Lévinu 2:2 - Kazambale lé Sebe Sauunu 1979

² É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Lévinu 2:2 ပူးပေါင်းရင်းမြစ်များ

Néémi 13:14

Oo Bale, an sele ’é dɔ i gi we ’ko lé we ma ma. Yé wezin lé maa kɛlɛ anlé Bale lé kɔn valé alé nyanama ma, té a sele é san i gi lo ma.

Néémi 13:22

Yé maa lé Lévinu lɛ é ziin léé: ’Ka kabo kɛlɛ tegele yé ’ka da ka yuɛ pa flagɔrɔ ’léénu ta, té wo flinyi sɛrɛ lo we gi. Oo, anlé Bale, an sele ’é dɔ i gi we ’ko ma ma, yé ’i an tabin ilé nyanai zénle blɛn yɛrama ma.

Fwile 30:16

I dan Izraɛl lé nénu lé tabo gɔɔli si lɛ wo lee, yé wo tabo gɔɔli nya lé i dan zén‐ékevasɔkɔn ma nyanama pa lɛ; yé ’bɛ é dan a sele dɔ lɛ Gakelebale gi léé, Izraɛl lé nénu ’wobo tabo.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 2:16

Balebanzan é dan ’sanɛnɛ pundɔle valé nyɔnɔ ke si lɛ yé é dan a kyɛ ble lɛ weseledɔmigifɛ nya, ’é valé lasikɔrɔpo faa nya. É a balebanfɛ lé wa kyɛ blé Gakelebale ’lɛ, a nya.

Lévinu 2:9

Fɛ lé é a lé wa nɔ weseledɔmigifɛ nya, Balebanzan é dan a si lɛ yé é a kyɛ ble balebanna ta. É a balebanfɛblele lé Gakelebale a gin sié néné, a nya.

Lévinu 24:7

’I lasikɔrɔpo tegele zén a lɛ fiénu ta, yé é dan kɛlɛ lɛ weseledɔmigifɛ nya buru ta, saraka lé wa kyɛ blé Gakelebale ’lɛ, a nya.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 5:11

Dé plala fié valé plawuo sua fié mafɛ ’ka a lee lo, é dan da lɛ élé wenyané ma ban nya burupun zima suoné do nya, yé ’bɛ kɛlɛ wenyané ’yibo saraka nya; té é nyɔnɔ zén a ma lo, té é lasikɔrɔ po pa a va lo, naa, wenyané ’yibofɛ lé, azama.

Lévinu 5:12

É dan da lɛ a nya Balebanzan va, yé Balebanzan é dan a koli lɛ bɛ nya do we seledɔmigifɛ nya, yé é dan a kyɛ ble lɛ balebanna ta, woo winu kyɛ blé Gakelebale lɛ fɛan zo, a zo; wenyané ’yibofɛ lé.

Lévinu 6:15

Arɔn be lé ke Balebanzan nya, ’té wo dan a bɛ pa lɛ balebanle ta é ti pa gi, é a lé é ’ézé balebanfɛ ’ko nɔ é ziin. ’Wa faa kyɛ ble; é a lɛɛfaama bélidɔwe nya Gakelebale ’lɛ.

Mi Nɔnɔle 5:18

Balebanzan ’é lezan dɔ loru Gakelebale ’lɛ ma; ’é fɛ si a ’wuo ma, yé ’é weseledɔmigifɛ pa a lee; maawo mafɛ lé; ’té ’yi nyanale lé woo bale paan mi ma a nya, ’té é a Balebanzan lee.

Mi Nɔnɔle 5:26

É a lé Balebanzan ’é fɛ ’ko koli bɛ nya do, weseledɔmigifɛ nya, yé ’é a kyɛ ble balebanna ta. ’Bɛ zuo é a lé é ’yi nɔ lezan lɛ, léé, ’é a mini.

Kelewenu 10:4

É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.