Lévinu 16:13 - Kazambale lé Sebe Sauunu 1979

¹³ é dan lasikɔrɔ zén lɛ kyɛnyɛ ta Gakelebale ’lɛ, léé, a goi ’é sɔɔla nyanai zén mi la nyanana lé ke Bale lé kɛsu ta, a ta, yé é ’ka gaan lo.

Lévinu 16:13 ပူးပေါင်းရင်းမြစ်များ

Fwile 25:21

I dan nyanai zén mi la nyanana dɔra lɛ kyankɛsu ta loru, yé wenaye fɛ lé maa dan a nɔ lɛ i lɛ, i dan a pa lɛ kyankɛsu gi.

Fwile 28:43

Dé Arɔn valé é benu wɔra zén‐ékevasɔkɔn gioo, dé wo bié balebanna ma wolé nyanama pale we gi fɛna sauun naoo, wo dan wo zén lɛ ’wo ta; ’bɛ zo lé we ’ka é dɔle wo nwiin lo, yé wo ’ka gaan lo. We ’ko a bélidɔwe lé a glɛ ’ka lo, a nya, Arɔn valé é kulunu lé wo dan kɛlɛ lɛ a zuo, wozé nya.

Fwile 30:1

I dan balebanna do kɛlɛ lɛ, lasikɔrɔ kyɛblele we ma; ’bé kɛlɛ akasiayili nya;

Lévinu 22:9

’Wo anlé bélidɔwenu lɛdɔma, dé wo da wenyané dɔ wobo nwiin yé wo ga, fɛ plɛplɛ kɛlɛle fɛ pla nya we ma. Maa a Gakelebale nya, maa ɛ wo kɛlɛ segele.

Mi Nɔnɔle 16:18

Wo ’wolé kyɛnyɛsibɔ sia do do, wo kyɛnyɛ zén a gi, yé wo lasikɔrɔpo pla a ta, yé wo dɔ loru zén‐ékevasɔkɔn ’léé, wo valé Moizi valé Arɔnnu nya.

Mi Nɔnɔle 16:46

’I kyɛnyɛsibɔ si, yé kyɛ lé é ke balebanna ta, bé ke si, bé zén a gi, yé i lasikɔrɔpo pla a ta, yé ’i go zén‐ékevamunu vazia é nya do, yé ’i wolé wenyané ’yibo; naa, Gakelebale fuo wo ma yé migyɛgyɛ kun mi gyɛle ma tɛkɛ.

Mi Nɔnɔle 16:7

Tɛlɛ, ’ka kyɛnyɛ zén wo gi, yé ’ka lasikɔrɔpo pla a ta Gakelebale ’lɛ; mian Gakelebale a si a va, yee mi ’ko é dan kɛlɛ lɛ segele. ’Kaa Lévimunu, kazé sɔ.

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

Mi Nɔnɔle 4:20

Dé wo fɛ ’lɛzannu wɔra wo pafɛnu gi bléyian va, té ’wo wɔra ana a naginile we ma lo, dé wo da ga.

Bélidɔwesɛbɛ Fiézan 33:10

Wo ilé gɔnɔlawenu paa Jakɔb gi, Yé wo ilé bélidɔwe paa Izraɛl gi. Woo lasikɔrɔ dɔa i nyé ’léé, Yé woo winu kyɛ blé i banna ta.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.