Lévinu 16:21 - Kazambale lé Sebe Sauunu 1979

²¹ Arɔn é dan é bɛ fiénu pla lɛ boli yuɛmale ta, yé Izraɛl lé nénu lé weplenu koo, wolé wenyané faa lé wa kɛlɛ bélidɔwenu sɛrɛle nya koo, é dan wo faa fe lɛ boligɔné ’wuo ta; é dan wo dɔ lɛ boligɔné nwiin, ’bɛ zuo é dan so lɛ a va, yé é dan a binle bɛ pa lɛ mi do lee, yé ’bɛ goan bwi gi.

Lévinu 16:21 ပူးပေါင်းရင်းမြစ်များ

Ezidras 10:1

Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 51:3

Baleoo, Bale, ’i bli kɛlɛ an ma drɔɔ ilé zin yɛrama, ’I anlé bélidɔwe sɛrɛlenu fwi ilé nyanai zénle blɛn yɛrama;

Fwile 29:10

I dan da lɛ dirigɔné nya zén‐ékevasɔkɔn ’lɛ, yé Arɔn valé é benu é dan ’wo bɛnu pla lɛ dirigɔné ’wuo la.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Lévinu 1:4

É dan é bɛ pla lɛ balebanwi lé wa kyɛ blé, a ’wuo ta, yé Gakelebale é dan é ban‐ɛn ble lɛ, yé é dan kɛlɛ lɛ alé wenyané ’yibofɛ nya.

Lévinu 16:20

Fɛna sauun koo, zén‐ékevasɔkɔn koo, balebanna koo, dé é nyaa wo ma saraka bole nya, é dan bié lɛ boligɔné yuɛmale nya.

Lévinu 16:22

Boligɔné é dan go lɛ wolé weplenu faa nya é nwiin, tɛrɛ lé mi do kpen ’ka a ta lo, ana; wo dan a bin lɛ yé é go bwi gi.

Lévinu 26:40

Wolé weplenu valé wo tranu lé weplenu koo, anlé bélidɔwe sɛrɛlenu koo, wo dɔ an ma plɛplɛ fɛan zo koo, wo dan a fe lɛ;

Lévinu 5:5

Mi lé é we dɔ ’é nwiin we ’konu va we do kɛlɛle nya, ’é da ’élé wenyané fe.

Rom munu 10:10

Naa, blipale nya lé mi éé bɔa kɛlɛlɛ lɛ tegele; a tɔ bɔrale munu va nya lé mi éé bɔa sile lɛ we gi, Kazambale lé sɛbɛ a fe fɛan zo, a zo; é léé:

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.