Lévinu 14:7 - Kazambale lé Sebe Sauunu 1979

⁷ É dan nyɛ nwɛɛn lɛ gɔnɔ sɔrafié, pantɛngyɛzan lé é dan ’é nwiin foli lɛ, a ta. ’Bɛ zuo é dan a fe lɛ léé, é kɛlɛ tegele, yé é dan daan lɛ miané yuɛmale ma yé ’bɛ é go bwii.

Lévinu 14:7 ပူးပေါင်းရင်းမြစ်များ

2 Minwiinzannu 5:10

Élizé mi nwunvɔ a fele a lɛ we gi léé: ’I go, ’i zuru Juudɛn yuu va gɔnɔ sɔrafié. I kɔlɛ é dan nɔla lɛ yé i gi é dan bɔ lɛ.

2 Minwiinzannu 5:14

Yé é go yé é Juudɛn ’yi bɔ gyɛ gɔnɔ sɔrafié Bale lé mi dére yɛrama; yé a kɔlɛ kɛlɛ é ziin bélé né boroné kɔlɛ zo, yé a gi bɔ.

Lɛrɛvɔ Sɛbɛ 51:7

An bu an bɔn si wenyanékɛlɛzan nya, Bé ye, an bɔra weple nya an lee.

Ézai 52:15

Naa, sin, é dan kɛlɛ lɛ munu kiɛre ginanamazan nya. Minwiinzan blɛnnu lɔlu lɛ é dan tan lɛ a ’lɛ, Naa, wenu lé wo ’ka wo zuo fe lɛ wo lɛ lo, wo dan a ye lɛ, Wenu lé wo ’ka tan a ’ma lɛ lo, wo dan a ’ma lɛ, ’bɛzama.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Lévinu 13:13

yé dé é a ye léé, pantɛn nyaa a kɔlɛ ma yé a pagi vo fu, é dan a fe lɛ léé, pantɛngyɛzan gi bɔ. A kɔlɛ faa kɛlɛ fu, amalé a gi bɔ.

Lévinu 13:17

Balebanzan é dan a ma gini lɛ, yé dé a manɔn kɛlɛ fu, Balebanzan é dan a fe lɛ léé, mi lé manɔn ’ko ke a ma, a gi bɔ. A gi a é bɔle.

Lévinu 14:51

Sɛdrɛyili koo, izopé koo, sɔ sɔɔn koo, miané yuɛmale koo, é dan wo si lɛ yé é wo zua miané lé é a bɔrɔ bo é vinin, a nyɛ valé ’yi zin va, yé é dan a nyɛ nwɛɛn lɛ kɔn ta gɔnɔ sɔrafié.

Lévinu 16:14

É dan dirigɔné nyɛ si lɛ yé é dan a nwɛɛn lɛ é bɛnwɔlɛ nya nyanai zén mi la nyanana ’lɛ, yirinwanazia; é dan nyɛ nwɛɛn lɛ ’é bɛnwɔlɛ nya gɔnɔ sɔrafié nyanai zén mi la nyanana ’lɛ.

Lévinu 16:19

É dan a nyɛ nwɛɛn lɛ gɔnɔ sɔrafié balebanna ta; é dan a taa pa lɛ yé a ’lɛ ’é dɔ, Izraɛl lé nénu lé tiridɔwenu lé wa kɛlɛ, a ma.

Lévinu 16:22

Boligɔné é dan go lɛ wolé weplenu faa nya é nwiin, tɛrɛ lé mi do kpen ’ka a ta lo, ana; wo dan a bin lɛ yé é go bwi gi.

Lévinu 4:17

é dan é bɛnwɔlɛ vɔ lɛ a nyɛ va yé é dan a ma puo lɛ Gakelebale ’lɛ gɔnɔ sɔrafié, sɔ lé wa kɛlɛ kɔnmi nya, a yara.

Lévinu 4:6

é dan é bɛnwɔlɛ vɔ lɛ a nyɛ va yé é dan a ma puo lɛ gɔnɔ sɔrafié Gakelebale ’lɛ, fɛna sauun na, sɔ lé wa kɛlɛ kɔnmi nya, a yara.

Lévinu 8:11

É nyɔnɔ nwɛɛn balebanna ta gɔnɔ sɔrafié, yé é a gié balebanna valé a ma nyanamapafɛnu faa ma, yé é a gié’wolikana valé é gane gi, wo ’lɛdɔle we gi.

Misé 7:19

I nyanai é dan zén lɛ é ziin ko ta; i dan kolé weplenu pla lɛ i gane wuo, i dan kolé wenyanénu vuli lɛ wɛyi wɔlɛ ma.

Mi Nɔnɔle 19:12

É a lé é zuru yee ’yi ’ko nya a yi yaazan valé a yi sɔrafiézan nya, yé é dan kɛlɛ lɛ tegele; naa, dé é ’ka zuru lɛ a yi yaazan valé a yi sɔrafiézan nya lo, ’té é ’ka dan kɛlɛ lɛ tegele lo.

WENÉNÉ LE JAN A GYE (Évangile selon Jean) 19:34

Naa, sunya do a sɛe fɔn din nya. Tɔɔn nyɛ valé ’yi bɔra a gi.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 12:24

Jézu lé é ke gipawe dɛrɛ gizan nya, yee koo, Jézu nyɛ lé é nwɛɛn yé a zuowe fila vɔ é mini Abɛl zé ta bɛ, yee koo, wo sɔnɔ lé ka ke é biéle.

Ébrunu 9:13

Dirigɔné valé boligɔné nyɛ koo, dirida yee lé wa nwɛɛn‐an munu lé wo Bale sɔnné sɛrɛ, wo ta, ’bɛ koo, dé ’bɛnu we si munu nwiin yé wo kɛlɛ ’wo bwenu nya mi do é ziin,

Ébrunu 9:19

Dé Moizi bélidɔwe sɔnné tɛtɛnénu fe munu faa lɛ faa, ’bɛ zuo yé diriné valé boligɔné nyɛ koo, ’yi koo, ’blakyɛɛsɔ sɔɔn valé izopéyili bɛné koo, é wo si yé é nyɛ nwɛɛn bélidɔwe sɛbɛ valé munu ta, yé é léé:

Ébrunu 9:21

A zo duo lé é nyɛ nwɛɛn sɔkɔn valé Balebɔfɛnu faa ta.

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Jan 5:6

Jézu Krist ’ko, yee ɛ da ’yi valé nyɛ nya. ’Yi saa kaan lo, naa, ’yi valé nyɛ lé. Kazambale Léli a webozen nya, amalé a Léli ɛ a ma we fé.