Lévinu 19:3 - Kazambale lé Sebe Sauunu 1979

³ Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Lévinu 19:3 ပူးပေါင်းရင်းမြစ်များ

Wepélisiananu 48:12

Jozɛfu wo si é ti gane la, yé é dia é bli la tɛrɛ va a ’lɛ.

Néémi 9:14

Ilé yi nyané lé ke flinyi nya, bé gɔɔn wo lɛ, yé bélidɔwe sɔnnénu koo, weplalenu valé bélidɔwe koo, i wuozan Moizi a paa wo gi.

Fwile 16:29

Ka gi bɔrɔ do; Gakelebale flinyi nɔ ka lɛ; bɛwemalé a yi suiɛdozan nya é yi fié fɛblele nɔ ka lɛ. Mi faa do do ’é vo ’élé fɛna; a yi sɔrafiézan nya, té mi do kpen é si é nyanana lo.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Fwile 20:8

Flinyi sele ’é dɔ i gi ma, a pale é yɛrama we gi.

Fwile 21:15

Mi lé é é ti bla, taa, dé a bu léé, wo dan ga dɔ lɛ a nwiin.

Fwile 21:17

Mi lé é bale pa é ti valé é bu ma, wo dan ga dɔ lɛ a nwiin.

Wegɔnévɔlenu 1:8

An be, dé i ti a we gɔɔnna i lɛ, ’i tɔné dɔ a lɛ, yé dé i bu we paa i gi, té i sɔn vɔ a ma lo;

Wegɔnévɔlenu 23:22

I ti lé é i yaa, ’i tɔné dɔ a lɛ; dé i bu kɛlɛ é kwa té i yuɛ vɔ a zi lo.

Wegɔnévɔlenu 30:11

Migɔnɔ do ana yé woo bale paan ’wo ti ma, yé wo ’ka ’wo bu drɔɔ voo lo.

Wegɔnévɔlenu 30:17

Mi lé éé we nanaan é ti ma yé éé sɔn vɔa é bu lɛdɔle ma a ma, kanwéi é dan a yuɛ so lɛ a gi, yé gola lé nénu é dan a ble lɛ.

Ézai 58:13

Dé ibo kun flinyi nya, dé i ’ka ilé blibɔmawe kɛla anlé yi nyané la lo, dé flinyi kɛlɛ i ginanamayi nya, yi ’ko lé ke Gakelebale lé yi nya, dé bé ye ilé yi nyané nya, dé i ’ka we bɛ kɛla yi ’ko nya lo, dé i ’ka ibo no ibo lé bɔn‐in bɔrɔmawe lɛ lo, yé i ’ka we pla fé lo, ’bɛ zo lé i yi ’ko kɛlɛ blɛn,

Ézékiɛl 20:12

Yé é ziin, maa anlé flinyi nɔ wo lɛ tɔmase do nya maa valé wonu méléna, wolé a gi dɔɔle we gi léé, maa a Gakelebale lé éé wo paan é yɛrama, a nya.

Lévinu 11:44

Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Lévinu 19:25

A lɛɛ soruzan nya, ka dan wo ble lɛ, yé ka dan vo lɛ wo sona. Maa a Gakelebale, kalé Bale nya.

Lévinu 19:30

’Ka anlé flinyinu kɛlɛ yé ’ka anlé fɛna sauun ye fɛ blɛn nya. Maa a Gakelebale nya.

Lévinu 19:31

Té ka go miléli laamunu valé ’monédɔzannu va lo; te ka we laa wo lee lo, dé wo da ka tiri dɔ. Maa a Gakelebale, kalé Bale nya.

Lévinu 19:34

Bɛn bɛ mi lé ke é nyanale ka va, ’ka alé we kɛlɛ bélé kalé flami zo; ’é sɔ ka lɛ bélé kabozen zo, naa, ka a bɛnnu nya é vinin Éjipiti tɛrɛ la. Maa a Gakelebale, kalé Bale nya.

Lévinu 23:3

Ka dan nyanama pa lɛ yi suiɛdo; naa, yi sɔrafiézan a flinyi nya; ’bɛ ɛ ke ka nyanayi nya; wo dan zénle ékeva plɛplɛ do kɛlɛ lɛ. Té ka nyanama do kpen pa lo; é a Gakelebale lé flinyi nya, ka nyanana faa na.

Lévinu 26:2

’Ka anlé flinyinu kɛlɛ yé ’ka anlé fɛna sauun ye ka kanamafɛ nya. Maa a Gakelebale nya.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Bélidɔwesɛbɛ Fiézan 27:16

Mi lé é nyé yéli é ti valé é bu ma, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Ébrunu 12:9

É ziin, kaa tinu éé we lɛdɔa kaa gi tɛrɛ la ’ko, ’té kaa wo lɛdɔama, naa, é ’ka lé kaa pla é ziin kaa lagi Ti wuo, vole é yuɛma we gi loo?