Lévinu 16:29 - Kazambale lé Sebe Sauunu 1979

²⁹ Kalé bélidɔwe do lé a glɛ ’ka lo, yee lé ke ’ko: Moné sɔrafié lé yi vuzan nya, ka dan kabo kɛlɛ lɛ kiéné; té ka nyanama do kpen pa lo, flazan koo, bɛn bɛ mi lé éé nyanaan ka va koo, té wo nyanama pa lo.

Lévinu 16:29 ပူးပေါင်းရင်းမြစ်များ

1 Minwiinzannu 8:2

Izraɛlnu faa zén ékeva minwiinzan blɛn Salomɔn va, moné sɔrafiézan lé wa laama Étanim moné, a nya, fɛti kɛlɛbléyi va.

Ezidras 3:1

A moné sɔrafié bɔ ’té Izraɛlnu a wolé flanu la. Yé munu faa zén ékeva do Jérusalɛm.

Ezidras 8:21

Aava yuu sɔnɔ bɛ, an mibo kɛlɛ kiéné lɔrɔsɔnle zana dɔɔ kolé Bale ’lɛ, léé, ko zanté vɔ a lɛ léé, ’é bɛ zin pa ko ta kolé tawole gi, ko koo, kolé nénu koo, fɛnu faa lé wo ke ko lee koo, ko ta.

Lɛrɛvɔ Sɛbɛ 35:13

Dé wa gyɛ kɛlɛna, an bɔlɔ zén an ta, Yé maa an boen kɛla kiéné lɔrɔ sɔnle nya, Yé an bazoroan an ’wuo vɔle nya an wuo.

Lɛrɛvɔ Sɛbɛ 69:10

Naa, ilé kɔn lé we a an gi blɛn fɔɔ yé anbo faa no a we ma. Munu lé woo i sɔnɔan, maa lé wo an sɔnɔ.

Fwile 12:16

Fɛti yi vininzan a yi plɛplɛ nya; ka dan zénle ékeva sauun do kɛlɛ lɛ a yi la; a yi sɔrafiézan a yi plɛplɛ nya; ka dan zénle ékeva sauun do kɛlɛ lɛ ’bɛ yi la é ziin. Té ka nyanama pa yi ’konu nya lo; ’ka fɛ dɔne é pla.

Fwile 20:10

A yi sɔrafiézan a Gakelebale, ilé Bale lé flinyi nya; té i nyanama do kpen pa lo, bii koo, i be koo, i lu koo, i wuogɔné koo, i wuole koo, ilé wi koo, bɛn lé é ke ilé kɔn gi koo, té ’wo nyanama do kpen pa lo.

Fwile 30:10

Lɛɛ do gɔnɔ do Arɔn é dan wenyané ’yibofɛ gié lɛ balebanna bélinu ma; wenyané ’yibofɛ lé wa gyɛ, a nyɛ nya lé é dan wenyané ’yibowe kɛlɛ lɛ lɛɛ do do gi, ka kulunu faa va. É a fɛ ’lɛzan nya é baba Gakelebale yuɛ gi.

Fwile 31:14

Ka dan flinyi kɛlɛ lɛ, naa, é dan kɛlɛ lɛ kalé yi nyané baba nya. Mi lé é flinyi sɔnné sɛrɛ, wo dan ga dɔ lɛ a nwiin; mi lé é nyanama pa ’bɛ yi la, wo dan a si lɛ Izraɛl va.

Fwile 31:15

’Ka nyanama pa yi suiɛdo; naa, yi sɔrafiézan a flinyi nya, Gakelebale lé yi lé. Mi lé é nyanama pa flinyi nya, wo dan ga dɔ lɛ a nwiin.

