Lévinu 15:31 - Kazambale lé Sebe Sauunu 1979

³¹ Naa, anlé sɔkɔn lé ke Izraɛl lé nénu va bɛ, dé wa sɛrɛ wo dan ga lɛ, amalé é a lé ka Izraɛl lé nénu kɛlɛwe naanénu faa si wo ma.

Lévinu 15:31 ပူးပေါင်းရင်းမြစ်များ

Lɛrɛvɔ Sɛbɛ 66:18

Dé é kɛlɛ kɔɔn léé, weple é vo an bli gi, ’Té Mizan ’ka anlé bazorole nyi sié lo.

Ézékiɛl 23:38

We lé wa kɛlɛ an lɛ é ziin, yee lé ke ’ko: Wo anlé fɛna sauun tiri dɔ yee yi duo nya, yé wo anlé flinyinu sɛrɛ.

Ézékiɛl 36:17

Blami be, bléyian va lé Izraɛl munu a wolé tɛrɛ la, wo giébɛnu valé wo kɛlɛwenu wolé tɛrɛ sɛrɛ. Wo giébɛ kɛlɛ an yuɛ gi bélé le lé é ’ka tegele lo, a tiri dɔbɛ zo.

Ézékiɛl 44:23

Fɛnu lé wo ’lɛ ke koo, fɛ planu koo, é a lé wo wolé we paa anlé munu gi. Fɛnu lé wo ke tegele koo, fɛnu lé wo ’ka tegele lo koo, é a lé wo wolé we paa anlé munu gi.

Ézékiɛl 5:11

Bɛwemalé, Mizan Gakelebale léma: Maa a é yuɛma. Ka anlé fɛna sauun tiri dɔ kalé miyilinu faa valé kalé bozowe faa kɛlɛle nya, amalé maa é ziin, an dan an yuɛ si lɛ ka la, yé an yuɛyi ’ka dan dɔ lɛ a ta lo, yé é ziin, an nyanai ’ka dan zén lɛ ka ta monomono lo.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Lévinu 11:47

Yee lé a tiri ke koo, yee lé a tiri ’ka lo koo, winu lé wa blé koo, winu lé wo ’ka wo blé lo koo, kalé a gi dɔɔle we ma lé maa wolé we fe ka lɛ.

Lévinu 13:59

Dé é a ’blakyɛɛsɔ nyaoo, dé é a lɛnsɔ nyaoo, dé sɔkoli ma zia léé, dé a gyéi ma zia léé, dé é a wikɔlɛfɛofɛan nyaoo, dé pantɛn gyɛ vɔ wo ma, wozé we ’léé lé ke bɛ. Wo dan a gibɔle valé a tiridɔle fe lɛ bɛan zo, yee lé ke bɛ.

Lévinu 15:32

Frɔlɔgyɛzan koo, mi lé a ’yi zana é pla koo,

Lévinu 19:30

’Ka anlé flinyinu kɛlɛ yé ’ka anlé fɛna sauun ye fɛ blɛn nya. Maa a Gakelebale nya.

Lévinu 20:3

Yé maa, maa dan dɔ lɛ a ma yé maa dan a si lɛ élé munu va, ’élé nénu kɛlɛ Mɔlɔk banfɛ nya, yé é anlé fɛna sauun sɛrɛ yé é an tɔ plɛplɛ kɛlɛ tɔ pla nya, ’bɛzama.

Lévinu 21:23

Fɛ do bɔ a kɔlɛ ma, amalé té é go kɔnmikɛlɛsɔ vazia lo, té é bié balebanna sɔnɔ lo; té é anlé fɛna sauunnu kɛlɛ fɛ planu nya lo; naa, maa a Gakelebale nya; maa wo ’lɛ dɔ.

Mi Nɔnɔle 19:13

Mian mane migale ma, yé é ’ka ’ébo kɛlɛ lɛ tegele lo, ’té é Gakelebale lé sɔkɔn sɛrɛ; ’wo ’bɛzan si Izraɛlnu va ma. É ’ka mi kɛlɛ tegele ’yi zén lɛ ’é ta lo; é ’ka tegele lo; a tiri a tan, azama.

Mi Nɔnɔle 19:20

Mi lé é ’ka tegele lo yé é ’ka zuru lɛ lo, é a lé wa si zén‐ékevamunu va, naa, é Gakelebale lé fɛna sauun sɛrɛ. Wo ’ka mi kɛlɛ tegele ’yi zén lɛ a ta lo, amalé é ’ka tegele lo.

Mi Nɔnɔle 5:3

Dé é a gɔné nyaoo, dé é a le nyaoo, ’ka wo bin; ’ka wo bin sɔkɔn dɔna, sɔkɔn dɔna lé anzé nyanana ke a méléna ’ko, té a sɔnné sɛrɛ lo we gi.

1 Korent munu 3:17

Dé mian é Kazambale kɔn guru zana a gi, Kazambale é dan ’bɛzan guru zana lɛ a gi. Kazambale kɔn a sauun, a nya lé ka ke.

Bélidɔwesɛbɛ Fiézan 24:8

’Ka yuɛ pa kabozen va pantɛngyɛ lé we ma; we faa lé Balebanmunu, Lévinu a paa ka gi alé we ma, ’ka a ta tawo; we faa lé maa a fe wolé we ma, ’ka we kɛlɛ a yɛrama é zima.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

1 Samuɛl 3:14

Bɛwemalé maa bale pa Éli lé kɔn ’léé munu ma, léé, wo ’ka dan Éli lé kɔngimunu lé wenyané fwi lɛ monomono lo, dé saraka bole léé, dé Bale blan léé, wo nya lo.