Lévinu 17:7 - Kazambale lé Sebe Sauunu 1979

⁷ Yonu lé wo go wo zuo bélé bɔrɔdɛ le zo, té ’wo wo ban é dɛrɛ lo. É a bélidɔwe lé a glɛ ’ka lo, a nya, wo valé ’wo kulunu zé nya.

Lévinu 17:7 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 11:15

Jéroboam boligɔnénu fotonu valé dirinénu fotonu kɛlɛ, yé é munu dɔ wo banzannu nya gɔnu nwiin.

Lɛrɛvɔ Sɛbɛ 106:37

Wo wolé miyilinu ban ’Wo benu valé ’wo lunu nya,

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Fwile 22:19

Dé mian yi gyɛ wi va, wo dan ga dɔ lɛ a nwiin.

Fwile 22:20

Mian éé bale bɛnu baan Gakelebale pa gi, wo dan a si lɛ tɛrɛ la tata.

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 34:15

’I yuɛ pa ibo va, té i gi pa do ana tɛrɛlamunu va lo, dé wa gona ’wolé balenu zuo, bélé bɔrɔdɛ le éé goo gɔnénu zuo fɛan zo, a zo, ’té woo ’wolé balenu baan, dé wo da ka laa yé ka wolé balebanwi ble;

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Ézékiɛl 23:3

Wo gɔné gini Éjipiti tɛrɛ la; wo gɔné gini ’wo boroné la bléyi va. ’Bɛna lé wo wo nyɔ yéli, ’bɛna lé wo bɛ mane wo nyɔ toroné ma.

Ézékiɛl 23:8

Éjipiti munu yia a va a boroné la bléyi va; wo bɛ mane a nyɔ toroné ma, yé wo ’wolé leginile vɔ a lee, amalé é ’ka sɔn vɔ lɛ gɔné ginile ma wo va lo.

Lévinu 17:8

Amalé ’bé fe wo lɛ léma: Dé Izraɛl mi do léé, ɛɛ, dé bɛn bɛ mi lé ke é nyanale ka va, dé ’bɛ léé, balebanwi lé wa kyɛ blé, dé é a nɔ, ɛɛ, dé é balebanwi nɔ

Lévinu 20:5

maabozen, é dan dɔ lɛ yee valé élé kɔngimunu ma yé maa dan a si lɛ élé munu va, yee valé munu faa lé woo goo Mɔlɔk zuo bélé bɔrɔdɛ le zo, bélé mi ’ko a kɛlɛ fɛan zo, a zo, wo nya.

Lévinu 3:17

Té ka winyɔnɔ valé é nyɛ ble lo; we ’ko a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

1 Korent munu 10:20

Naa, fɛan woo saraka boo a nya, yobanfɛ lé. Kazambale banfɛ kaan lo. Yé maa ’ka a va léé, ka nana yonu nya lo.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Éfez munu 2:2

’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 32:17

Miyilinu lé wo ’ka Bale nya lo, wo wo ban, Balenu lé wo ’ka wo dɔɔ lɛ é vinin lo, Bale dɛrɛnu lé wo da lao bɛ, ’Té wo tranu ’ka kana lɛ wo lee lo, wo wo ban.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;