Lévinu 19:31 - Kazambale lé Sebe Sauunu 1979

³¹ Té ka go miléli laamunu valé ’monédɔzannu va lo; te ka we laa wo lee lo, dé wo da ka tiri dɔ. Maa a Gakelebale, kalé Bale nya.

Lévinu 19:31 ပူးပေါင်းရင်းမြစ်များ

2 Minwiinzannu 17:17

Wo ’wo benu valé ’wo lunu vɔ kyɛ va yé wobo nɔ ’moné dɔle valé yo kɛlɛle lɛ, yé we lé ke é naané Gakelebale yuɛ gi, wo ’wobo dan a kɛlɛle we ma, Gakelebale bli flile we gi.

2 Minwiinzannu 21:6

É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

2 Minwiinzannu 23:24

’Bɛ ta loru, miléli laazanu koo, ’monédɔzannu koo, térafimnu koo, miyilinu koo, naanaafɛ faa lé wa ye Juda tɛrɛ la valé Jérusalɛm koo, Jozias wo si ana, bélidɔwe dérenu lé ke é gyɛle, sɛbɛ lé Balebanzan Ilkija a ye Gakelebale lé kɔn gi, a gi, tawole wo ta we gi.

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Fwile 22:18

Té ka yokɛlɛlezan vo é yuɛma lo.

Ézai 29:4

Maa dan i zun lɛ, yé i dére é dan we lɛ tɛrɛ va; yé maa ’ka dan a ’ma lɛ tegele lo. I dére é dan bɔra lɛ tɛrɛ gi bélé miléli dére zo, yé i dan gun gyɛ lɛ vun va.

Ézai 47:13

I wɔlɛi nyaa i ma ’monédɔle nya, Munu lé woo la gi ginian, ’Té woo ’moné dɔa monénénu koo, moné dɛrɛ koo, wo va, ’Té we lé é dan bɔ lɛ i ma, ’té wa fé i lɛ, ’Wo nwa sin, ’wo i si we gi ma.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Lévinu 19:26

Té ka fɛ do kpen ble é nyɛ nya lo. Té ka ’moné dɔ fɛ do kpen nya lo.

Lévinu 19:3

Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Lévinu 20:27

Dé gɔné léé, dé le léé, dé woo migale léli laan, ɛɛ, dé woo ’moné dɔa, ’wo we lɛdɔ wo gi ga nya; ’wo wo gyɛ gɔlɛ nya; wo nyɛ a wobo nwiin.

Kelewenu 8:11

É munu gi vuru élé yo kɛlɛle nya ana mɔn, amalé woo tɔné dɔa a lɛ flee.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

1 Samuɛl 28:3

Samuɛl ga turu; Izraɛl faa a wuvɔ yé wa pa élé fla, Rama. Saul blagiézannu valé ’monédɔzannu si turu élé tɛrɛ la.