Lévinu 15:13 - Kazambale lé Sebe Sauunu 1979

¹³ Dé alé gyɛ nyaa, ’é yi sɔrafié kɛlɛ, ’té é kɛlɛ tegele; é dan ’élé sɔnu zuru lɛ, yé é dan éboen zuru lɛ, ’yi lé éé yoroan, a va, yé é kɛlɛ tegele.

Lévinu 15:13 ပူးပေါင်းရင်းမြစ်များ

Fwile 29:35

Wenu faa lé maa i bélidɔ a nya Arɔn valé é benu zé nya, bé kɛlɛ. ’I wo bɛ pale Bale banle ta we ’ko kɛlɛ yi sɔrafié.

Fwile 29:37

Yi sɔrafié nya i dan wenyané ’yibofɛ nɔ lɛ balebanna ta yé a ’lɛ é dan dɔ lɛ; balebanna ’lɛ é dan dɔ lɛ é baba, yé fɛ faa lé é mane balebanna ma, a ’lɛ é dan dɔ lɛ.

Jérémi 33:8

Weplenu faa lé wa kɛlɛ an lɛ, maa dan wo zuru lɛ ’bɛ we ma, yé weplenu lé wa kɛlɛ an ’namawe nya, yé wo nwa an ma wo nya, maa dan wo ma we vo lɛ ’bɛ we ma.

Lévinu 14:10

A yi sɔraazan nya, ’blané fié lé fɛ do kpen ’ka wo ma lo koo, lɛɛ do ’blada lé fɛ do kpen ’ka a ma lo koo, suo nya do burupun zin lé wa vɔɔ nyɔnɔ nya yé é kɛlɛ balebanfɛblele nya, ’bɛ koo, nyɔnɔ litré buu koo, é dan wo si lɛ.

Lévinu 14:8

Mi lé é da é nwiin foli lɛ, é dan élé sɔ zuru lɛ, é dan é ma kyɛɛ faa bo lɛ, yé é dan zuru lɛ yé a gi é bɔ. ’Bɛ zuo, a se a a lɛ léé, é go fla, naa, té é go élé kɔn gi lo, fɔɔ yi sɔrafié.

Lévinu 15:28

Dé alé sɔ zurule nyaa, ’é yi sɔrafié kɛlɛ yé é dan kɛlɛ lɛ tegele.

Lévinu 15:5

Dé mian mane alé yialafɛ ma, é dan élé sɔnu zuru lɛ, yé é dan éboen zuru lɛ, yé ’bɛzan é dan vo lɛ é naané fɔɔ yé nyanadi é pa.

Lévinu 8:33

Yi sɔrafié gi, té ka si zén‐ékevasɔkɔn ’léé lo, fɔɔ yé ka bɛ pale balebanle ta yinu lɛ é sɔɔ; naa, ka bɛ pale balebanle tawe a yi sɔrafié we nya.

Lévinu 9:1

A yi sɔraazan nya, Moizi Arɔn valé é benu valé Izraɛl mi segelenu laa.

Mi Nɔnɔle 12:14

Yé Gakelebale lé Moizi lɛ léé: Dé é kɛlɛ léé, a ti é ’léli vɔ a yara é pla, ’té é ’ka dan kɛlɛ lɛ yaragyɛzan nya yi sɔrafié gi loo? ’É vo fla gini ma yi sɔrafié. ’Bɛ zuo é dan zi ye lɛ.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.