Lévinu 19:18 - Kazambale lé Sebe Sauunu 1979

¹⁸ Té ibo lé we lɛ gi pa lo, té ilé munu vawe pa i bli gi lo. I bɔluzan ’é sɔ i lɛ bélé biibozen zo. Maa a Gakelebale nya.

Lévinu 19:18 ပူးပေါင်းရင်းမြစ်များ

Wepélisiananu 4:23

Lémɛk lé é nanu lɛ léé: Ada valé Sila, ’ka an dére ’ma ma; Lémɛk nanu, ’ka tɔné dɔ an dére lɛ ma. Maa mi do gyɛ alé an tuole we ma; Maa pɛniɛ do gyɛ an nyɛ dɔle an kɔlɛ gi we ma.

2 Samuɛl 13:22

Dé é a wezin nyaoo, dé é a wenaané nyaoo, Abusalɔm ’ka a do kpen fe lɛ Aminɔn lɛ lo, naa, é a za pa é bli gi; é a zuané Tamaa sɛrɛ, azama.

2 Samuɛl 13:28

Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

Lɛrɛvɔ Sɛbɛ 103:9

É ’ka zɔ dɔa mi va yifaama lo, Alé bliflile ’ka goo é ’lɛ yifaama lo,

Fwile 20:16

Té i viéwo mi ma lo.

Wegɔnévɔlenu 20:22

Té bé fe léé, ’é dan wenyané lɛgi pa lɛ lo. ’I bli vo Gakelebale lɛ, é dan i si lɛ we gi.

Lévinu 19:34

Bɛn bɛ mi lé ke é nyanale ka va, ’ka alé we kɛlɛ bélé kalé flami zo; ’é sɔ ka lɛ bélé kabozen zo, naa, ka a bɛnnu nya é vinin Éjipiti tɛrɛ la. Maa a Gakelebale, kalé Bale nya.

Matio 19:16

Yé mi do bié yé é lé Jézu lɛ léé: Anzan, maa mɛ we zima ɛ kɛla yé an vo é yuɛma lɛɛfaama yé a glɛ ’ka dɔa loo?

Matio 19:19

’i ti valé i bu lɛdɔma, ’i bɔluzan lɔrɔ pa bélé biibozen zo, woo lé.

WENÉNÉ LE JAN A GYE (Évangile selon Jean) 13:34

Maa bélidɔwe dɛrɛ nɔ ka lɛ léé: ’Ka sɔ ka ke lɛ, bélé fɛan zo lé ka sɔ an lɛ, ’ka sɔ ka ke lɛ a zo.

Kelewenu 16:28

Naa, Pɔl siaa dére plɛplɛ nya léé; Té i wenyané kɛlɛ ibo lɛ lo. Ko faa ana ’ko.

Rom munu 12:17

Té ka wenyané lɛgi pa mi do kpen ma wenyané nya lo; we lé é ke é zima mi faa yuɛ gi, ’ka yee ɛ nagini ma.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Rom munu 13:4

Minwiinzan a Kazambale wuozan nya ilé wezin yele we ma. Naa, dé i wenyané kɛla, ’i kana ma; naa, gwɔun ’ka a lee é pla lo, é a Kazambale wuozan nya we lɛgi pale valé we lɛdɔle wenyanékɛlɛmunu gi we ma.

Rom munu 13:9

Bélidɔwenu lé ke ’ko: té i le bɛ valé gɔné bɛ gini lo; té i mi gyɛ lo; té i kyeenwo lo; té i bli é bɔ fɛnu ma lo; yé dé a bɛ ana é ziin, ’bɛ koo, a faa lɛ a é sɔɔle dére ’ko nya, léé, ’i bɔluzan ’é sɔ i lɛ bélé biibozen zo.

Galasi munu 5:14

Naa, bélidɔwe faa lɛ a é sɔɔle dére do kpen gi léé, ’i bɔluzan lɔrɔ pa bélé biibozen zo.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

Kolɔs munu 3:8

Naa, sin, ’ka sɔn vɔ we ’konu faa ma: bliflile koo, zapale koo, we lɛrɛlɛrɛ kɛlɛle koo, mi sɔnɔle koo, zɛɛn vɔ dérenu koo, ’ka sɔn vɔ wo ma.

Ébrunu 10:30

Naa, mi lé é a fe léé: Maa ɛ ke welɛgipazan nya, Maa ɛ we lɛdɔa mi gi, kaa ’bɛzan dɔɔ. Yee ɛ fe é ziin léé: Mizambale é dan élé munu lé we ble lɛ.

SEBE LÉ JAK A GYE (Épitre de Jacques) 2:8

Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.

1 Piɛri 2:1

Mi blifliwe faa koo, dabliwe faa koo, bodrɔle koo, bli bɔle mi bɛ lé fɛ ma koo, liwole faa koo, ’ka daan wo ma.

1 Jan 4:21

Kaa bélidɔwe ’ko ye Jézu va, léé, mian Kazambale sɔ a lɛ, a bwe ’é sɔ a lɛ ma.