Lévinu 17:15 - Kazambale lé Sebe Sauunu 1979

¹⁵ Dé flami léé, dé bɛn bɛ mi léé, mi faa lé wo wigale ble, ɛɛ, dé wi lé fɛ a kini ékema, dé mi do a ble, é dan élé sɔnu zuru lɛ yé ébozen zuru yé é dan vo lɛ duowo é naané fɔɔ nyanadi, ’bɛ zuo yé ’é kɛlɛ tegele.

Lévinu 17:15 ပူးပေါင်းရင်းမြစ်များ

Fwile 22:30

I dan ilé diri valé ilé ’bla lé né vinin nɔ lɛ an lɛ é ziin; é dan vo lɛ é bu va yi sɔrafié; a yi sɔraazan nya, yé ’i da a nya an lɛ.

Fwile 22:31

’Ka kɛlɛ anzé munu sauunnu nya ma. Wi lé winu a ma mian bwi gi, té ka a ble lo. ’Ka a vuli blénnu lɛ.

Ézékiɛl 4:14

Yé maa léé: Aa, Mizan Gakelebale, bé ye, anboen tiri ’ka dɔ lɛ monomono lo; é sia an kiéné ma fɔɔ bléyi ’ko va, dé é a wi gale nyaoo, dé é a wi lé fɛ a gyɛ, a nyaoo, maa ’ka tan a vinin ble lɛ lo. Yé wi nɛ tiridɔle ’ka tan wɔra lɛ an ’léé lo.

Ézékiɛl 44:31

Dé é a miané do nyaoo, dé é a wi do nyaoo, dé é gaoo, dé a wi a é kinile ékemaoo, té Balebanmunu é wo wi ble lo.

Lévinu 11:24

Wo dan ka tiri dɔ lɛ; dé miomian mane wo gale ma, azan tiri dɔ fɔɔ nyanadi,

Lévinu 11:25

yé dé miomian wo gale sia, ’élé sɔnu zuru yé a tiri é dan vo lɛ é dɔle fɔɔ nyanadi.

Lévinu 11:27

Winu faa lé woo tawoo ’wo bɛ la, ’ka wo ye fɛ tiridɔle nya; dé miomian mane wo gale ma, azan tiri dɔ fɔɔ nyanadi,

Lévinu 11:28

yé dé miomian wo gale sia, ’élé sɔnu zuru yé a tiri é dan vo lɛ é dɔle fɔɔ nyanadi. ’Ka wo ye fɛ tiridɔle nya.

Lévinu 11:31

Wi kiénénu faa va, ’ka wo ye fɛ tiridɔle nya. Dé miomian mane wo gale ma, a tiri é dan dɔ lɛ fɔɔ nyanadi.

Lévinu 11:32

Fɛ faa lé wo mane wo gale ma, wo tiri dɔ; dé yilifɛ léé, dé sɔ léé, dé wikɔlɛ léé, dé bɔlɔ léé, dé fɛofɛan woo fɛ kɛla a nya, dé ’bɛ léé, ’ka wo vɔ ’yi va, yé ’wo vo ’wo tiri nya fɔɔ nyanadi; a zuo a gi é dan bɔ lɛ.

Lévinu 11:39

Dé ka blewi do ga, mi lé é mane ’bɛ gale ma, ’bɛzan tiri é dan dɔ lɛ fɔɔ nyanadi;

Lévinu 11:40

mi lé é a gale ble, ’élé sɔnu zuru yé a tiri é dan vo lɛ é dɔle fɔɔ nyanadi, yé mi lé é a gale sia, ’élé sɔnu zuru yé a tiri é dan vo lɛ é dɔle fɔɔ nyanadi.

Lévinu 15:10

Dé fɛofɛan ke gɔné ’ko wuo, dé mian mane ’bɛ ma, ’bɛzan é dan vo lɛ é naané fɔɔ yé nyanadi é pa; yé mi lé é a nyanalafɛ sia, é dan élé sɔnu zuru lɛ yé ’é ’yi si yé éboen zuru, yé é vo é naané fɔɔ yé nyanadi é pa.

Lévinu 15:21

Dé miomian mane alé yialafɛ ma, é dan ’élé sɔnu zuru lɛ, yé ’é ’yi si yé éboen zuru yé ’té é a é naané duowo fɔɔ yé nyanadi é pa.

Lévinu 15:5

Dé mian mane alé yialafɛ ma, é dan élé sɔnu zuru lɛ, yé é dan éboen zuru lɛ, yé ’bɛzan é dan vo lɛ é naané fɔɔ yé nyanadi é pa.

Lévinu 22:8

Dé wi gale léé, dé wi lé a kɔlɛ ma mian, dé yee léé, té é a ble lo, dé ’bɛ é da a kɛlɛ naané. Maa a Gakelebale nya.

Lévinu 7:24

Dé é a wi gale nyaoo, dé é a wi lé a ma mian, a nyaoo, dé é sɔ ka lɛ léé, ka kɛlɛ fɛan zo a nyɔnɔ nya, ’ka kɛlɛ, naa, té ka a ble lo.

Mi Nɔnɔle 19:19

Mian é ke tegele, é dan ’yi zén lɛ mian é ’ka tegele lo, a ta, a yi yaazan valé a yi sɔrafiézan nya, yé é dan kɛlɛ lɛ tegele a yi sɔrafiézan nya. ’É ’élé sɔnu zuru, yé ’ébo zuru; yé é nyanadi é dan kɛlɛ lɛ tegele.

Mi Nɔnɔle 19:21

We ’ko é dan kɛlɛ lɛ bélidɔwe lé é ’ka nyaan lo, a nya wo lɛ. Mi lé é mi kɛlɛ tegele ’yi zén mi ta, ’élé varɔnu zuru, yé mian mane mi kɛlɛ tegele ’yi ma, é ’ka tegele lo fɔɔ nyanadi.

Mi Nɔnɔle 19:8

Mian é diri kyɛ ble, ’élé varɔ zuru yé ’ébozen zuru yé é dan vo lɛ fɔɔ nyanadi, ’té é ’ka tegele lo.

Bélidɔwesɛbɛ Fiézan 14:21

Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama. Té ka boliné dɔné é bu nyɔyi nya lo.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.