Ézai 58:13

Dé ibo kun flinyi nya, dé i ’ka ilé blibɔmawe kɛla anlé yi nyané la lo, dé flinyi kɛlɛ i ginanamayi nya, yi ’ko lé ke Gakelebale lé yi nya, dé bé ye ilé yi nyané nya, dé i ’ka we bɛ kɛla yi ’ko nya lo, dé i ’ka ibo no ibo lé bɔn‐in bɔrɔmawe lɛ lo, yé i ’ka we pla fé lo, ’bɛ zo lé i yi ’ko kɛlɛ blɛn,

Ézai 58:3

Dé ko lɔrɔ sɔn yé i ’ka a yé lo, ’bɛ tɔnɔ ɛ ke mɛ nyaa? Dé kobo kɛlɛ kiéné yé i yuɛ sia ko la, ’bɛ tɔnɔ ɛ ke mɛ nyaa? Ka ye, kalé lɔrɔsɔnyi la, ka kabo no kalé bɔn‐in bɔrɔmawenu lɛ, yé ka nyané paan kalé nyanamapazannu ta.

Ézai 58:5

’Bɛ zo lɔrɔsɔnle ’ko, ’bɛ an gi nanaan? Yé ’bɛ zo lé mi ébo kɛla kiénéé? Ka ’wuo tua bélé blawɔlɛ zo yé ka yia bɔlɔ valé kyɛyee zénle nya ka ta. ’Bɛ a Gakelebale sɔlɛyi nya é wo laa, yé ka a laa lɔrɔsɔnlee?

Daniɛl 10:12

É lé an lɛ léé: Daniɛl, té i kana we do lee lo. Yian nya lé i bli bɔ we ’ko gi ’male ma yé ibo kɛlɛ kiéné ilé Bale ’lɛ, Bale i dérenu ’ma a yi nya yé i dérenu ’ko lé we ma lé an da.

Daniɛl 10:3

An ’ka fɛ néné do kpen ble lɛ lo yé an ’ka wi valé dɔrɔ wɔra lɛ an ’léé lo. An ’ka nyɔnɔ gié lɛ an ma lo fɔɔ yé flɛyi yaa lɛ sɔɔ.

Lévinu 23:21

A yi duo nya, ka dan fɛti zana dɔɔ lɛ yé ka dan zénle ékeva plɛplɛ do kɛlɛ lɛ; té ka nyanama pa lo, ’té dé é ’ka ka ma’lɛrɛle nya lo. É a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.

Lévinu 23:3

Ka dan nyanama pa lɛ yi suiɛdo; naa, yi sɔrafiézan a flinyi nya; ’bɛ ɛ ke ka nyanayi nya; wo dan zénle ékeva plɛplɛ do kɛlɛ lɛ. Té ka nyanama do kpen pa lo; é a Gakelebale lé flinyi nya, ka nyanana faa na.

Lévinu 23:36

Saraka lé wa kyɛ blé, ka dan a bo lɛ Gakelebale lɛ yi sɔrafié. A yi sɔraazan nya, ka dan zénle ékeva plɛplɛ kɛlɛ lɛ, yé sarakanu lé wa kyɛ blé, ka dan wo bo lɛ Gakelebale lɛ; é a zénle ékeva blɛɛn nya, té ka nyanama pa lo, ’té dé é ’ka ka ma’lɛrɛle nya lo.

Lévinu 25:9

Moné sɔrafié lé yi vuzan nya, ka dan bélinu fɛn lɛ yé a zuoi éé goo wele nya; wenyané ’yibo yi nya, ka dan béli fɛn lɛ kalé tɛrɛ faa la.

Lévinu 3:17

Té ka winyɔnɔ valé é nyɛ ble lo; we ’ko a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.

Mi Nɔnɔle 29:7

A moné sɔrafié lé yi vuzan nya, ’ka zén‐ékeva plɛplɛ do kɛlɛ, yé ka kaboen kɛlɛ kiéné ma. Té ka nyanama do kpen pa lo, ’té dé é ’ka ka ma’lɛrɛle nya lo.

Kelewenu 27:9

Yi kiɛre gié. Lɔrɔsɔnbléyi bozen gié tɛkɛ, bɛwemalé tawole ’yitagoro gi kɛlɛ tɔntɔn.

1 Korent munu 11:31

Naa, dé é kɛlɛ léé, kaa kaabo lé we ble, wo ’ka dan kaalé we ble lɛ lo.

Ébrunu 4:10

Bɛwemalé mian é Kazambale lé flinle ’ko ye, éé nyanaan élé nyanamanu ma, bélé fɛan zo lé Kazambale nyana ézénu ma, a zo.

1 Samuɛl 7:6

Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.