Lévinu 13:57 - Kazambale lé Sebe Sauunu 1979

⁵⁷ Dé é bɔra é ziin sɔ ma, dé a koli ma zia léé, dé a gyéi ma zia léé, a ma, dé é bɔra wikɔlɛfɛ ma, ’té pantɛn ɛ bɔra a ma bɛ. Fɛ lé gyɛ ’ko vɔ a ma, wo dan a kyɛ ble lɛ.

Lévinu 13:57 ပူးပေါင်းရင်းမြစ်များ

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Lévinu 13:48

dé a koli ma zia léé, dé a gyéi ma zia léé, dé lɛn kununu léé, dé ’blakyɛɛ kununu léé, dé é a wikɔlɛ nyaoo, dé é a fɛ lé wa kɛlɛ wikɔlɛ nya, ’bɛ nyaoo, dé é a ’bɛ ma,

Lévinu 13:56

A zurule zuo, dé Balebanzan a ye léé, a gi kɛlɛ nyané, dé sɔ lé, dé a koli ma zia léé, dé a gyéi ma zia léé, dé wi kɔlɛ ma léé, é dan a gyɛ na bɔi lɛ.

Lévinu 13:58

Dé sɔ lé, dé a koli ma zia léé, dé a gyéi ma zia léé, dé wikɔlɛfɛ léé, dé wa zuru yé gyɛ ’ko si ana, wo dan a zuru lɛ a gɔnɔ fiézan nya, yé a gi é dan bɔ lɛ.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Bélidɔwesɛbɛ Fiézan 24:8

’Ka yuɛ pa kabozen va pantɛngyɛ lé we ma; we faa lé Balebanmunu, Lévinu a paa ka gi alé we ma, ’ka a ta tawo; we faa lé maa a fe wolé we ma, ’ka we kɛlɛ a yɛrama é zima.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.