Lévinu 2:1 - Kazambale lé Sebe Sauunu 1979

¹ Dé mi do a a va léé, ’é Gakelebale ban fɛblele nya, a banfɛ ’é kɛlɛ burupun zima nya; ’é nyɔnɔ zén a va, yé ’é lasikɔrɔpo pa a va.

Lévinu 2:1 ပူးပေါင်းရင်းမြစ်များ

Fwile 29:2

Buru koo, buru kurukuruné lé wa vɔɔan nyɔnɔ nya koo, buru pɛtoropɛtoroné lé woo nyɔnɔ nwɛɛn‐an wo ma koo, ’i wo kɛlɛ burupun zima nya, ’té lévɛn ’ka wo va lo.

Ézai 43:23

I ’ka ilé ’blanu kyɛ ble lɛ an lɛ lo, I ’ka an tɔ bɔ lɛ saraka bole nya lo; Maa ’ka i ma kyɛ dɔ lɛ léé, ’i blɛ kɛlɛ an lɛ lo, Yé maa ’ka i wɔlɛi nyaa lɛ i ma léé, ’i lasikɔrɔ kyɛ ble an lɛ lo.

Ézai 66:20

Wo dan ka bwenu faa si lɛ bɛnnu faa va, yé wo dan da lɛ wo nya Gakelebale lé blɛfɛ nya; wo dan da lɛ wisoonu ta, wo dan da lɛ goronu valé sélinu gi; wo dan da lɛ wi lé wa laama mulɛ, a ta, ’bɛ valé nyɔgɔménu ta, yé wo da anlé gɔ sauun va Jérusalɛm. Izraɛl lé munu woo dan balebanfɛnu nya fɛan zo, kana gibɔle gi Gakelebale lé kɔn gi, a zo lé wo dan da lɛ. Gakelebale ɛ fe.

Ézékiɛl 46:20

É lé an lɛ léé: Fɛana lé Balebanmunu é dan we nyaa saraka valé wenyané ’yibo saraka lé wi dɔne lɛ, ana lé ke bɛ. Yé ana lé wo dan blɛfɛnu dɔne lɛ é ziin, léé, té wo go wo nya gɔrɔ blɛn gi yé wo munu kɛlɛ mi tinlenu nya lo we ma.

Joɛl 1:9

Blɛ valé baleban’yi ’ka é dɛrɛ Gakelebale lé kɔn gi lo; Balebanzannu, Gakelebale wuozannu a gyɛbona.

Joɛl 2:14

Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Lévinu 14:10

A yi sɔraazan nya, ’blané fié lé fɛ do kpen ’ka wo ma lo koo, lɛɛ do ’blada lé fɛ do kpen ’ka a ma lo koo, suo nya do burupun zin lé wa vɔɔ nyɔnɔ nya yé é kɛlɛ balebanfɛblele nya, ’bɛ koo, nyɔnɔ litré buu koo, é dan wo si lɛ.

Lévinu 24:7

’I lasikɔrɔpo tegele zén a lɛ fiénu ta, yé é dan kɛlɛ lɛ weseledɔmigifɛ nya buru ta, saraka lé wa kyɛ blé Gakelebale ’lɛ, a nya.

Lévinu 5:11

Dé plala fié valé plawuo sua fié mafɛ ’ka a lee lo, é dan da lɛ élé wenyané ma ban nya burupun zima suoné do nya, yé ’bɛ kɛlɛ wenyané ’yibo saraka nya; té é nyɔnɔ zén a ma lo, té é lasikɔrɔ po pa a va lo, naa, wenyané ’yibofɛ lé, azama.

Lévinu 6:7

Baleban fɛblele lé bélidɔwe a ’ko zo: Arɔn benu é dan da lɛ a nya Gakelebale ’lɛ, balebanna ’lɛ.

Lévinu 9:17

É balebanfɛblele gɔɔn yé é a si bɛ nya do yé é a kyɛ ble balebanna ta; balebanwi lé wa kyɛ blé bladi, é a nɔ ’bɛ taa nya.

Lévinu 9:4

’Ka dirigɔné valé ’blagɔné si bɔvɔ saraka nya, yé ’ka Gakelebale ban wo nya; blɛ lé wa vɔɔ nyɔnɔ nya, ’ka ’bɛ si é ziin. Naa, Gakelebale é dan bɔra lɛ ka va kyɔ.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Mi Nɔnɔle 18:9

Bale ’lɛfɛnu lé wo ’ka wo kyɛ blé lo, wo va fɛnu lé wo dan kɛlɛ lɛ izé nya, yee lé ke ’ko: wolé balebanfɛnu faa koo, wolé blɛfɛnu faa koo, wolé wenyané ’yibo saraka faa koo, wenyaa saraka faa lé wa bo an lɛ koo, woo lé; Bale ’lɛfɛnu ’ko, wo dan kɛlɛ lɛ bii valé i benu zé nya.

Mi Nɔnɔle 28:5

A vafɛ ’é kɛlɛ burupun zima suoné do lé wa vɔɔ ɔlivinyɔnɔ litré do nya, a nya.

Mi Nɔnɔle 29:18

dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

Mi Nɔnɔle 7:13

Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ bale banfɛ nya;

Mi Nɔnɔle 7:19

Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya;

Mi Nɔnɔle 8:8

’Bɛ zuo, ’wo dirigɔné boroné do si, yee valé balebanfɛ lé wa no yifaama; burupun zima lé wa vɔɔ nyɔnɔ nya, yee lé. Yé ’i dirigɔné boroné bɛ si wenyané ’yibofɛ nya.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

1 Jan 2:20

Yé ka zin ye mi sauun Jézu va, yé ka faa we dɔɔ.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

SEBE LÉ JUD A GYE (Épitre de Jude) 1:20

An béé zinnu, Kazambale lé we sauun lé ke kazé nya, ’ka kabo dɔ gligli a gi. ’Ka bazoro Léli Sauun bɔle ka va nya.

Wegɔɔnle 8:3

Yé lanje bɛ da, yé ’bɛ dɔ balebanna ta, ’té lasikɔrɔ kyɛblégi kyanbɔ a ’bɛ lee; wo lasikɔrɔ kiɛre nɔ a lɛ, alé wo nɔle balebanna lé wa kɛlɛ kyan nya, ’té é ke lasikɔrɔ zé nya bɛ, ’té é ke fuablin ’lɛ, a ta we gi, é valé Kazambale lé munu faa lé bazorolenu nya.