Lévinu 19:32 - Kazambale lé Sebe Sauunu 1979

³² Dé nwanabɔzan bɔ i ma é nyanale, ’i nwa; ’i mi segele lɛdɔma. ’I kana Bale lee. Maa a Gakelebale nya.

Lévinu 19:32 ပူးပေါင်းရင်းမြစ်များ

Wepélisiananu 31:35

Rasɛl lé é ti lɛ léé: Té anzan bli é fli lo ma; an vɔ lomu va amalé an ’ka bɔa nwale lɛ i lɛ lo. É a gini, yé é ’ka miyilinénu ye lɛ lo.

Wepélisiananu 48:12

Jozɛfu wo si é ti gane la, yé é dia é bli la tɛrɛ va a ’lɛ.

1 Minwiinzannu 2:19

Bat‐Sééba go minwiinzan Salomɔn va Adonija lé we fele a lɛ we gi. Minwiinzan nwa a sile zia we gi, yé é yia é bli la a ’lɛ, yé é nyana élé webleblin ta. Wo da blin nya minwiinzan bu zé nya, yé é nyana a bɛyila.

2 Minwiinzannu 17:36

Naa, Gakelebale lé é ka si Éjipiti tɛrɛ la plɛplɛ blɛn valé é bɛ soile nya, ’ka kana a lee; ’ka dia ka bli la yee ɛ ’lɛ; ’ka saraka bo yee ɛ lɛ.

JOB (Job) 32:4

Wo gane a Éliu ’lɛ, amalé Éliu wo tabɛn, léé, ’wozé fe faa ’lɛ, yé ézé fe Job lɛ.

JOB (Job) 32:6

Yé Buz zan Barakéɛl be Éliu kun ézé fele ma yé é léma: Maa a mi boroné nya yé ka a mi kwakwanu nya; Amalé an kana, yé é ’ka dɔ lɛ an gi léé, maa anbo ’wuogiwe fe lo.

Wegɔnévɔlenu 16:31

Mi nwana a tɔkoro nya; zi tegele ta lé wa yé.

Wegɔnévɔlenu 20:29

Plɛplɛ a pɛniɛnu tɔbɔwe nya, yé nwana a mi segelenu ’lɛrɛfɛ nya.

Wegɔnévɔlenu 23:22

I ti lé é i yaa, ’i tɔné dɔ a lɛ; dé i bu kɛlɛ é kwa té i yuɛ vɔ a zi lo.

Ézai 3:5

Yaale mi ta é dan kɛlɛ lɛ munu méléna. Wo dan yaa lɛ wo ke ta, yé mi faa do do é dan yaa lɛ é bɔluzan ta. Pɛniɛ é dan guli vɔ lɛ mi segele lɛ, yé boazan é dan guli vɔ lɛ tɔzan lɛ.

Jérémi Lé Wuvɔ Sɛbɛ 5:12

Wo kolé zi ’lɛzannu dun ’wo bɛ ma; Wo ’ka gɔné segele do lɛdɔ lɛ a ma lo.

Lévinu 19:14

Té i bale pa tɔnéwiizan ma lo; té i fɛ do pla yuɛwiizan ’lɛ, yé é kɛlɛ a diafɛ nya lo; naa, ’i kana ilé Bale lee. Maa a Gakelebale nya.

Rom munu 13:7

Fɛ lé é a lé wa nɔ mi lɛ, ’ka a nɔ wo lɛ ma; ’ka lɛnpo gɔnɔ faa banwo é banwolɛmunu lɛ, ’ka kana ka kana lee munu lee, mi lé é a lé ka a lɛdɔama, ’ka a lɛdɔma ma.

1 Timoté 5:1

Té i mi segele saanna gɔɔn é lɛ dére plɛplɛ nya lo, naa, ’i we pla a lɛ bélé i ti zo; ’i pɛniɛnu zé we pla bélé i bwenu zo;

1 Piɛri 2:17

’Ka munu faa lɛdɔma; ’ka ka bwenu lɔrɔ pa; ’ka kana Kazambale lee; ’ka minwiinzan lɛdɔma.