔɔ nyanadi, ’bɛ zuo yé ’é kɛlɛ tegele.

Lévinu 17:8

Amalé ’bé fe wo lɛ léma: Dé Izraɛl mi do léé, ɛɛ, dé bɛn bɛ mi lé ke é nyanale ka va, dé ’bɛ léé, balebanwi lé wa kyɛ blé, dé é a nɔ, ɛɛ, dé é balebanwi nɔ

Lévinu 18:21

Té i Mɔlɔk banfɛ kɛlɛ ilé né do kpen nya lo; té ilé Bale tɔ sɛrɛ lo. Maa a Gakelebale nya.

Lévinu 20:1

Gakelebale we fe Moizi lɛ yé é léé:

Lévinu 20:27

Dé gɔné léé, dé le léé, dé woo migale léli laan, ɛɛ, dé woo ’moné dɔa, ’wo we lɛdɔ wo gi ga nya; ’wo wo gyɛ gɔlɛ nya; wo nyɛ a wobo nwiin.

Lévinu 24:14

’Ka Balesɔnɔzan ’ko bɔra fla gini ma; munu faa lé wo dére ’ko ’ma, wo dan ’wo bɛ pla lɛ a nwiin, yé munu faa é dan gɔlɛ vuli lɛ a va yé ’é ga.

Lévinu 24:16

Mi lé é Gakelebale tɔ sɛrɛ, wo dan ga dɔ lɛ a nwiin; munu faa é dan gɔlɛ vuli lɛ a va. Dé é a bɛn bɛ gi mi nyaoo, dé é a flazan nyaoo, é dan ga lɛ; é Bale tɔ sɛrɛ, azama.

Lévinu 24:23

Moizi we fe Izraɛl lé nénu lɛ; wo Balesɔnɔzan si fla yé wo gɔlɛ vuli a va. We lé Gakelebale a fe Moizi lɛ, Izraɛl lé nénu a kɛlɛ.

Kelewenu 7:43

Ka Mɔlɔk lé sɔkɔn valé Réfan bale lé monéné si; Miyilinu ’ko lé ka wo kɛlɛ, wo bɔle we gi. Maa dan go lɛ ka nya é ziin Babilɔn zi.

Bélidɔwesɛbɛ Fiézan 12:31

Té ka kɛlɛ ’bɛ zo Gakelebale, kalé Bale vazia lo; naa, wo ’wozé balenu bɔa, bozowe lé a gin éé dɔa Gakelebale nyé gi, a kɛlɛle nya; dé é a wo benu valé wo lunu kyɛblele nya wolé balenu bɔle we gioo, wa kɛla.

Bélidɔwesɛbɛ Fiézan 17:2

Flanu lé Gakelebale, kalé Bale a nɔ ka lɛ bɛ, dé gɔné do lé, dé le do lé, dé ’bɛ a ka va wo va fla do ta yé we lé ké naané Gakelebale, kalé Bale yuɛ gi, dé azan a kɛlɛ yé é Bale lé gipawe sɛrɛ,

Bélidɔwesɛbɛ Fiézan 18:10

Té ka va mi do kpen é be valé é lu gié kyɛ va lo; ’monédɔzan koo, monéné va ’monédɔzan koo, wi va ’monédɔzan koo, gyɛzorowe kɛlɛzan koo,

Bélidɔwesɛbɛ Fiézan 21:21

Yé alé flamunu faa é dan gɔlɛ vuli lɛ a va yé é ga. ’Bɛ zo lé ka wenaané si ka méléna, Izraɛl munu faa lé a ’male valé kanale we gi.

Bélidɔwesɛbɛ Fiézan 22:21

wo dan go lɛ blɛnzan nya a ti lé kɔn ’léé; flamunu é dan gɔlɛ vuli lɛ a va yé é dan ga lɛ, é we lɛrɛlɛrɛ kɛlɛ Izraɛl, azama, yé é kɛlɛ bɔrɔdɛ nya é ti lé kɔn gi. ’Bɛ zo lé ka dan wenaané si lɛ ka méléna.