Lévinu 16:2 - Kazambale lé Sebe Sauunu 1979

² Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Lévinu 16:2 ပူးပေါင်းရင်းမြစ်များ

1 Minwiinzannu 6:16

É kɔn soro ma mɛtrɛ vu vo, yé ’bɛ é kɛlɛ fɛna sauun tinle nya, yé é ’bɛ é gi sɔɔla sɛdrɛyili fɛnnu nya, é sia tɛrɛ va fɔɔ yé wo bɔ kɔnguru nya ékema.

1 Minwiinzannu 8:6

Balebanmunu go Gakelebale lé gipawe pagikɛsu nya é dɔrana, kɔn gi fɛna sauun na, fɛna sauun tinle na, sérubɛnnu bɛanu wuo.

2 Minwiinmunu lé Wezuofe Sɛbɛ 5:14

Lati lé we ma lé Balebanmunu ’ka bɔa vole lɛ ana wolé nyanama pale we gi lo; Gakelebale lé fuasan Gakelebale lé kɔn fan, azama.

Fwile 30:10

Lɛɛ do gɔnɔ do Arɔn é dan wenyané ’yibofɛ gié lɛ balebanna bélinu ma; wenyané ’yibofɛ lé wa gyɛ, a nyɛ nya lé é dan wenyané ’yibowe kɛlɛ lɛ lɛɛ do do gi, ka kulunu faa va. É a fɛ ’lɛzan nya é baba Gakelebale yuɛ gi.

Lévinu 16:13

é dan lasikɔrɔ zén lɛ kyɛnyɛ ta Gakelebale ’lɛ, léé, a goi ’é sɔɔla nyanai zén mi la nyanana lé ke Bale lé kɛsu ta, a ta, yé é ’ka gaan lo.

Lévinu 16:34

É a kalé bélidɔwe do lé a glɛ ’ka lo, a nya; lɛɛ do do faa ma wo dan Izraɛl lé nénu lé wenyané ’yibo lɛ. We lé Gakelebale a fe Moizi lɛ, wa kɛlɛ.

Lévinu 23:27

Moné sɔrafiézan ’ko lé yi vuzan nya, é a wenyané ’yiboyi nya; ka dan zénle ékeva plɛplɛ kɛlɛ lɛ, yé ka dan kabo kɛlɛ lɛ kiéné, yé sarakanu lé wa kyɛ blé, ka dan wo bo lɛ Gakelebale lɛ.

Lévinu 8:35

Amalé ’ka vo zén‐ékevasɔkɔn ’léé yi sɔrafié, é yiéyi valé é béli, yé ’ka Gakelebale sɔnné pa, té ka ga lo we gi; naa, ’bɛ zo lé Bale a fe an lɛ.

Mi Nɔnɔle 17:10

Gakelebale lé Moizi lɛ léé: ’I go Arɔn lé tawomayili nya é pa gi, wenayekɛsu ’lɛ, bé tadɔ ’bɛna yé ’é kɛlɛ tɔmase nya Izraɛlnu lé nwamimazannu lɛ, léé, ’wo daan gungyɛle ma an ma, té ’wo ga lo we ma.

Mi Nɔnɔle 18:7

Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

Mi Nɔnɔle 4:19

’Ka we ’ko kɛlɛ léé, ’wo vo é yuɛma, dé wo bié fɛna sauun tinle ma bléyian va, té wo ga lo: Arɔn valé é benu, ’é da ma, yé ’wo wo dɔ do do wolé nyanama lé we ma, ’té wo yuɛ a wolé fɛnu ta.

Mi Nɔnɔle 4:5

Dé wo zén ta va bléyian va, Arɔn valé é benu é dan sɔ si lɛ ana, yé wa zén gipawe pagikɛsu ta.

Matio 27:51

Yé bé ye, Balebangikɔn gi sɔ lé wa kɛlɛ kɔnmi nya, a fee bo, é sia loru yé é bɔ tɛrɛ, yé tɛrɛ ma nyɔɔn, yé gɔlɛ blɛnnu fee gyɛ,

Ébrunu 6:19

Bli vole we lɛ ’ko, é a kaa gi kaa bélimafɛ blɛɛn boen nya. Éé goo fɔɔ yé éé wɔraan Balebangikɔn gi, sɔ lé wa kɛlɛ kɔnmi nya, a zi, yé ’bɛ a la gi.

Ébrunu 9:25

É ’ka wɔra lɛ ’bɛna ébozen nɔle saraka nya gɔnɔ kiɛre nya lo, bélé fɛan zo lé Balebanmunu ’lɛzan éé wɔraan lɛɛ do gɔnɔ do wi nyɛ nya é lee fɛna sauun na, a zo lo;

Ébrunu 9:3

Sɔ fiézan lé ke kɔnmi nya, wa zuo zia laama fɛna sauun tinle.

Ébrunu 9:5

Gipawe pagikɛsu ta loru Kazambale lé sérubɛnnu ana, ’té wo furɔ éé zén‐é nyanai zén mi la nyanana ta. Bléyi ’ko ’ka wo ma we do do faa febléyi nya lo.

Wegɔɔnle 15:8

Balebangikɔn lé fɛna sauun fan Kazambale ta kyɛgoi lé é ke alé fuasan valé alé plɛplɛ nya, a nya; yé mi do kpen ’ka bɔa wɔrale lɛ Balebangikɔn gi lo, fɔɔ yé lanje sɔrafié lé migyɛgyɛ sɔrafié lɛ é sɔɔ.