Lévinu 19:30 - Kazambale lé Sebe Sauunu 1979

³⁰ ’Ka anlé flinyinu kɛlɛ yé ’ka anlé fɛna sauun ye fɛ blɛn nya. Maa a Gakelebale nya.

Lévinu 19:30 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 33:7

Yofoto lé é a nyaa, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

2 Minwiinmunu lé Wezuofe Sɛbɛ 36:14

Balebanzannu nwiinzannu faa valé munu ’wolé bélidɔwe sɛrɛle gi gyɛ bɛngɔnɔnu faa lé bozowenu yɛrama, yé Gakelebale lé kɔn lé wa pa é yɛrama Jérusalɛm, wa sɔnnénu sɛrɛ.

Lɛrɛvɔ Sɛbɛ 89:7

Naa, lagimunu va, mi kyɛn ɛ bɔa ébo danle lɛ Gakelebale maa? Bale benu va, mi kyɛn ɛ ke bélé bii zoo?

Fwile 20:8

Flinyi sele ’é dɔ i gi ma, a pale é yɛrama we gi.

Bale Lé We Gifezan 5:1

Té i we fe é kele lo, yé té i bligiwe do fe Kazambale lɛ é kele lo; naa, Kazambale a la gi, yé bii a tɛrɛ la; amalé i dére ’é kɛlɛ sɛ.

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Lévinu 15:31

Naa, anlé sɔkɔn lé ke Izraɛl lé nénu va bɛ, dé wa sɛrɛ wo dan ga lɛ, amalé é a lé ka Izraɛl lé nénu kɛlɛwe naanénu faa si wo ma.

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Lévinu 19:3

Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Lévinu 26:2

’Ka anlé flinyinu kɛlɛ yé ’ka anlé fɛna sauun ye ka kanamafɛ nya. Maa a Gakelebale nya.

Matio 21:13

Yé é lé wo lɛ léé: É a é gyɛle Kazambale lé sɛbɛ gi léé: Wo dan anlé kɔn laa lɛ bazorokɔn. Yé ka a kɛlɛ kyeenwozannu yɔɔkɔn nya.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?