Lévinu 14:10 - Kazambale lé Sebe Sauunu 1979

¹⁰ A yi sɔraazan nya, ’blané fié lé fɛ do kpen ’ka wo ma lo koo, lɛɛ do ’blada lé fɛ do kpen ’ka a ma lo koo, suo nya do burupun zin lé wa vɔɔ nyɔnɔ nya yé é kɛlɛ balebanfɛblele nya, ’bɛ koo, nyɔnɔ litré buu koo, é dan wo si lɛ.

Lévinu 14:10 ပူးပေါင်းရင်းမြစ်များ

Fwile 29:40

’I burupun zima si suoné nya do, yé bé vɔɔ ɔlivi wɔlɛnu lé wa zɔn, a nyɔnɔ litré do nya, yé i dɔrɔ litré do si saraka bo’yi nya, yé ’i da wo fiénu nya yé ’i ’bɛ valé ’blané vininzan nɔ ékeva.

Lévinu 1:10

Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Lévinu 14:11

Balebanzan lé é dan mi ’ko nwiin foli lɛ, é dan da lɛ gɔné ko valé fɛ ’konu faa nya Gakelebale ’lɛ, zén‐ékevasɔkɔn ’léé.

Lévinu 14:12

Balebanzan é dan ’blané do valé nyɔnɔ litré buu si lɛ yé é dan wenyaa saraka bo lɛ a nya; é dan a dia lɛ ’é bɛ fié la Gakelebale ’lɛ.

Lévinu 14:15

Balebanzan é dan nyɔnɔ litré buu si lɛ yé ’é a zén é bɛbo lee guru la.

Lévinu 14:21

Dé mi ’ko a nyanégyɛzan nya yé fɛ’konu mafɛ ’ka a lee lo, é dan da lɛ ’blané do kpen nya, yé wo wenyaa saraka bo a nya, ’té dé wa dia é bɛ fié ta faa, ’bɛ nya lé wo dan alé wenyané ’yibo lɛ. É dan da lɛ burupun zima lé wa vɔɔ nyɔnɔ nya, a suoné do nya, yé ’bɛ é kɛlɛ balebanfɛblele nya; yé ’é da nyɔnɔ litré buu nya é ziin.

Lévinu 2:1

Dé mi do a a va léé, ’é Gakelebale ban fɛblele nya, a banfɛ ’é kɛlɛ burupun zima nya; ’é nyɔnɔ zén a va, yé ’é lasikɔrɔpo pa a va.

Lévinu 2:11

Dé ka Gakelebale ban fɛblele?-?nuan nya, té lévɛn é kɛlɛ wo do kpen va lo; fɛblelenu lé ka wo nɔ Gakelebale lɛ wo kyɛblele we ma, dé é a lévɛn nyaoo, dé é a zɔrɔnyɔnɔ nyaoo, dé ’bɛ do a wo va, té ka ’bɛ kyɛ ble Gakelebale lɛ lo.

Lévinu 2:13

’Ka wɛ pa kalé Bale lé fɛblele faa ma; té kalé Bale banfɛ é vuru wɛ ma lo; é a kalé Bale gi pale do tɔmase nya; ’ka wɛ pa kalé balebanfɛblele faa ma.

Lévinu 23:13

’ka a taa pa burupun zima lé wa vɔɔ nyɔnɔ nya, a suoné fié, saraka lé wa kyɛ blé, a nya, ’té Gakelebale a gin sié néné; yé ka dan baleban’yi zana lɛ dɔrɔ litré do é buu nya.

Lévinu 4:32

Dé é ’blané nɔ wenyané ’yibofɛ nya, ’blada lé we do kpen ’ka a ma lo, ’é yee ɛ nɔ.

Lévinu 9:1

A yi sɔraazan nya, Moizi Arɔn valé é benu valé Izraɛl mi segelenu laa.

Mi Nɔnɔle 28:20

’Ka a taa pa burupun zima lé wa vɔɔ nyɔnɔ nya, a nya; suo nya do a dirigɔné do zé nya, suoné nya fié a ’blagɔné do zé nya,

Mi Nɔnɔle 6:14

É a lé é Gakelebale ban; ’blagɔnéné lé a lɛɛ kɛlɛ do, ’té we do ’ka a ma lo, ’é ’bɛ nɔ balebanwi lé wa kyɛ blé, a nya; ’bladané lé a lɛɛ kɛlɛ do, ’té we do ’ka a ma lo, ’é ’bɛ nɔ wenyané ’yibofɛ nya; ’blagɔné lé we do ’ka a ma lo, ’é ’bɛ nɔ bɔvɔ saraka nya;

Mi Nɔnɔle 7:43

Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya;

Matio 8:4

Yé Jézu lé a lɛ léé: Té bé fe mi do kpen lɛ lo, naa, ’i go ibo nagɔɔn Balebanzan lɛ, yé balebanfɛ lé Moizi a nɔle béli dɔ, bé banwo yé ’é kɛlɛ munu lɛ i bélile tɔmase nya.

Maak 1:44

’I yuɛ pa ibozen va. Té i we do kpen fe mi do lɛ lo. ’I go ibo nagɔɔn Balebanzan lɛ, yé fɛ lé Moizi a nɔle béli dɔ, bé banwo, yé é kɛlɛ munu lɛ i bélile tɔmase nya.

WENÉNÉ LÉ LUK A GYE (Évangile selon Luc) 5:14

A zuo Jézu lé a lɛ léé: Té bé zuo fe mi do kpen lɛ lo. Naa, ’i go ibo nagɔɔn Balebanzan ɛ lɛ, yé fɛ lé Moizi a nɔle béli dɔ, bé banwo, yé ’é kɛlɛ munu lɛ i bélile tɔmase nya.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 6:33

Naa, Kazambale lé buru lé é ke maa lé an si la gi yé an zun tɛrɛ la, an nya, vole é yuɛma lé a glɛ ’ka lo, maa ɛ a no tɛrɛlamunu lɛ.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.