É dan dirigɔnéné bɔrɔ bo lɛ Gakelebale ’lɛ; yé Balebanmunu, Arɔn benu, wo dan a nyɛ nɔ lɛ yé wo dan a zana lɛ balebanna lé ke zén‐ékevasɔkɔn ’léé, a zi.
Arɔn é dan wenyané ’yibo saraka bo lɛ ’élé dirigɔné nya, yé é dan kɛlɛ lɛ yee valé ’élé kɔngimunu lé wenyané ’yibofɛ nya. É dan ’élé wenyané ’yibo dirigɔné bɔrɔ bo lɛ.
Naa, nɛ faa bélifɛ a nyɛ lé ke a gi, a nya. Bɛwemalé maa a fe Izraɛl lé nénu lɛ léé, té wo fɛ do kpen nyɛ ble lo; naa, fɛ é vo é yuɛma é nyɛ nya; dé miomian a ble, wo dan a si lɛ élé munu va.
Balebanzan é dan é bɛnwɔlɛ vɔ lɛ wenyané ’yibo saraka wi nyɛ va, yé é dan a boo lɛ balebanna lé woo balebanwi kyɛ blé a ta, a bélinu ma, yé é dan a nyɛ zana lɛ balebanna lé woo balebanwi kyɛ blé a ta, a punma.
É dan a nyɔnɔ faa kyɛ ble lɛ balebanna ta, woo bɔvɔ saraka lé winyɔnɔ zé kɛla fɛan zo, a zo. ’Bɛ zo lé Balebanzan é dan minwiinzan lé wenyané ’yibo saraka bo lɛ yé Bale é dan a ma we vo lɛ.
Moizi a bɔrɔ bo yé é a nyɛ si yé é bɛnwɔlɛ vɔ a va yé é a gié balebanna bélinu faa ma, yé é balebanna ’lɛ dɔ; é nyɛ zana balebanna punma yé é a ’lɛ dɔ wenyané ’yibole ana we gi.
Kazambale Jézu dɔ wenyané ’yibofɛ nya, a nyɛ lé we ma, blipaalɛmunu zé nya. Kazambale we ’ko kɛlɛ a gɔɔnle we gi léé, ’é a tegele. Wenyanénu lé munu a kɛlɛ é vinin, Kazambale bli tiéé bléyi va, Kazambale fii pla ’bɛnu ta,
É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.
Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.
Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.