Lévinu 18:5 - Kazambale lé Sebe Sauunu 1979

⁵ ’Ka anlé bélidɔwenu valé an déretawenu lɛdɔma; mi lé éé wo ta tawoo, é dan béli lɛ wo ma. Maa a Gakelebale nya.

Lévinu 18:5 ပူးပေါင်းရင်းမြစ်များ

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Fwile 6:2

Kazambale we fe Moizi lɛ é ziin yé é lé a lɛ léé: Maa a Gakelebale nya.

Fwile 6:29

Gakelebale lé Moizi lɛ léé: Maa a Gakelebale nya. We faa lé maa fé i lɛ, bé fe Éjipiti mununwiinzan blɛn Faraɔn lɛ.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Ézékiɛl 18:9

’té éé tawoo anlé bélidɔwenu valé an déretawenu ta yarapalale nya, ’bɛzan a tegele, é dan vo lɛ é yuɛma; yee lé Mizan Gakelebale a fe.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

Lévinu 18:6

Té ka va mi do kpen élé mi poro lo. Maa a Gakelebale nya.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Matio 19:17

Jézu lé a lɛ léé: Mɛmalé i we zima lé we ma laa an lee? Bale do kpen ɛ ke é zima. Dé é sɔ i lɛ léé, i vo é yuɛma, ’i bélidɔwenu kɛlɛ.

WENÉNÉ LÉ LUK A GYE (Évangile selon Luc) 10:28

Jézu lé a lɛ léé: Bé zi pa tegele; ’i ’bɛ kɛlɛ yé i dan vo lɛ é yuɛma.

Rom munu 10:5

Naa, kɛlɛlɛ tegele lé éé sié bélidɔwe va, Moizi a gi fe ’ko zo, léé: Mian éé we ’konu kɛla, wo kɛlɛlɛ nya lé é dan vo lɛ é yuɛma.

Rom munu 7:10

Yé bélidɔwe lé é a kɔɔn léé, ’é mi béli, é an gyɛ.

Galasi munu 3:12

Bélidɔwe ’ka sié blipale va lo, naa, é a é gyɛle léé: Mian éé we ’konu kɛla, é dan béli lɛ wo ma.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.